റാ​ഗി കൊണ്ട് വളരെ എളുപ്പം തയ്യാറാക്കാം രുചികരമായ ഹെൽത്തി ബ്രേക്ക്ഫാസ്റ്റ്; റാ​ഗി സേമിയ ഉപ്പുമാവ്

ഉപ്പുമാവ് തയ്യറാക്കാറില്ലേ? സാധാരണ ഉപ്പുമാവിൽ നിന്നും വ്യത്യസ്തമായ ഒരു ഉപ്പുമാവ് തയ്യാറാക്കിയാലോ?ധാരാളം പോഷക​ഗുണങ്ങൾ അടങ്ങിയ ഒന്നാണ് റാ​ഗി. ഇതുവെച്ച് ഒരു കിടിലൻ ഉപ്പുമാവ് തയ്യറാക്കിയാലോ? റാ​ഗി കൊണ്ട് വളരെ എളുപ്പം തയ്യാറാക്കാം രുചികരമായ റാ​ഗി സേമിയ ഉപ്പുമാവ്.

ആവശ്യമായ ചേരുവകൾ

• റാ​ഗി സേമിയ – 100 ഗ്രാം
• വെള്ളം – ആവശ്യത്തിന്
• സവാള – 1 എണ്ണം വലുത്
• പച്ചമുളക് – എരിവിനു അനുസരിച്ചു
• ഇഞ്ചി – ഒരു ചെറിയ കഷ്ണം

കടുക് വറുക്കാനാവശ്യമായവ

• കടുക് – 1 ചെറിയ സ്പൂൺ
• ഉഴുന്ന് – 1 സ്പൂൺ
• കടലപരിപ്പ് – 1 സ്പൂൺ
• കറിവേപ്പില – ആവശ്യത്തിന്
• തിരുമ്മിയ തേങ്ങ – ആവശ്യത്തിന്

തയ്യാറാക്കുന്ന വിധം

മുകളിൽ പറഞ്ഞിരിക്കുന്ന ചേരുവകളായ സവാളയും പച്ചമുളകും ഇഞ്ചിയും ഉഴുന്നും കടലപരിപ്പും കറിവേപ്പില എന്നിവ ചേർത്ത് വഴറ്റി മൂപ്പിച്ചെടുക്കുക. ശേഷം അതിലേക്ക് ആവശ്യത്തിന് ഉപ്പും വെള്ളവും ചേർത്ത് തിളച്ചു വന്നാൽ സേമിയ റാ​ഗി ഇട്ട് അഞ്ച് മിനുട്ട് മൂടി വയ്ക്കുക. ശേഷം തേങ്ങ ചേർത്ത് ചൂടോടെ കഴിക്കാം.