അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.പ്രാതലിന് പുട്ട് കഴിക്കാൻ ഇഷ്ട്ടപെടുന്നവരാണോ? എങ്കിൽ ഒരു വെറെെറ്റി പുട്ട് തയ്യാറാക്കിയാലോ? പച്ചക്കറികൾ കൊണ്ട് ഒരു ഹെൽത്തി പുട്ട് ആയാലോ? വളരെ എളുപ്പം തയ്യാറാക്കാം ബ്രൊക്കൊളിയും ക്യാരറ്റും കൊണ്ടുള്ള രുചികരമായ ഒരു ഹെൽത്തി പുട്ട്.
ആവശ്യമായ ചേരുവകൾ
- പുട്ട് പൊടി – ഒരു കപ്പ്
- ബ്രൊക്കോളി – ഒരു കപ്പ്
- ക്യാരറ്റ് – 1 കപ്പ്
- തേങ്ങാ ചിരവിയത് – അരകപ്പ്
- ഉപ്പ് – ആവശ്യത്തിന്
- വെള്ളം – ഒരു കപ്പ്
തയ്യാറാക്കുന്ന വിധം
പുട്ടുപൊടി ആവശ്യത്തിന് ഉപ്പും വെള്ളവും ഒഴിച്ച് കുതിരാനായി അരമണിക്കൂർ മാറ്റി വയ്ക്കുക. ബ്രൊക്കോളി തിളച്ച വെള്ളത്തിലിട്ട് അരമണിക്കൂർ വച്ചതിനുശേഷം ചെറുതായി അരിഞ്ഞ് എടുക്കുക. ക്യാരറ്റ് ഗ്രേറ്റ് ചെയ്ത് എടുക്കുക. കുതിർത്തി എടുത്ത പുട്ട് പെടിയിലേക്ക് ബ്രൊക്കൊളി അരിഞ്ഞതും ക്യാരറ്റ് കാൽ കപ്പ് തേങ്ങായും ഇട്ട് നന്നായി മിക്സ് ചെയ്യുക. ഇനി പുട്ടിന്റെ കുറ്റിയിൽ പുട്ട് പെടിയും ബ്രൊക്കൊളി അരിഞ്ഞതും ക്യാരറ്റ് ഗ്രേറ്റ് ചെയ്തതും തേങ്ങായും ഇടകലർത്തി ഇട്ട് ആവിയിൽ പുഴുങ്ങി എടുക്കുക. ഹെൽത്തിയും ടേസ്റ്റിയും ആയിട്ടുള്ള ബ്രൊക്കോളി ക്യാരറ്റ് പുട്ട് തയ്യാർ.
