അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.സ്റ്റാര്‍ സിംഗര്‍ നാളെ മുതല്‍ വീണ്ടും മലയാളികള്‍ക്ക് മുന്നില്‍ എത്തുന്നു. സീസണ്‍ 9ന്റെ റീ ലോഞ്ച് ആണ് നാളെ നടക്കാന്‍ പോകുന്നത്. 23 ഞായറാഴ്ച വൈകിട്ട് 6 മണി മുതല്‍ ഏഷ്യാനെറ്റില്‍ പരിപാടി സംപ്രേഷണം ചെയ്യും. പ്രശസ്ത സംഗീത സംവിധായകന്‍ വിദ്യാസാഗറാണ് പരിപാടിയിലെ മുഖ്യാതിഥി. കരിയറില്‍ 27 വര്‍ഷം പൂര്‍ത്തിയാക്കുന്ന അദ്ദേഹത്തെ ഏഷ്യാനെറ്റ് ആദരിക്കുന്ന ചടങ്ങും പരിപാടിയില്‍ സംപ്രേഷണം ചെയ്യും.
വിദ്യാ സാഗറിന്റെ മികച്ച ഗാനങ്ങള്‍ കോര്‍ത്തിണക്കി കൊണ്ടുളള പ്രത്യേക പരിപാടിയും നാളെ ഉണ്ടാകും. കൂടാതെ കുഞ്ചാക്കോ ബോബനും അനഘയും അടുത്തിടെ പുറത്തിറങ്ങിയ അവരുടെ സിനിമ ഗര്‍ര്‍ര്‍-നെക്കുറിച്ചുള്ള അനുഭവങ്ങള്‍ പങ്കിടാന്‍ എത്തുന്നുണ്ട്. കൂടാതെ നടി പാര്‍വതി തിരുവോത്ത് പുതിയ സിനിമ ഉള്ളൊഴുക്കിനെ സംബന്ധിച്ച അനുഭവങ്ങളും പങ്കുവെക്കും. സ്റ്റാര്‍ സിംഗര്‍ സീസണ്‍ 9 വിധികര്‍ത്താക്കളായ കെ എസ് ചിത്ര, വിധു പ്രതാപ്, സിതാര എന്നിവരുടെ ഗാനാലാപനം ഈ സായാഹ്നത്തിന് മാറ്റുകൂട്ടും. കൂടാതെ, ഈ സീസണിലെ മികച്ച 10 മത്സരാര്‍ത്ഥികളുടെ നൃത്ത പ്രകടനങ്ങള്‍, സ്‌കിറ്റുകള്‍, ആകര്‍ഷകമായ ഗാനങ്ങള്‍ എന്നിവയും ഉണ്ടാകും.
മൂന്നുമാസം മുമ്പ് സ്റ്റാര്‍സിംഗര്‍ സീസണ്‍ 9 ആദ്യഘട്ടം അവസാനിച്ചിരുന്നു. ബിഗ് ബോസ് ഷോ ആരംഭിച്ചത് മുതല്‍ സ്റ്റാര്‍ സിംഗര്‍ ഷോ നിര്‍ത്തി വെച്ചിരിക്കുകയായിരുന്നു. അതുകൊണ്ടുതന്നെ കഴിഞ്ഞ ആഴ്ച ബിഗ് ബോസ് തീര്‍ന്നതിന് പിന്നാലെയാണ് സ്റ്റാര്‍ സിംഗര്‍ സീസണ്‍ 9 റീലോഞ്ച് വാര്‍ത്തകള്‍ പുറത്തുവന്നത്. ഒന്നിനൊന്നു മികച്ച കണ്ടസ്റ്റന്‍സ് ആണ് ഇത്തവണ സ്റ്റാര്‍ സിംഗറില്‍ ഉള്ളത്. അതുകൊണ്ടുതന്നെ പ്രേക്ഷകര്‍ അക്ഷമരായി കാത്തിരിക്കുന്ന ഒരു സീസണ്‍ ആണ് ഇത്.
