അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
കന്നട സിനിമയിലെ ചലഞ്ചിംഗ് സ്റ്റാര്‍ ദര്‍ശന്‍ തുഗുദീപയ്‌ക്കെതിരെ പുതിയ ആരോപണങ്ങള്‍ വന്നതോടെ രേണുകാ സ്വാമി കൊലക്കേസ് പുതിയ തലങ്ങളിലേക്ക്. കൊലപാതകവുമായി ബന്ധപ്പെട്ട തെളിവുകള്‍ നശിപ്പിക്കാന്‍ കൂട്ടാളികള്‍ക്ക് പണം നല്‍കാന്‍ ദര്‍ശന്‍ ഒരു സുഹൃത്തില്‍ നിന്ന് 40 ലക്ഷം രൂപ കടം വാങ്ങിയതായി പോലീസ്. കീഴടങ്ങാനും കുറ്റകൃത്യത്തിന്റെ ഉത്തരവാദിത്തം ഏറ്റെടുക്കാനും മറ്റു വ്യക്തികള്‍ക്ക് 30 ലക്ഷം രൂപ നല്‍കിയതായി റിപ്പോര്‍ട്ടുണ്ട്, തന്നില്‍ നിന്ന് ശ്രദ്ധ തിരിക്കാമെന്ന പ്രതീക്ഷയില്‍. കൊലയാളികളുമായി ദര്‍ശന്‍ നിരന്തര സമ്പര്‍ക്കം പുലര്‍ത്തിയിരുന്നതായും തട്ടിക്കൊണ്ടു പോയ ശേഷം രേണുക സ്വാമിയെയാണ് ആദ്യം ഇയാളുടെ അടുത്തേക്ക് കൊണ്ടുവന്നതെന്നും അന്വേഷണത്തില്‍ വ്യക്തമായി. സംഭവവുമായി ബന്ധപ്പെട്ട് ദര്‍ശനും പവിത്ര ഗൗഡയും ഉള്‍പ്പെടെ 17 പേരെ പൊലീസ് അറസ്റ്റ് ചെയ്തിട്ടുണ്ട്. രേണുക സ്വാമിയുടെ പോസ്റ്റ്മോര്‍ട്ടം റിപ്പോര്‍ട്ടില്‍ ഞെട്ടിപ്പിക്കുന്ന വിവരങ്ങള്‍ പുറത്തുവന്നത് ദര്‍ശനെതിരെയുള്ള കേസ് കൂടുതല്‍ തീവ്രമാക്കുന്നു.
ദര്‍ശന്റെ ആരാധകനായ രേണുക സ്വാമി നടന്റെ കാമുകിയായ നടി പവിത്ര ഗൗഡയെ അപകീര്‍ത്തികരമായ സന്ദേശങ്ങള്‍ അയച്ചതാണ് വിവാദത്തിന് തുടക്കമിട്ടത്. ഈ സന്ദേശങ്ങളില്‍ രോഷാകുലനായ ദര്‍ശന്‍, സ്വാമിയെ കൊലപ്പെടുത്താന്‍ ഒരു കരാര്‍ കൊലയാളിയെ ഏല്‍പ്പിച്ചതായി ആരോപിക്കപ്പെടുന്നു. 40 ലക്ഷം രൂപ പിടിച്ചെടുത്ത പോലീസ് പണം നല്‍കിയ സുഹൃത്തായ മോഹന്‍രാജിനെ തിരിച്ചറിഞ്ഞു. തനിക്കെതിരായ എല്ലാ തെളിവുകളും നശിപ്പിച്ച് നിയമപരമായ പ്രശ്നങ്ങള്‍ നേരിടേണ്ടിവരില്ലെന്ന് ഉറപ്പാക്കാനാണ് ദര്‍ശന്‍ പണം കടം വാങ്ങിയതെന്നാണ് സൂചന. കൊലപാതകക്കുറ്റത്തിന് അറസ്റ്റിലായ സാന്‍ഡല്‍വുഡ് ചലഞ്ചിംഗ് സ്റ്റാര്‍ നടന്‍ ദര്‍ശന്‍ ഇത് രണ്ടാം ഇത് രണ്ടാം തവണയാണ് ദര്‍ശന്‍ സെന്‍ട്രല്‍ ജയിലില്‍ ജുഡീഷ്യല്‍ കസ്റ്റഡിയില്‍ എത്തുന്നത്. 2011 സെപ്റ്റംബറില്‍, ഭാര്യ വിജയലക്ഷ്മിയെയും മൂന്ന് വയസ്സുള്ള മകനെയും മര്‍ദിച്ചതിനും ലൈസന്‍സുള്ള റിവോള്‍വര്‍ ഉപയോഗിച്ച് ഭാര്യയെ ഭീഷണിപ്പെടുത്തിയതിനും അറസ്റ്റ് ചെയ്തു . അന്ന്, ഹൈക്കോടതി ജാമ്യം അനുവദിക്കുന്നതിന് മുമ്പ് അദ്ദേഹം ഒരു മാസത്തോളം വിചാരണത്തടവുകാരനായി ചെലവഴിച്ചു . പിന്നീട് വിജയലക്ഷ്മി പിന്‍വലിച്ചതോടെ കേസ് അവസാനിപ്പിച്ചു. ദമ്പതികള്‍, ഒരു പത്രസമ്മേളനത്തില്‍, ഒത്തുതീര്‍പ്പ് ഉണ്ടാക്കിയതായി പ്രഖ്യാപിച്ചു. കേസില്‍ ദര്‍ശന്റെ കാമുകി പവിത്ര ഗൗഡയും മറ്റ് 12 പേരും ഇതിനകം ജുഡീഷ്യല്‍ കസ്റ്റഡിയിലാണ്. പവിത്രയ്ക്ക് അപമാനകരമായ സന്ദേശങ്ങളും ചിത്രങ്ങളും അയച്ചുവെന്നാരോപിച്ച് ദര്‍ശന്റെ ആരാധകനായ ചിത്രദുര്‍ഗയിലെ രേണുകസ്വാമിയെ (33) കൊലപ്പെടുത്തിയതിനാണ് അറസ്റ്റ്. ഈകേസില്‍ ക്വട്ടേഷന്‍ സംഘങ്ങളായ 17 പേരെയും സിറ്റി പോലീസ് അറസ്റ്റ് ചെയ്തിരുന്നു. ശനിയാഴ്ച ജഡ്ജി വിജയകുമാര്‍ ജത്ല, ദര്‍ശന്‍, ധനരാജ് എന്ന രാജു, വിനയ് വി, പ്രദോഷ് എന്നിവരെ ജൂലൈ 4 വരെ ജുഡീഷ്യല്‍ കസ്റ്റഡിയില്‍ വിട്ടു. വ്യാഴാഴ്ച പവിത്ര ഉള്‍പ്പെടെ മറ്റ് 10 പ്രതികളെ കോടതി ജുഡീഷ്യല്‍ കസ്റ്റഡിയില്‍ വിട്ടിരുന്നു.
അതിനിടെ ദര്‍ശന്റെ ആരാധകര്‍ റോഡില്‍ തടിച്ചുകൂടി, ആഹ്ലാദത്തോടെ ദര്‍ശനും മറ്റുള്ളവരും സഞ്ചരിച്ച പോലീസ് മിനി ബസ് കോടതി വളപ്പില്‍ നിന്ന് പുറത്തിറങ്ങി നൃപതുംഗ റോഡില്‍ എത്തിയപ്പോള്‍ നൂറുകണക്കിന് ആരാധകര്‍ അവരുടെ ‘ഡി ബോസിനെ’കാണാന്‍ ശ്രമിച്ചു. ബസിനുള്ളില്‍ നിന്ന് ദര്‍ശന്‍ കൈകാണിച്ചപ്പോള്‍ ജനക്കൂട്ടം ആര്‍ത്തുവിളിച്ചു. ഇരിപ്പിടത്തില്‍ നിന്ന് എഴുന്നേറ്റ് ജനലിനടുത്തേക്ക് പോകാന്‍ ശ്രമിച്ചപ്പോള്‍ പോലീസ് അവനെ പിന്നോട്ട് വലിച്ചു. ജയിലിന്റെ കവാടത്തിലും പരിസരത്തും കനത്ത പോലീസ് സുരക്ഷയാണ് ഒരുക്കിയിരിക്കുന്നത്. കര്‍ണാടക സ്റ്റേറ്റ് റിസര്‍വ് പോലീസിന്റെ (കെഎസ്ആര്‍പി) നാല് പ്ലാറ്റൂണുകളും 50 പോലീസ് ഉദ്യോഗസ്ഥരും, ഡെപ്യൂട്ടി പോലീസ് കമ്മീഷണര്‍ (സൗത്ത് ഈസ്റ്റ്) സി കെ ബാബയുടെ നേതൃത്വത്തില്‍ വിന്യസിക്കപ്പെട്ടു. ദര്‍ശന്‍ എത്തിയെന്ന വാര്‍ത്ത പരന്നതിന് തൊട്ടുപിന്നാലെ ജയില്‍ സര്‍ക്കിളിന് സമീപം തടിച്ചുകൂടിയ ജനക്കൂട്ടത്തെ പോലീസ് ഓടിക്കുന്നത് കണ്ടു.
