അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.തിരുവനന്തപുരം ലോക്സഭാ മണ്ഡലത്തില് ബിജെപി സ്ഥാനാര്ത്ഥിയായി മത്സരിച്ച രാജീവ് ചന്ദ്രശേഖര് മോദി സര്ക്കാരിന്റെ 100 ദിന കര്മ്മ പദ്ധതിയുമായി ബന്ധപ്പെടുത്തി തലസ്ഥാന വികസന പ്രവര്ത്തനങ്ങള് ഉള്പ്പെടുത്തിയ പദ്ധതി സമര്പ്പിച്ചു. തിരുവനന്തപുരം നഗരത്തിന് ഒരു മാസ്റ്റര് പ്ലാന്, തിരുവനന്തപുരത്തെ ഒരു ലോജിസ്റ്റിക്സ് ഹബ്ബ് പാര്ക്ക് അല്ലെങ്കില് പ്രത്യേക സാമ്പത്തിക മേഖല പദവി, പൊഴിയൂര് പൂവാര് കടല് ഭിത്തി, നഷ്ടത്തിലായ വ്യവസായ എസ്റ്റേറ്റുകളെ പുനരുജ്ജീവിപ്പിക്കല്, അടല് ടിങ്കറിംഗ്, AI ലാബുകള് പൂര്ത്തിയാക്കാന് നടപടികള് സ്വീകരിക്കുന്നതുള്പ്പെടെ 20 വികസന പ്രവര്ത്തനങ്ങളുടെ ലിസ്റ്റാണ് രാജീവ് ചന്ദ്രശേഖര് പുറത്തിറക്കിയത്. ഇതു സംബന്ധിച്ച് ഇന്സ്റ്റാഗ്രാം പോസ്റ്റ് ഷെയര് ചെയ്തിട്ടുണ്ട്.
View this post on Instagram
മൂന്ന് മാസങ്ങള്ക്ക് മുന്പ് തെരഞ്ഞെടുപ്പ് പര്യടനവുമായി ബന്ധപ്പെട്ട് തിരുവനന്തപുരത്ത് എത്തിയപ്പോള് ജനങ്ങള്ക്ക് ഞാന് ഒരു വാക്ക് നല്കിയിരുന്നു – ഇനിയും നിങ്ങള്ക്കൊപ്പം ഞാന് ഉണ്ടാകും എന്നതായിരുന്നു ഞാന് നല്കിയ ഉറപ്പ്. ആ വാഗ്ദാനം പാലിക്കുന്നതിനുള്ള എളിയ ഒരു തുടക്കം, ഇന്ന് മുതല്… ലോകാരാധ്യനായ നരേന്ദ്രമോദി മൂന്നാമതും ഭാരതത്തിന്റെ പ്രധാനമന്ത്രിയായി അധികാരമേറ്റിരിക്കുന്ന അഭിമാനകരമായ ഈ വേളയില് രാജ്യത്താകമാനം നടന്നുകൊണ്ടിരിക്കുന്ന വികസനപ്രവര്ത്തനങ്ങള് നമ്മുടെ മണ്ഡലത്തിലും സാധ്യമാകണം അതിനുവേണ്ടി പരിശ്രമിക്കുവാന് ഞാന് മുന്നില് തന്നെയുണ്ടാകും. തെരഞ്ഞെടുപ്പ് പ്രവര്ത്തനത്തിനായി മാര്ച്ച് 5-ാം തീയതി ഇവിടെയെത്തിയ എന്റെ പ്രതീക്ഷകള്ക്ക് എത്രയോ മുകളിലായിരുന്നു നിങ്ങള് നല്കിയ പ്രചോദനം. നിങ്ങളുടെ പ്രശ്നങ്ങള് ആഴത്തില് പഠിച്ചും നിങ്ങളില് നിന്നും നേരിട്ട് സ്വീകരിച്ച അഭിപ്രായങ്ങള് സ്വാംശീകരിച്ചും സമഗ്രമായ വികസനരേഖ ‘ഇതാണ് കാര്യം’ പ്രസിദ്ധീകരിച്ചിരുന്നു. എന്നാല് സമയപരിമിതി മൂലം ഈ വികസനരേഖ തെരഞ്ഞെടുപ്പിന് മുന്പായി എല്ലാവരിലേക്കും എത്തിക്കുവാനും വിശദീകരിക്കുവാനും കഴിഞ്ഞില്ല. ഈ മാര്ഗരേഖ നടപ്പിലാക്കേണ്ടത് നമുക്കും ഭാവി തലമുറയ്ക്കും വേണ്ടിചെയ്യേണ്ട ഏറ്റവും പ്രധാനപ്പെട്ട കാര്യമാണെന്ന് ഞാന് വിശ്വസിക്കുന്നു. ഇതിലേക്കുള്ള ആദ്യ ചുവട് എന്ന നിലയില് 2024 ജൂണ് 24 ന് ഒരു 100 ദിന കര്മപരിപാടിക്കു തുടക്കം കുറിക്കുകയാണ്. ഇതൊരു എളിയ തുടക്കം മാത്രമാണ്. തിരുവനന്തപുരത്തെ പുരോഗതി അവിരാമം മുന്നോട്ടു കൊണ്ടുപോകുവാന് ഒരു സാധാരണ ബി.ജെ.പി. പ്രവര്ത്തകനായി നിങ്ങളുടെ ഇടയില് ഞാന് എന്നുമുണ്ടാകും.
