അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.വൈത്തിരി: പൂക്കോട് വെറ്ററിനറി സര്‍വകലാശാല മാനേജ്മെന്റ് കൗണ്‍സില്‍, വിദ്യാര്‍ഥി പ്രതിനിധി തിരഞ്ഞെടുപ്പില്‍ എസ്എഫ്ഐക്ക് ജയം. എസ്എഫ്ഐ സ്ഥാനാര്‍ഥി പി. അഭിരാം 427 വോട്ടിന്റെ ഭൂരിപക്ഷത്തില്‍ വിജയിച്ചു.
മണ്ണൂത്തി വെറ്ററിനറി കോളേജിലെ നാലാം വർഷ വിദ്യാർഥിയാണ്‌ അഭിരാം. ചൊവ്വ രാവിലെ പൂക്കോട് വെറ്ററിനറി സർവകലാശാല ആസ്ഥാനത്തായിരുന്നു വോട്ടെണ്ണൽ. എസ്എഫ്‌ഐയും സ്വതന്ത്രമുന്നണിയും തമ്മിലായിരുന്നു മത്സരം.
കഴിഞ്ഞ 22ന്‌ ആയിരുന്നു വിദ്യാർഥി മണ്ഡലത്തിലേക്കുള്ള തെരഞ്ഞെടുപ്പ്. സ്വതന്ത്രമുന്നണി സ്ഥാനാര്‍ഥി 228 വോട്ടുകള്‍ നേടി. മാനേജ്മെന്റ് കൗണ്‍സിലിലേക്കുള്ള അധ്യാപക, അനധ്യാപക പ്രതിനിധികളുടെ തിരഞ്ഞെടുപ്പ് നേരത്തേ പൂര്‍ത്തിയായിരുന്നു.
നേരത്തേ നടത്തേണ്ടിയുന്ന തിരഞ്ഞെടുപ്പ്, സർ‌വകലാശാലയിലെ വിദ്യാർഥിയായിരുന്ന സിദ്ധാര്‍ഥന്റെ മരണത്തെ തുടര്‍ന്ന് മാറ്റിവയ്ക്കുകയായിരുന്നു. സിദ്ധാർഥന്റെ മരണവുമായി ബന്ധപ്പെട്ട് എസ്എഫ്ഐ നേതാക്കൾ ഉൾപ്പെടെ അറസ്റ്റിലായിരുന്നു. വിജയത്തിൽ ആഹ്ലാദം പ്രകടിപ്പിച്ച്‌ സർവകലാശാല ആസ്ഥാത്ത്‌ എസ്എഫ്ഐ പ്രകടനം നടത്തി.
