അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.നിഗൂഢ രഹസ്യങ്ങളുള്ള രാജ്യങ്ങളുടെ പട്ടികയില്‍ ഇന്ത്യയും ഇടംപിടിച്ചിട്ടുണ്ട്. ഇപ്പോഴും പരിഹരിക്കപ്പെടാത്തവയുമായി നിരവധി രഹസ്യങ്ങളുണ്ട്. അത്തരം കഥകള്‍ കിംവദന്തികളില്‍ നിന്നാണ് ജനിക്കുന്നത് അല്ലെങ്കില്‍ ചിലത് ഭാവനയുടെ ഫലമാണ്. ഈ കഥകളില്‍ ഭൂരിഭാഗവും കെട്ടിച്ചമച്ചതാണെന്നും അവ പട്ടികയില്‍ നിന്ന് മാറ്റി നിര്‍ത്താമെന്നും പറയാം. ഇത്തരത്തിൽ ഒരു സ്ഥലത്തെ പരിചയപ്പെടാം. ഹിമാലയത്തിലെ ഏറ്റവും നിഗൂഡമായ താഴ്വരയെ കുറിച്ച് കേട്ടിട്ടുണ്ടോ , അൽപ്പം ഭയത്തോടെ പലരും പറയുന്ന ഗ്യാൻ ഗഞ്ചിനെ കുറിച്ച് അറിയാം . മരണമില്ലാത്തവരുടെ നാട് അല്ലെങ്കിൽ സിദ്ധാശ്രമം എന്നും ഇവിടം അറിയപ്പെടുന്നു. ഷാംഗ്രി-ലാ, ശംഭല, സിദ്ധ ആശ്രമം എന്നീ പേരുകളിലും അറിയപ്പെടുന്ന ഒരു ചെറിയ സ്ഥലമാണിത് . സിദ്ധ മഹാത്മാക്കൾക്ക് മാത്രമേ ഗ്യാൻഗഞ്ച് മഠത്തിൽ സ്ഥാനം ലഭിക്കൂ. ഇവിടെ താമസിക്കുന്ന എല്ലാവരുടെയും വിധി നേരത്തെ തന്നെ തീരുമാനിച്ചിട്ടുണ്ടെന്നും ഇവിടെ താമസിക്കുന്ന എല്ലാവരും അനശ്വരരാണെന്നും പറയപ്പെടുന്നു. ഇവിടെ ആരും മരിക്കുന്നില്ല.
മരിക്കാത്തവരുടെ നഗരം എന്നും ഇതിനു വിളിപ്പേരുണ്ട്. ഹിമാലയത്തിന്റെ പ്രദേശത്ത് ഇപ്പോഴും ആള്‍ക്കാര്‍ ചെന്ന് എത്തിപ്പെടാത്ത സ്ഥലങ്ങളുണ്ട്. പുരാതന ടിബറ്റന്‍, ഇന്ത്യന്‍ കഥകള്‍ അനുസരിച്ച് ഈ സ്ഥലം ദുരൂഹമായ അനശ്വര ജീവികളുടെ നഗരമാണെന്ന് പറയപ്പെടുന്നു. എല്ലാ യാത്ര സ്നേഹികളുടെയും ഇഷ്ടപ്പെട്ട ഒരിടമാണ് ഹിമാലയം. അതുപോലെ തന്നെയാണ് ഹിമാലയത്തെ കുറിച്ചുള്ള നിഗൂഢതകളും കഥകളും , അതിൽ ഒന്നാണ് ഗ്യാൻ ഗഞ്ച് . ആളുകള്‍ക്ക് അവിടെ പോകാനോ അതിന്റെ നിലനില്‍പ്പിനെക്കുറിച്ച് എന്തെങ്കിലും ധാരണ നേടാനോ കഴിയില്ല. കൂടാതെ, ഈ സ്ഥലം വളരെ മിഴിവോടെ മറഞ്ഞിരിക്കുന്നുവെന്ന് വിശ്വസിക്കപ്പെടുന്നു. അതിലേക്ക് പ്രവേശനം നേടാന്‍ ഒരു ആധുനിക സാങ്കേതികതയ്ക്കും നിങ്ങളെ സഹായിക്കാനാവില്ല. ഹിമാലയത്തിൽ സാധാരണക്കാർക്ക് എത്തിപ്പെടാൻ പറ്റാത്തൊരിടം. തെക്കെന്നോ വടക്കെന്നോ കിഴക്കെന്നോ പടിഞ്ഞാറെന്നോ ദിശ നിർണയിക്കാൻ പറ്റാത്തൊരിടം അങ്ങനെയൊക്കെ വിശ്വസിക്കുന്നയിടമാണിത്.
ടിബറ്റിലെ ജനങ്ങൾക്കിടയിൽ ഈ സ്ഥലം വളരെ പ്രസിദ്ധമാണ്. ഋഷിമാരും തപസിൽ മുഴുകിയിരിക്കുന്നത് ഇവിടെയാണെന്നും പറയപ്പെടുന്നു. വാൽമീകിയുടെ രാമായണത്തിലും മഹാഭാരതത്തിലും ഗ്യാൻഗഞ്ചിനെ കുറിച്ച് പരാമർശിച്ചിട്ടുണ്ട്. . ഈ ഗ്രന്ഥങ്ങളിൽ അതിനെ സിദ്ധാശ്രമം എന്ന് വിളിക്കുന്നു. ചില ബുദ്ധമത ഗ്രന്ഥങ്ങളിൽ ഇവിടേക്കുള്ള വഴികളെ കുറിച്ച് പറയുന്നുണ്ടെങ്കിലും അത് വളരെ അവ്യക്തമാണ് . എത്ര അടുക്കാൻ ശ്രമിച്ചാലും അകന്നു അകന്നു പോവുന്നൊരിടം എന്നും വിശ്വസം ഉണ്ട് .ഉപഗ്രഹത്തിൽ പോലും ഇത് കാണാൻ കഴിയില്ല. പുരാണങ്ങളിലും മറ്റു ചില യോഗിമാരുടെ കൃതികളിലും ഹിമാലയത്തിലെ അജ്ഞാത ദേശത്തെ കുറിച്ചും ഇവിടുത്തെ നിഗൂഡതകളെക്കുറിച്ചും പറയുന്നുണ്ട്.ശാസ്ത്രത്തിൽ മാത്രമല്ല, ആയുർവേദത്തിലും സമാനമായ ചിലത് പറഞ്ഞിട്ടുണ്ട്. ഗ്യാൻഗഞ്ച് മഠത്തിൽ താമസിക്കുന്ന ഋഷിമാർക്ക് യോഗയിൽ നല്ല പരിചയമുണ്ട്, ഇതിന്റെ സഹായത്തോടെ അവർക്ക് വികാരങ്ങളെ നിയന്ത്രിക്കാൻ കഴിയുമെന്നും വിശ്വസമുണ്ട് . ടിബറ്റൻ കൈലാസ് മനസാ സരോവറിനു വടക്കു ഭാഗത്തായി ഗ്യാൻ ഗഞ്ച് സ്ഥിതി ചെയ്യുന്നു എന്നും ചിലർ വിശ്വസിക്കുന്നു.
