അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.തിരുവനന്തപുരം: നിയമസഭാ മന്ദിരത്തിന്‍റെ മേല്ത്തട്ടിന്റെ ഭാഗം ഇളകിവീണ് വാച്ച്‌ ആന്‍ഡ് വാര്‍ഡിന് പരിക്കേറ്റു. വ്യാഴാഴ്ച ഉച്ചയ്‌ക്ക് ശേഷം 3.30ഓടെയാണ് സംഭവം.
നിയമസഭാ ഹാളിന്റെ തൊട്ടടുത്തുള്ള കോറിഡോറിന്റെ മുകള്‍ചുമരിലുള്ള ഒരു ഭാഗമാണ് ഇളകി വീണത്. ഇതിന്റെ ഒരു ഭാഗം വാച്ച്‌ ആന്‍ഡ് വാര്‍ഡിന്റെ ദേഹത്തേക്ക് വീഴുകയായിരുന്നു.
നിയമസഭാ കെട്ടിടത്തിലെ ഡോക്ടര്‍ ഇദ്ദേഹത്തിന് പ്രാഥമിക ചികിത്സ നല്‍കി. സുരക്ഷാ ഉദ്യോഗസ്ഥന്റെ കൈയ്ക്കാണ് പരുക്കേറ്റത്. നിയമസഭാ സമ്മേളനം നടക്കുമ്പോഴാണ് അപകടമുണ്ടായത്.
