തെ​ക്ക​ൻ ല​ബ​നാ​നി​ൽ ഇ​സ്രാ​യേ​ൽ വ്യോ​മാ​ക്ര​മ​ണം; യാത്രക്ക് വിലക്കേർപ്പെടുത്തി രാജ്യങ്ങൾ

ദുബൈ: തെ​ക്ക​ൻ ല​ബ​നാ​നി​ലെ ന​ബാ​ത്തി പ്ര​വി​ശ്യ​യി​ലെ ഐ​ത​റൗ​ൺ ഗ്രാ​മ​ത്തി​ന് നേ​രെ ഇ​സ്രാ​യേ​ൽ വ്യോ​മാ​ക്ര​മ​ണം രൂക്ഷം അമേരിക്ക ഉൾപ്പെടെ കൂടുതൽ രാജ്യങ്ങൾ ലെബനാൻ യാത്രക്ക്​ വിലക്ക്​ ഏർപ്പെടുത്തി. പ്ര​ത്യേ​കി​ച്ച് തെ​ക്ക​ൻ ല​ബ​നാ​ൻ, സി​റി​യ​ൻ അ​തി​ർ​ത്തി പ്ര​ദേ​ശ​ങ്ങ​ൾ, അ​ഭ​യാ​ർ​ഥി സെ​റ്റി​ൽ​മെ​ന്റു​ക​ൾ എ​ന്നിവ സ​ന്ദ​ർ​ശി​ക്കു​ന്ന​ത് ഒ​ഴി​വാ​ക്ക​ണ​മെ​ന്ന് നി​ർ​ദേ​ശ​ത്തി​ൽ പ​റ​യു​ന്നു. ജ​ർ​മ​നി​യും നെ​ത​ർ​ല​ൻ​ഡ്സും പൗ​ര​ൻ​മാ​രോ​ട് ല​ബ​​നാ​ൻ വി​ടാ​ൻ ക​ഴി​ഞ്ഞ​ദി​വ​സം നി​ർ​ദേ​ശം ന​ൽ​കി​യി​രു​ന്നു.

യുദ്ധം ഒഴിവാക്കാൻ നയതന്ത്ര നീക്കം തുടരുമെന്ന്​ അമേരിക്കയും യൂറോപ്യൻ യൂണിയനും അറിയിച്ചിട്ടുണ്ട്. ഗസ്സയിലും ഇസ്രായേൽ ആക്രമണം വ്യാപകമായി തുടരുകയാണ്. ഗസ്സയിൽ ഇസ്രായേൽ തോൽക്കുകയാണെന്ന്​ മുൻ പ്രതിരോധ മന്ത്രി പറഞ്ഞു. ജെനിനിൽ സ്​ഫോടനത്തിൽ ഒരു സൈനികൻ കൊല്ലപ്പെടുകയും 16 പേർക്ക്​ പരിക്കേൽക്കുകയും ചെയ്​തു. ഹൈഫയിലും ചെങ്കടലിലും രണ്ട്​ കപ്പലുകൾക്ക്​ നേരെ ഹൂതി ആക്രമണം.

ദക്ഷിണ ലബനാനിൽ നിന്ന്​ ഇസ്രായേൽ കേന്ദ്രങ്ങൾക്കു നേരെ മുപ്പത്​ മിസൈലുകൾ അയച്ച്​ ഹിസ്​ബുല്ല. ആക്രമണത്തെ തുടർന്ന്​ ഇസ്രായേൽ പ്രദേശങ്ങളിൽ തീപിടിത്തം ഉണ്ടായി. തെ​ക്കൻ ല​ബ​നാ​നി​ലെ ന​ബാ​ത്തി പ്ര​വി​ശ്യ​യി​ലെ ഐ​ത​റൗ​ൺ ഗ്രാ​മ​ത്തി​ന് നേ​രെ ഇ​സ്രാ​യേ​ലിന്റെ വ്യോ​മാ​ക്ര​മ​ണത്തിനുള്ള തിരിച്ചടിയെന്ന നിലക്കാണ്​ ഹിസ്​ബുല്ലയുടെആ​ക്രമണം.

വടക്കൻ വെസ്റ്റ് ബാങ്കിലെ ജെനിൻ അഭയാർഥി ക്യാമ്പിൽ ഫലസ്തീനികളെ ആക്രമിക്കാനെത്തിയ ഇസ്രായേൽ സൈനിക സംഘത്തിനു നേരെ പോരാളികളുടെ ബോംബ് സ്ഫോടനം. റോഡരികിൽ സ്ഥാപിച്ച ബോംബ് പൊട്ടി രഹസ്യാന്വേഷണ വിഭാഗം സ്‌നൈപ്പർ ടീം കമാൻഡർ അലോൺ സാഗിയു ​കൊല്ലപ്പെട്ടു. 16 സൈനികർക്ക്​ പരിക്കുണ്ട്​.