അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഒരിക്കലെങ്കിലും നിങ്ങൾ പോകാൻ ആഗ്രഹിക്കുന്ന വിനോദസഞ്ചാര കേന്ദ്രമല്ലേ ആൻഡമാൻ നിക്കോബാർ? കണ്ടു തീരാത്ത അത്രയും വിസ്മയങ്ങളാണ് ഇവിടെ ഒളിച്ചു വെച്ചിരിക്കുന്നത്. ജീവിതത്തിൽ ഒരിക്കലെങ്കിലും നിർബന്ധമായും കണ്ടിരിക്കേണ്ട സ്ഥലം. എത്ര തവണ പോയാലും മടുക്കാത്ത കാഴ്ചകളാണ് നിങ്ങളെ അവിടെ കാത്തിരിക്കുന്നത്. ബീച്ചുകൾ ഇഷ്ടപ്പെടുന്നവർക്ക് പെർഫെക്ട് ഡെസ്റ്റിനേഷൻ. അതിമനോഹരമായ ഭൂപ്രകൃതിയെ പറ്റി എത്ര പറഞ്ഞാലും മതിയാവില്ല.
പൊതുവേ ആൻഡമാനിലേക്ക് ടൂർ പോകുന്നതിനു വേണ്ടി സ്വകാര്യ ഏജൻസികളെയാണ് ഭൂരിഭാഗം പേരും ആശ്രയിക്കുന്നത്. എന്നാൽ ഇത് അല്പം ചെലവേറിയ കാര്യമാണ്. അതിന് പരിഹാരമാവുകയാണ് രാജ്യത്തിൻറെ പ്രിയപ്പെട്ട ട്രാവൽ ഏജൻസിയായ ഇന്ത്യൻ റെയിൽവേ കാറ്ററിങ് ആൻഡ് ടൂറിസം കോർപ്പറേഷന്റെ ആൻഡമാൻ പാക്കേജ്. സെപ്റ്റംബർ 25ന് കൊച്ചിയിൽനിന്നാണ് ഈ യാത്ര ആരംഭിക്കുന്നത്. ആൻഡമാനിലെ പ്രധാനപ്പെട്ട വിനോദസഞ്ചാര കേന്ദ്രങ്ങളെല്ലാം ഈ പാക്കേജിൽ ഉൾപ്പെടുന്നു.
50,900 രൂപ മുതല്‍ 64,420 വരെയാണ് ഈ പാക്കേജിന്റെ നിരക്ക്. കുട്ടികള്‍ക്ക് 38,250 രൂപ മുതല്‍ 46,250 രൂപ വരെയുമാണ് ടിക്കറ്റ്. വിമാനയാത്രയും ഹോട്ടല്‍ താമസവും ഗൈഡും മറ്റ് ചിലവുകളും ഉള്‍പ്പടെയാണ് ഈ നിരക്ക്. കൂടുതല്‍ വിവരങ്ങള്‍ക്ക് 04842382991 എന്ന നമ്പറില്‍ ബന്ധപ്പെടാം. ഐ.ആര്‍.സി.ടി.സി വെബ്‌സൈറ്റ് വഴിയും പാക്കേജ് ബുക്ക് ചെയ്യാം.
5 രാത്രിയും 6 പകലും നീണ്ടുനില്‍ക്കുന്ന ഈ യാത്രയില്‍ ആന്‍ഡമാനിലെ പോര്‍ട്ട് ബ്ലെയര്‍, ഹാവ്‌ലോക് ദ്വീപ്, നീല്‍ ദ്വീപ് തുടങ്ങിയ പ്രധാന സ്ഥലങ്ങളെല്ലാം സന്ദര്‍ശിക്കും. സെപ്തംബര്‍ 25 രാവിലെ 5.25 ന് കൊച്ചി വിമാനത്താവളത്തില്‍ നിന്ന് പുറപ്പെട്ട് ഉച്ചയോടെയാണ് പോര്‍ട്ട് ബ്ലെയറിലെത്തുക. കോര്‍ബിന്‍സ് കോവ് ബീച്ച്, സെല്ലുലാര്‍ ജയില്‍ (ലൈറ്റ് ആന്‍ഡ് സൗണ്ട് ഷോ ഉള്‍പ്പടെ) തുടങ്ങിയവയാണ് ആദ്യ ദിവസത്തെ കാഴ്ചകള്‍.
പിറ്റേ ദിവസം റോസ് ദ്വീപിനും നോര്‍ത്ത് ബേ ടൂറിനുമാണ് മാറ്റിവെക്കുന്നത്. നോര്‍ത്ത് ബേയിലെ മനോഹരമായ സമുദ്രക്കാഴ്ചകളും പവിഴപ്പുറ്റുകളും ഗ്ലാസ് ബോട്ടം ബോട്ടില്‍ സഞ്ചരിച്ച് കാണാനുള്ള അവസരവുമുണ്ട്. 27 ന് രാവിലെ ക്രൂസ് ഷിപ്പില്‍ ഹാവ്‌ലോക് ദ്വീപിലേക്ക് പോകും. ഹാവ്‌ലോകില്‍ എത്തി ഹോട്ടലില്‍ വിശ്രമിച്ച ശേഷം ഉച്ചയോടെ ലോകപ്രശസ്തമായ രാധാനഗര്‍ ബീച്ചിലേക്ക് പോകും. തുടര്‍ ദിവസങ്ങളില്‍ കാലാപത്തര്‍ ബീച്ച്, നീല്‍ ദ്വീപ്, ലക്ഷ്മണ്‍പുര്‍ ബീച്ച്, ഭരത്പുര്‍ ബീച്ച്, നാച്ചുറല്‍ ബ്രിഡ്ജ് തുടങ്ങിയ സ്ഥലങ്ങളും സന്ദര്‍ശിക്കും. സെപ്തംബര്‍ 30ന് പോര്‍ട്ട്‌ബ്ലെയര്‍ വിമാനത്താവളത്തില്‍ നിന്നാണ് മടക്കയാത്ര.
