അ​ങ്ക​മാ​ലി താ​ലൂ​ക്കാ​ശു​പ​ത്രി​യി​ൽ സി​നി​മാ ഷൂ​ട്ടിം​ഗ്: വിവാദമായതോടെ നിർത്തിവച്ചു; വി​ശ​ദീ​ക​ര​ണം തേ​ടി ആ​രോ​ഗ്യ​മ​ന്ത്രി

അങ്കമാലി: താലൂക്കാശുപത്രിയിൽ വ്യാഴാഴ്ച ആരംഭിച്ച സിനിമ ചിത്രീകരണം വിവാദമായതോടെ നിർത്തിവച്ചു. ചിത്രീകരണം മൂലം ആശുപത്രിയിലെത്തിയ രോഗികൾക്ക് ചികിത്സ നിഷേധിക്കപ്പെട്ടുവെന്ന പരാതിയുടെ അടിസ്ഥാനത്തിൽ സംസ്ഥാന മനുഷ്യാവകാശ കമീഷൻ ആരോഗ്യവകുപ്പിനെതിരെ കേസെടുത്തതിന് പിറകെയാണ് നിർത്തിവച്ചത്.

സം​ഭ​വ​ത്തി​ൽ ആ​രോ​ഗ്യ മ​ന്ത്രി വീ​ണാ ജോ​ർ​ജ് വി​ശ​ദീ​ക​ര​ണം തേ​ടി. ആ​രോ​ഗ്യ വ​കു​പ്പ് ഡ​യ​റ​ക്ട​റോ​ടാ​ണ് മ​ന്ത്രി വി​ശ​ദീ​ക​ര​ണം തേ​ടി​യ​ത്.

അ​ത്യാ​ഹി​ത വി​ഭാ​ഗ​ത്തി​ൽ വ്യാ​ഴാ​ഴ്ച രാ​ത്രി​യാ​ണ് സി​നി​മാ ചി​ത്രീ​ക​ര​ണം ന​ട​ന്ന​ത്. മാ​ന​ദ​ണ്ഡ​ങ്ങ​ൾ പാ​ലി​ച്ചാ​ണ് ഷൂ​ട്ടിംഗി​ന് അ​നു​മ​തി ന​ൽ​കി​യ​തെ​ന്ന് താ​ലൂ​ക്കാ​ശു​പ​ത്രി സൂ​പ്ര​ണ്ട് പ​റ​ഞ്ഞു. രോ​ഗി​ക​ൾ​ക്ക് ബു​ദ്ധി​മു​ട്ട് ഉ​ണ്ടാ​കാ​തി​രി​ക്കാ​ൻ പ്ര​ത്യേ​കം നി​ർ​ദേ​ശം ന​ൽ​കി​യി​രു​ന്നു​വെ​ന്ന് സൂ​പ്ര​ണ്ട് പ​റ​ഞ്ഞു.

ആ​രോ​ഗ്യ​വ​കു​പ്പ് ഡ​യ​റ​ക്ട​റു​ടെ ഓ​ഫീ​സി​ന്‍റെ​യ​ട​ക്കം അ​നു​മ​തി​യും നി​ർ​ദേ​ശ​ങ്ങ​ളും പാ​ലി​ച്ചാ​ണ് ഷൂ​ട്ടിം​ഗ് ന​ട​ന്ന​തെ​ന്നും ആ​ശു​പ​ത്രി അ​ധി​കൃ​ത​ർ അ​റി​യി​ച്ചു. ഫ​ഹ​ദ് ഫാ​സി​ൽ നി​ർ​മി​ക്കു​ന്ന പൈ​ങ്കി​ളി എ​ന്ന സി​നി​മ​യാ​ണ് ഇ​വി​ടെ ചി​ത്രീ​ക​രി​ച്ച​ത്.

പ്രൊഡക്ഷൻ എക്സിക്യൂട്ടീവ് ബിജു കടവൂറിന്‍റെ അപേക്ഷയുടെയും, ജില്ല മെഡിക്കൽ ഓഫീസറുടെ കത്തിന്‍റെയും അടിസ്ഥാനത്തിലാണ് രാത്രി ഏഴ് മുതൽ പുലർച്ചെ അഞ്ച് വരെയുള്ള സമയങ്ങളിൽ ഒൻപത് നിർദേശങ്ങളോടെ ആരോഗ്യ വകുപ്പ് ഡയറക്ടർ ചിത്രീകരണത്തിന് അനുമതി നൽകിയത്. ആശുപത്രിയിലെ റിസപ്ഷൻ ഹാളും, അത്യാഹിത വിഭാഗം മുറിയുമാണ് അതിനായി ആവശ്യപ്പെട്ടിരുന്നത്. പ്രതിദിന ചിത്രീകരണത്തിന് 10000 രൂപ വീതമാണ് താലൂക്കാശുപത്രി മാനേജ്‌മൻ്റ് കമ്മിറ്റിയിൽ അടച്ചത്.

എന്നാൽ, മഴക്കെടുതിയും, മഴക്കാല രോഗങ്ങളും മൂലം രാത്രിയിലും നിരവധി രോഗികൾ എത്തിയതോടെയാണ് സിനിമയുടെ ചിത്രീകരണം പലർക്കും തടസമാവുകയും തുടർന്ന് പരാതിയും ഉയർന്നത്.

അതേസമയം, സിനിമാ ചിത്രീകരണത്തിനെതിരെ മനുഷ്യാവകാശ കമ്മീഷൻ കേസെടുത്തതിനെ ശക്തമായി അപലപിച്ച് കേരള ഫിലിം പ്രൊഡ്യൂസേഴ്സ് അസോസിയേഷൻ. എറണാകുളം ജില്ലാ മെഡിക്കൽ ഓഫീസിൽ നിന്ന് മുൻകൂട്ടി അനുമതി വാങ്ങിയാണ് ചിത്രീകരണം തുടങ്ങിയത്. മാനദണ്ഡങ്ങൾ പാലിച്ചാണ് ഷൂട്ട് നടന്നത്, ആശുപത്രി സൂപ്രണ്ടിന് പരാതിയില്ല. മനുഷ്യാവകാശ കമ്മീഷൻ കേസെടുത്തത് ഏകപക്ഷീയമായ നടപടിയാണ്. എന്താണ് നടന്നത് എന്ന് ആഴത്തിൽ മനസ്സിലാക്കി വേണമായിരുന്നു നടപടിയെടുക്കാനെന്ന് അസോസിയേഷൻ ഭാരവാഹികൾ പറഞ്ഞു.

അനുമതി നൽകിയ സർക്കാരിനെ അല്ലേ ആദ്യം പ്രതിയാക്കേണ്ടത്? സർക്കാരിന്റെ ഭാഗത്തുനിന്നുണ്ടാകുന്ന ഇത്തരം നിലപാടുകൾ സിനിമാ വ്യവസായത്തിന് ഭൂഷണമല്ല. ഡബിൾ ടാക്സേഷൻ ഏറ്റവും കൂടുതൽ നടപ്പാക്കുന്ന രണ്ട് സംസ്ഥാനങ്ങളിൽ ഒന്ന് കേരളമാണ്. സിനിമാ വ്യവസായത്തിന് ബുദ്ധിമുട്ട് ഉണ്ടാക്കുന്ന നടപടികൾ തികച്ചും പ്രതിഷേധാർഹമാണെന്നും അസോസിയേഷൻ അധികൃതർ കൂട്ടിച്ചേർത്തു.