അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.വളരെ വ്യത്യസ്തവും രുചികരവുമായ വിഭവമാണ് ഗോവൻ അയല മീൻ കറി. വെണ്ടക്ക ചേർത്താണ് ഗോവൻ അയല മീൻ കറി തയ്യാറാക്കുന്നത്. വളരെ എളുപ്പത്തിൽ തയ്യാറാക്കാവുന്ന മീൻ കറിയാണിത്. ഇന്ത്യയിൽ വളരെ സുലഭമായി ലഭിക്കുന്ന മീനാണ് അയല. റെസിപ്പി നോക്കിയാലോ?
ആവശ്യമായ ചേരുവകൾ
- അയല മീൻ – 800 ഗ്രാം
- പച്ചമുളക് – 3 എണ്ണം
- സവാള – 2 എണ്ണം (അരിഞ്ഞത്)
- കാശ്മീരി മുളക് – 8 എണ്ണം
- തക്കാളി – 1 എണ്ണം
- മഞ്ഞപ്പൊടി – 3/4
- മല്ലിപ്പൊടി – 3
- ജീരകപൊടി – 1
- വെളുത്തുള്ളി – 1 1/2 (അരിഞ്ഞത്)
- വാളൻപുളി പിഴിഞ്ഞത് – 1 1/2
- വെളിച്ചെണ്ണ – 4 ടേബിൾ ഗുളിക
- വെണ്ടക്ക – 5 എണ്ണം (കഷ്ണങ്ങൾ ആക്കിയത്)
- നാരങ്ങാനീർ – 1 പകുതി
- തേങ്ങ – 100 ഗ്രാം
- മല്ലിയില – കുറച്ച്
- ഉപ്പ് – ആവശ്യത്തിന്
- വെള്ളം – 4 കപ്പ്
തയ്യാറാക്കുന്ന വിധം
മീൻ വൃത്തിയായി കഴുകി കഷ്ണങ്ങൾ ആക്കുക. മീനിൽ നാരങ്ങാനീർ, ഉപ്പ്, മഞ്ഞൾപൊടി എന്നിവ പുരട്ടി 5 മിനിറ്റ് വെക്കുക. 1 കപ്പ് വെളളത്തിൽ കാശ്മീരി മുളക് ഇട്ട് 10 മിനിറ്റ് വെക്കുക. ഈ വെള്ളം അരിച്ചു വെക്കുക. അരിച്ചുവെച്ച വെള്ളം, തേങ്ങ, മല്ലിപ്പൊടി, 1 സവാള, ജീരകം, വാളൻപുളി പിഴിഞ്ഞത് 1, മഞ്ഞൾ പൊടി എന്നിവ ചേർത്ത് നന്നായി അരക്കുക. ഒരു മൺചട്ടിയിൽ വെളിച്ചെണ്ണ ഒഴിച്ച് ചൂടാകുമ്പോൾ, 1 സവാള അരിഞ്ഞത് ചേർക്കുക. ഇളം ബ്രൗൺ നിറം ആകുമ്പോൾ അതിലേക്ക് അരപ്പ് ചേർത്ത് 5 മിനിറ്റ് ചെറു തീയിൽ വച്ച് വഴറ്റുക.
ഇതിലേക്ക് പച്ചമുളക് രണ്ടായി കീറിയത്, വെണ്ടക്ക, വാളൻപുളി പിഴിഞ്ഞത്, തക്കാളി, ഉപ്പ്, വെള്ളം എന്നിവ ചേർത്തു തിള വരുമ്പോൾ മീൻ കഷ്ണങ്ങൾ ചേർക്കുക. തിളച്ചു ഒരു 3 മിനിറ്റ് കഴിഞ്ഞാൽ തീ കുറച്ചു, ചട്ടി അടച്ചു വെച്ച് വേവിക്കുക. ചാറു വറ്റി കറി കുറുകി വരുമ്പോൾ ഉപ്പ്, പുളി എന്നിവ പാകത്തിനുണ്ടോ എന്ന് രുചിച്ചു നോക്കുക. മല്ലിയില ചേർത്ത് ഓഫ് ചെയ്യാം. രുചിയുള്ള ഗോവൻ മീൻ കറി തയ്യാർ.
