പാലപ്പത്തിനും ചപ്പാത്തിക്കും കൂടെ സൂപ്പർ ടേസ്റ്റാണ് ഈ മുട്ടക്കറി. വളരെ കുറച്ച് ചേരുവകൾ കൊണ്ട് രുചികരമായി തയാറാക്കാം.
ചേരുവകൾ
മുട്ട – 5 (പുഴുങ്ങിയത്)
സവാള – 5
മുളകുപൊടി – 1 ടേബിൾസ്പൂൺ
മഞ്ഞൾപ്പൊടി – 1/2 ടീസ്പൂൺ
വെളിച്ചെണ്ണ – 3 ടേബിൾസ്പൂൺ
ഉപ്പ് – ആവശ്യത്തിന്
വെള്ളം – 1/2 കപ്പ്‌
കറിവേപ്പില – ആവശ്യത്തിന്
തയാറാക്കുന്ന വിധം
ഒരു ഫ്രൈയിങ് പാൻ അടുപ്പിൽ വച്ച് ചൂടാകുമ്പോൾ വെളിച്ചെണ്ണ ഒഴിച്ച് കടുക് പൊട്ടിക്കുക.
അതിലേക്ക് സവാള ചേർത്തു നന്നായി വഴറ്റുക. വഴന്നുവരുമ്പോൾ മുളകുപൊടിയും മഞ്ഞൾപ്പൊടിയും ചേർത്ത് ചൂടാക്കുക.
കുറച്ചു ചൂട് വെള്ളം, ഉപ്പ് എന്നിവ ചേർത്ത് ഇളക്കി മുട്ടയും ചേർത്ത് 1 മിനിറ്റ് വേവിക്കുക, ഇതിലേക്ക് പച്ചവെളിച്ചെണ്ണ ഒഴിച്ച് വാങ്ങാം.
content highlight : onion-egg-curry