അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.സാമാന്യം വലിയ രീതിയില്‍ തന്നെ നിരക്ക് വര്‍ധിപ്പിച്ചിരിക്കുകയാണ് രാജ്യത്തെ പ്രമുഖ ടെലികോം സേവന ദാതാക്കളായ എയര്‍ടെല്ലും ജിയോയും. വരുമാനം കൂട്ടുക എന്ന ലക്ഷ്യവുമായാണ് ഇത്തവണ കമ്പനികള്‍ ഈ വര്‍ധനവ് നടപ്പിലാക്കുന്നത്. സാധാരണക്കാര്‍ക്ക് വലിയ തിരിച്ചടിയായിരിക്കുകയാണ് ഈ തീരുമാനം. പക്ഷേ വിഷമിക്കേണ്ട. ബിഎസ്എന്‍എല്‍ ഉപഭോക്താക്കളാണ് നിങ്ങളെങ്കില്‍ ഇതൊന്നും നിങ്ങളെ ബാധിക്കാന്‍ പോകുന്നില്ല.
സ്വകാര്യ സേവന ദാതാക്കള്‍ 5ജി ഉള്‍പ്പെടെയുള്ള അതിവേഗ നെറ്റ്വര്‍ക്കുകളിലേക്ക് ചുവടുമാറ്റിക്കഴിഞ്ഞു. എന്നാല്‍ ബിഎസ്എന്‍എല്‍ ഇപ്പോഴും പഴയ 4ജിയില്‍ തന്നെയാണ് നില്‍ക്കുന്നതെങ്കിലും പോക്കറ്റ് കാലിയാകില്ല എന്നതാണ് പ്രത്യേകത. നിരവധി മികച്ച ഓഫറുകളാണ് അവര്‍ ഉപഭോക്താക്കള്‍ക്ക് വേണ്ടി അവതരിപ്പിച്ചിരിക്കുന്നത്. അതില്‍ ഏറ്റവും കുറഞ്ഞ വിലയുള്ള ചില ഓഫറുകള്‍ ഏതൊക്കെയാണെന്ന് നമുക്ക് നോക്കാം..
- ബിഎസ്എന്‍എല്‍ പ്ലാന്‍ 197: ഇതില്‍ ആദ്യ 18 ദിവസത്തേക്ക് 2ജിബി 4ജി ഡാറ്റ, അണ്‍ലിമിറ്റഡ് കോളുകള്‍, പ്രതിദിനം 100 എസ്എംഎസ് എന്നിവയ്ക്കൊപ്പം 70 ദിവസത്തെ വാലിഡിറ്റിയും വാഗ്ദാനം ചെയ്യുന്നു. 70 ദിവസത്തേക്ക് അണ്‍ലിമിറ്റഡ് കോളുകള്‍ ലഭിക്കുന്നതിന് ഉപയോക്താക്കള്‍ക്ക് 199 രൂപ പ്ലാനും തിരഞ്ഞെടുക്കാം.
- ബിഎസ്എന്‍എല്‍ പ്ലാന്‍ 397: മൊത്തം 150 ദിവസത്തെ വാലിഡിറ്റിയോടെ വരുന്നുവെങ്കിലും അണ്‍ലിമിറ്റഡ് കോളുകളും 2ജിബി 4ജി ഡാറ്റയും ആദ്യ 30 ദിവസത്തേക്ക് മാത്രമാണ് ലഭ്യമാവുക. പ്ലാന്‍ കാലാവധി മാത്രമാണ് 150 ദിവസം. 797 രൂപയുടെ പ്ലാനും സമാനമായി 300 ദിവസത്തെ വാലിഡിറ്റിയുണ്ടെങ്കിലും ഈ പ്ലാന്‍ ആദ്യ 60 ദിവസത്തേക്ക് മാത്രമാണ് അണ്‍ലിമിറ്റഡ് കോളുകളും 2ജിബി 4ജി ഡാറ്റയും വാഗ്ദാനം ചെയ്യുന്നത്.
