സായുധ സേനയുടെ ആധുനികവല്‍ക്കരണത്തിന്റെ ഭാഗമായി രാജ്യത്ത് വരുന്ന മൂന്ന് തീയേറ്റര്‍ കമാന്റ് ആസ്ഥാനങ്ങളില്‍ ഒന്ന് തിരുവനന്തപുരത്തും. തീയേറ്റര്‍ കമാന്റുകള്‍ രൂപീകരിക്കുമെന്ന് പ്രധാനമന്ത്രി നരേന്ദ്രമോദി പ്രഖ്യാപിച്ചിരുന്നതിന്റെ ഭാഗമായിട്ടാണ് രാജ്യത്തിന്റെ മൂന്ന് ഭാഗങ്ങളിലായി തീയേറ്റര്‍ കമാന്റുകളുടെ ആസ്ഥാനം രൂപീകരിക്കുന്നത്. കര-നാവിക-വായു സേനകള്‍ക്കായിട്ട് ഒരുമിച്ചു ചേര്‍ന്നാണ് തീയേറ്റര്‍ കമാന്റ് രൂപീകരിക്കുന്നത്. ലഖ്നൗ, ജയ്പൂര്‍, തിരുവനന്തപുരം എന്നിവയെ പുതിയ നിര്‍ദ്ദിഷ്ട തിയറ്റര്‍ കമാന്‍ഡുകളുടെ ആസ്ഥാനമായി തെരഞ്ഞെടുത്തിട്ടുണ്ടെന്ന് ദേശീയ വാര്‍ത്ത ഏജന്‍സി റിപ്പോര്‍ട്ട് ചെയ്തു.
സൈനിക കാര്യ വകുപ്പ്, ഡിഎംഎയുടെ പദ്ധതി പ്രകാരം പാകിസ്ഥാന്‍ ഭാഗത്തിന്റെ സംരക്ഷണത്തിനായി ഉയര്‍ത്തുന്ന വെസ്റ്റേണ്‍ തിയേറ്റര്‍ ജയ്പൂരിലും കിഴക്ക്, വടക്ക് ഭാഗങ്ങളില്‍ നിന്നുള്ള ഭീഷണി നേരിടാന്‍ വടക്കന്‍ തിയേറ്റര്‍ ലഖ്നൗവിലും സ്ഥാപിക്കാനാണ് പദ്ധതി. ഇന്ത്യന്‍ നാവികസേനയുടെ നേതൃത്വത്തിലുള്ള മാരിടൈം തിയറ്റര്‍ കമാന്‍ഡ് ഇപ്പോള്‍ കേരളത്തില്‍ തിരുവനന്തപുരത്താണ് സ്ഥാപിക്കുന്നത്. രാജ്യത്തിന്റെ സമുദ്രാതിര്‍ത്തികളും സമുദ്രമേഖലയില്‍ നിന്ന് ഉയരുന്ന ഭീഷണികളും നിരീക്ഷിക്കാന്‍ ഇവിടെ സംവിധാനമുണ്ടാകും. തീയറ്റര്‍ കമാന്‍ഡുകള്‍ കൊണ്ടുവരുന്നതിന് ഉത്തരവാദിയായ ചീഫ് ഓഫ് ഡിഫന്‍സ് സ്റ്റാഫ് ജനറല്‍ അനില്‍ ചൗഹാന്റെ കീഴിലുള്ള സൈനികകാര്യ വകുപ്പ് (ഡിഎംഎ) ഇപ്പോള്‍ മൂന്ന് സേവനങ്ങള്‍ക്കിടയിലുള്ള സംയോജനം വര്‍ദ്ധിപ്പിക്കുന്നതിനും മള്‍ട്ടി-ഇന് തയ്യാറാക്കുന്നതിനുമായി 150 പോയിന്റുകള്‍ നടപ്പിലാക്കുന്നു. തീയേറ്റര്‍ കമാന്‍ഡുകള്‍ സൃഷ്ടിക്കുന്നത് ട്രാക്കിലാണെന്നും സായുധ സേനയുടെ ആധുനികവല്‍ക്കരണം ദ്രുതഗതിയിലാണെന്നും ജൂലൈ 2 ന് പ്രധാനമന്ത്രി മോദി പാര്‍ലമെന്റില്‍ വ്യക്തമാക്കിയിരുന്നു.
ഇന്ത്യന്‍ കരസേന, നാവികസേന, വ്യോമസേന എന്നിവയെ സംയോജിപ്പിച്ച്, യുദ്ധങ്ങളിലോ പ്രത്യേക സൈനിക ലക്ഷ്യങ്ങളോടെ നിര്‍ദ്ദിഷ്ട എതിരാളികളെ അടിസ്ഥാനമാക്കിയുള്ള തിയേറ്ററുകളില്‍ സംയുക്തമായി പ്രവര്‍ത്തിക്കാന്‍ ഈ പുതിയ തീയേറ്റര്‍ കമാന്റുകള്‍ ലക്ഷ്യമിടുന്നു. യുഎസ്എ, ചൈന, ഫ്രാന്‍സ് എന്നിവയുള്‍പ്പെടെ ലോകത്തിലെ എല്ലാ പ്രധാന സൈനികരും തിയേറ്റര്‍ കമാന്‍ഡ് സജ്ജീകരിച്ചിട്ടുണ്ട്.