കൊച്ചി: മഞ്ജു വാര്യരെ കേന്ദ്ര കഥാപാത്രമാകുന്ന ചിത്രം ‘ഫൂട്ടേജ് ‘ന്റെ റിലീസ് ഡേറ്റ് പ്രഖ്യാപിച്ചു. എഡിറ്റര്‍ സൈജു ശ്രീധരന്‍ ആദ്യമായി സംവിധാനം ചെയ്യുന്ന സിനിമയാണിത്. നേരത്തെ ചിത്രത്തിന്റെതായി പുറത്തുവന്ന വിശാഖ് നായര്‍, ഗായത്രി അശോക് എന്നിവരുടെ ഫസ്റ്റ്‌ലുക്ക് പോസ്റ്റര്‍ ഏറെ ചര്‍ച്ചയായിരുന്നു. ആഗസ്റ്റ് 2നാണ് ചിത്രം തീയറ്ററില്‍ എത്തുന്നത്. ചിത്രത്തിന്റെ പുതിയ പോസ്റ്ററും പുറത്തിറക്കിയിട്ടുണ്ട്.
ചിത്രം പ്രേക്ഷകരിലേക്ക് എത്തിക്കുന്നത് മാര്‍ട്ടിന്‍ പ്രക്കാട്ട് ഫിലിംസ് ആണ്. അഞ്ചാം പാതിരാ, കുമ്പളങ്ങി നൈറ്റ്‌സ്, മഹേഷിന്റെ പ്രതികാരം തുടങ്ങി നിരവധി ഹിറ്റ് സിനിമകളുടെ എഡിറ്ററായിരുന്നു സൈജു ശ്രീധരന്‍. ചിത്രത്തില്‍ വിശാഖ് നായര്‍, ഗായത്രി അശോക് തുടങ്ങിയവരും പ്രധാന കഥാപാത്രങ്ങളെ അവതരിപ്പിക്കുന്നു. മൂവി ബക്കറ്റ്, കാസ്റ്റ് ആന്‍ഡ് കോ, പെയില്‍ ബ്ലൂ ഡോട്ട് പിക്‌ചേഴ്‌സ് എന്നിവയുടെ ബാനറില്‍ ബിനീഷ് ചന്ദ്രന്‍, സൈജു ശ്രീധരന്‍ എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്. കോ പ്രൊഡ്യൂസര്‍- രാഹുല്‍ രാജീവ്, സൂരജ് മേനോന്‍, ലൈന്‍ പ്രൊഡ്യൂസര്‍ – അനീഷ് സി സലിം. ഷബ്ന മുഹമ്മദ്, സൈജു ശ്രീധരന്‍ എന്നിവര്‍ ചേര്‍ന്ന് തിരക്കഥ സംഭാഷണമെഴുതുന്നു, ഛായാഗ്രഹണം-ഷിനോസ്, എഡിറ്റര്‍-സൈജു ശ്രീധരന്‍, പ്രൊഡക്ഷന്‍ കണ്‍ട്രോളര്‍ – കിഷോര്‍ പുറക്കാട്ടിരി
സൗബിന്‍ ഷാഹിറും മഞ്ജു വാര്യരും ഒന്നിച്ചഭിനയിച്ച വെള്ളരി പട്ടണം എന്ന സിനിമയായിരുന്നു മഞ്ചുവിന്റെ തിയേറ്ററില്‍ എത്തിയ അവസാന ചിത്രം. മാര്‍ച്ച് 24നായിരുന്നു സിനിമ തിയറ്ററുകളിലെത്തിയത്. മഹേഷ് വെട്ടിയാറായിരുന്നു ചിത്രം സംവിധാനം ചെയ്തത്. സൗബിനും മഞ്ജുവിനും പുറമെ ശബരീഷ് വര്‍മ്മ, കോട്ടയം രമേഷ്, സലിം കുമാര്‍, സുരേഷ് കൃഷ്ണ എന്നിവരായിരുന്നു് ചിത്രത്തിലെ മറ്റ് അഭിനേതാക്കള്‍.