ചികിത്സ നിഷേധിച്ചു; പൊള്ളലേറ്റ് മൂന്ന് വയസുകാരൻ മരിച്ച സംഭവത്തിൽ പിതാവും വൈ​ദ്യ​നും അ​റ​സ്റ്റി​ൽ

മാ​ന​ന്ത​വാ​ടി: പ​ന​മ​രം സ്വ​ദേ​ശി​യാ​യ മൂ​ന്നു വ​യ​സു​കാ​ര​ൻ പൊ​ള്ള​ലേ​റ്റ് മ​രി​ച്ച സം​ഭ​വ​ത്തി​ൽ കു​ട്ടി​യു​ടെ പി​താ​വും ചി​കി​ത്സി​ച്ച വൈ​ദ്യ​നും അ​റ​സ്റ്റി​ൽ. മു​ഹ​മ്മ​ദ്‌ അ​സാ​ൻ ആ​ണ് മ​തി​യാ​യ ചി​കി​ത്സ കി​ട്ടാ​തെ മ​രി​ച്ച​ത്.

കു​ട്ടി​യു​ടെ പി​താ​വ് പ​ന​മ​രം അ​ഞ്ചു​കു​ന്ന് സ്വ​ദേ​ശി വൈ​ശ്യ​മ്പ​ത്ത് അ​ൽ​ത്താ​ഫ്, ചി​കി​ത്സി​ച്ച വൈ​ദ്യ​ൻ ക​മ്മ​ന ഐ​ക്ക​ര​ക്കു​ടി ജോ​ർ​ജ് എ​ന്നി​വ​രാ​ണ് അ​റ​സ്റ്റി​ലാ​യ​ത്. ഇവര്‍ക്കെതിരെ മനപൂർവമല്ലാത്ത നരഹത്യ, ബാലനീതി നിയമത്തിലെ വകുപ്പുകൾ എന്നിവ ചുമത്തി.

ജൂ​ൺ ഒ​ൻ​പ​തി​നു ചു​ടു​വെ​ള്ളം നി​റ​ച്ച ബ​ക്ക​റ്റി​ൽ വീ​ണാ​ണ് കു​ട്ടി​ക്ക് പൊ​ള്ള​ലേ​റ്റ​ത്. കു​ട്ടി​യെ ആ​ദ്യം മാ​ന​ന്ത​വാ​ടി മെ​ഡി​ക്ക​ൽ കോ​ള​ജി​ൽ പ്ര​വേ​ശി​ച്ചു. പൊ​ള്ള​ൽ ഗു​രു​ത​ര​മാ​യ​തി​നാ​ൽ കോ​ഴി​ക്കോ​ട് മെ​ഡി​ക്ക​ൽ കോ​ള​ജി​ലേ​ക്ക് മാ​റ്റാ​ൻ അ​വി​ടെ നി​ന്നും ആ​വ​ശ്യ​പ്പെ​ട്ടു.

എ​ന്നാ​ൽ കു​ട്ടി​യെ ര​ക്ഷി​താ​ക്ക​ൾ മെ​ഡി​ക്ക​ൽ കോ​ള​ജി​ലേ​ക്ക് കൊ​ണ്ടു​പോ​യി​ല്ല. പ​ക​രം നാ​ട്ടു​വൈ​ദ്യ​നെ കാ​ണി​ച്ച് ചി​കി​ത്സ ന​ൽ​കി. പി​ന്നീ​ട് ജൂ​ൺ 18 നാ​ണ് കോ​ഴി​ക്കോ​ട് മെ​ഡി​ക്ക​ൽ കോ​ള​ജി​ലേ​ക്ക് കു​ട്ടി​യെ മാ​റ്റി​യ​ത്. ചികിത്സയിലിരിക്കെ ജൂ​ൺ 20നാ​ണ് കു​ട്ടി മ​രി​ച്ച​ത്.

സംഭവത്തിൽ പോലീസ് വിശദമായ അന്വേഷണം നടത്തിയതോടെയാണ് മാനന്തവാടിയിൽ നിന്ന് കോഴിക്കോട് മെഡിക്കൽ കോളേജിൽ കൊണ്ടുപോകാതെ കുട്ടിയെ നാട്ടുവൈദ്യന്റെ അരികിലേക്ക് കൊണ്ടുപോയത് ബോധ്യപ്പെട്ടത്. തുടർന്നാണ് പോലീസ് കുട്ടിയുടെ പിതാവിന്റെയും നാട്ടുവൈദ്യന്റെയും അറസ്റ്റ് രേഖപ്പെടുത്തിയത്.