വെജിറ്റേറിയൻസിനായി ഒരു പ്രത്യേക വിഭവം തയ്യാറാക്കിയാലോ? സോയ ചങ്കുകൾ ഉപയോഗിച്ച് കിടിലൻ സ്വാദിൽ സോയ 65. ധാരാളം പോഷക ഗുണങ്ങൾ ഉള്ള ഒന്നാണ് സോയ. ഇത് ഉപയോഗിച്ച് കുറഞ്ഞ ചേരുവകൾ കൊണ്ട് എളുപ്പത്തിൽ തയ്യാറാക്കാൻ കഴിയുന്ന ഒരു വിഭവമാണ് സോയ 65. കുട്ടികൾക്കും മുതിർന്നവർക്കും ഒരേ പോലെ ഇഷ്ട്ടപ്പെടുന്ന വിഭവമാണിത്. രുചികരമായ ഈ വിഭവം എങ്ങനെ തയ്യാറാക്കാമെന്ന് നോക്കാം.
ആവശ്യമായ ചേരുവകൾ
തയ്യാറാക്കുന്ന വിധം
2 കപ്പ് വെള്ളം തിളപ്പിച്ച് അതിൽ ഒരു നുള്ള് ഉപ്പ് ചേർക്കുക. ഇതിലേക്ക് സോയ ചങ്ക്സ് ചേർത്ത് 2 മിനിറ്റ് വേവിക്കുക. സോയയിൽ നിന്ന് വെള്ളം പൂർണ്ണമായും നീക്കം ചെയ്യുക. ഒരു പാത്രത്തിൽ മുളകുപൊടി, മഞ്ഞൾപൊടി, കുരുമുളക് പൊടി, ഉപ്പ്, മല്ലിപ്പൊടി, ഗരംമസാലപ്പൊടി, ചിക്കൻ മസാല, ജീരകപ്പൊടി, കോൺഫ്ലോർ, നാരങ്ങാനീര്, തൈര്, 1 ടീസ്പൂൺ എണ്ണ എന്നിവ ചേർക്കുക. നന്നായി ഇളക്കുക. ഈ മസാല മിക്സ് ഉപയോഗിച്ച് സോയ ചങ്കുകൾ മാരിനേറ്റ് ചെയ്ത് 30 മിനിറ്റ് മാറ്റി വയ്ക്കുക.
ഒരു പാനിൽ വറുക്കാൻ എണ്ണ ചൂടാക്കുക. എണ്ണ തിളച്ചു തുടങ്ങുമ്പോൾ സോയ കഷണങ്ങളും കുറച്ച് കറിവേപ്പിലയും ചേർക്കുക. സോയ കഷണങ്ങൾ ഗോൾഡൻ ബ്രൗൺ നിറമാകുമ്പോൾ എണ്ണയിൽ നിന്ന് മാറ്റുക. അതേ എണ്ണയിൽ പച്ചമുളക് അരിഞ്ഞത് ചേർത്ത് വഴറ്റുക. ഒരു ചീനച്ചട്ടിയിൽ 1 ടീസ്പൂൺ എണ്ണ ഒഴിച്ച് അരിഞ്ഞ വെളുത്തുള്ളിയും ഇഞ്ചിയും ചേർക്കുക. മഞ്ഞൾപൊടി, മുളകുപൊടി, ഉപ്പ് എന്നിവ ചേർക്കുക. ഇതിലേക്ക് തക്കാളി കെച്ചപ്പ് ചേർത്ത് നന്നായി ഇളക്കുക. ഇതിലേക്ക് വറുത്ത സോയ ചങ്ക്സ് ചേർത്ത് നന്നായി ഇളക്കുക. രുചികരമായ സോയ 65 തയ്യാർ.