അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.പുതിയ ഹിജ്‌റ വർഷം (ഹി. 1446 – ജൂലൈ 7) ആരംഭിച്ചതോടെ, ഖത്തറിൽ അടുത്ത റമദാനും ഈദ് ദിവസങ്ങളും ഖത്തർ കലണ്ടർ ഹൗസ് പ്രവചിച്ചു. ജ്യോതിശാസ്ത്ര പ്രകാരം, 2025 മാർച്ച് ഒന്നിനായിരിക്കും റമദാൻ വ്രതാരംഭമെന്ന് ഖത്തർ കലണ്ടർ ഹൗസ് അറിയിച്ചു.
അതേസമയം, റമദാൻ മാസവും ശവ്വാൽ മാസവും പ്രഖ്യാപിക്കാനുള്ള അധികാരം രാജ്യത്തെ ഔഖാഫ്, ഇസ്‍ലാമികകാര്യ മന്ത്രാലയത്തിലെ മാസപ്പിറവി സമിതിക്ക് മാത്രമായിരിക്കും. മാസപ്പിറവിയും ജ്യോതിശാസ്ത്ര കണക്കുകളും അടിസ്ഥാനമാക്കി, ചെറിയ പെരുന്നാൾ (ശവ്വാൽ 1 – ഈദുൽ ഫിത്ർ) 2025 മാർച്ച് 30 ഞായറാഴ്ചയോ മാർച്ച് 31 തിങ്കളാഴ്ചയോ പ്രതീക്ഷിക്കുന്നതായും കലണ്ടർ ഹൗസ് അറിയിച്ചു.
