അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.വളരെ സിംപിളായി ചെമ്മീൻ അച്ചാർ തയ്യാറാക്കുന്നതെങ്ങനെ എന്ന് നോക്കാം.
ചേരുവകൾ
ചെമ്മീൻ
കാശ്മീരിമുളകുപൊടി
മഞ്ഞൾപ്പൊടി
ഉപ്പ്
ജിഞ്ചർ ജെല്ലി ഓയിൽ
ഇഞ്ചി
വെളുത്തുള്ളി
പച്ചമുളക്
കറിവേപ്പില
കായം
വറ്റൽമുളക് ചതച്ചത്
വിനാഗിരി
കടുക്
ഉലുവ
തയ്യാറാക്കുന്ന വിധം
- നന്നായി വൃത്തിയാക്കിയ ഒരു കിലോ ചെമ്മീനിലേയ്ക്ക് രണ്ടg ടേബിൾസ്പൂൺ കാശ്മീരിമുളകുപൊടി ഒരു ടീസ്പൂൺ മഞ്ഞൾപ്പൊടി, ആവശ്യത്തിന് ഉപ്പ് എന്നിവ ചേർത്തിളക്കി അൽപ്പ സമയം മാറ്റിവെയ്ക്കുക.
- ഒരു പാൻ അടുപ്പിൽ വെച്ച് അൽപ്പം ജിഞ്ചർ ജെല്ലി ഓയിൽ ഒഴിച്ചു ചൂടാക്കി മാറ്റി വെച്ചിരിക്കുന്ന ചെമ്മീൻ വറുക്കുക.
- മറ്റൊരു പാൻ അടുപ്പിൽ വെച്ച് ജിഞ്ചർ ജെല്ലി ഓയിൽ ഒഴിച്ചു ചൂടാക്കി ഇഞ്ചിയും വെളുത്തുള്ളിയും അരച്ചതു ചേർത്ത് വഴറ്റുക.
- ഇതിലേയ്ക്ക് എട്ട് പച്ചമുളക് അരിഞ്ഞതും, അൽപ്പം കറിവേപ്പിലയും ചേർത്തിളക്കുക.
- രണ്ട് ടേബിൾസ്പൂൺ വറ്റൽമുളക് ചതച്ചത്, നാലോ അഞ്ചോ ടേബിൾസ്പൂൺ കാശ്മീരി മുളകുപൊടി, കാൽ ടീസ്പൂൺ മഞ്ഞൾപ്പൊടി, കാൽ ടീസ്പൂൺ കായപ്പൊടി എന്നിവ ചേർത്തിളക്കിയതിലേയ്ക്ക് 200 മില്ലി വിനാഗിരി കൂടി ഒഴിക്കുക.
- വറുത്തു വെച്ചിരിക്കുന്ന ചെമ്മീൻ ചേർത്ത് വഴറ്റുക.
- വിനാഗിരി വറ്റി വരുമ്പോൾ മുക്കാൽ ടീസ്പൂൺ കടുക് ഉലുവ എന്ന പൊടിച്ചതു ചേർത്തിളക്കുക.
- എണ്ണ തെളിഞ്ഞു വരുമ്പോൾ ഒരിക്കൽകൂടി ഇളക്കി അടുപ്പിൽ നിന്നും മാറ്റാം.
ഈർപ്പം ഇല്ലാത്ത വൃത്തിയാക്കിയ പാത്രത്തിൽ സൂക്ഷിച്ചു വെയ്ക്കാം ഈ അച്ചാർ.
content highlight: prawns-pickle-easy-recipe
