അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.അമ്മയില്‍ അംഗത്വം എടുത്ത് നടന്‍ കമലഹാസന്. അമ്മയുടെ ജനറല്‍ സെക്രട്ടറി നടന്‍ സിദ്ദിഖിന്റെ കൈയ്യില്‍ നിന്നുമാണ് താരം മെമ്പര്‍ഷിപ്പ് ഏറ്റുവാങ്ങിയത്. അമ്മയുടെ ഓണ്‍ലൈന്‍ ഒഫീഷ്യല്‍ ചാനല്‍ വഴിയാണ് വിവരം ആരാധകരുമായി പങ്കുവെച്ചിരിക്കുന്നത്. നടന്‍ ബാബുരാജിന്റെയും നടി അന്‍സിബയുടെയും സാന്നിധ്യത്തിലാണ് സിദ്ദിഖ് കമലഹാസന് മെമ്പര്‍ഷിപ്പ് കാര്‍ഡ് നല്‍കിയത്.
കമല്‍ ഹാസന്‍ അംഗത്വം സ്വീകരിക്കുന്ന ചിത്രങ്ങളും ഒഫീഷ്യല്‍ പേജില്‍ പങ്കുവെച്ചിട്ടുണ്ട്. ‘കുടുംബത്തിന്റെ ശക്തി അതിലെ ഓരോ അംഗവുമാണ്, ഓരോ അംഗത്തിന്റെയും ശക്തി കുടുംബമാണ്! ഞങ്ങളുടെ ഉലകനായകന്‍ ശ്രീ കമല്‍ഹാസന്‍ സാറിന് ഓണററി മെമ്പര്‍ഷിപ്പ് നല്‍കി ഞങ്ങളുടെ മെമ്പര്‍ഷിപ്പ് കാമ്പയിന്‍ ആരംഭിച്ചു. ഞങ്ങള്‍ക്ക് അതിയായ സന്തോഷമുണ്ട് സര്‍… ഇന്ത്യന്‍2 ന് അമ്മ കുടുംബാംഗങ്ങളുടെ ആശംസകള്‍’, എന്നാണ് ചിത്രത്തിന് അടിക്കുറിപ്പ് നല്‍കിയിരിക്കുന്നത്.
