നാരങ്ങയും ഈന്തപ്പഴവും ചേർത്ത് കിടിലൻ സ്വാദിൽ ഒരു അച്ചാർ. നാരങ്ങയും ഈന്തപ്പഴവും ആയതുകൊണ്ട് തന്നെ ഇതിന് മധുരവും പുളിയുമാണ് ടേസ്റ്റ്. ഈ പ്രത്യേക കോമ്പിനേഷൻ എല്ലാവർക്കും ഇഷ്ടപ്പെടും. ബിരിയാണി, നെയ്യ് ചോറ് മുതലായവയ്‌ക്കൊപ്പം ഇത് നല്ല കോമ്പിനേഷനാണ്.
ആവശ്യമായ ചേരുവകൾ
തയ്യാറാക്കുന്ന വിധം
നാരങ്ങ നന്നായി കഴുകി വൃത്തിയുള്ള തുണി ഉപയോഗിച്ച് ഉണക്കുക. ഒരു സ്റ്റീമറിൽ വെള്ളം തിളപ്പിച്ച് നാരങ്ങ 2 മിനിറ്റ് ആവിയിൽ വേവിക്കുക. തണുക്കുമ്പോൾ, ഓരോന്നും 4 കഷണങ്ങളായി മുറിക്കുക. ഒരു പാനിൽ 2 ടീസ്പൂൺ എണ്ണ ചൂടാക്കി കടുകും ഉലുവയും പൊട്ടിക്കുക. ഇതിലേക്ക് അരിഞ്ഞ ഇഞ്ചി, വെളുത്തുള്ളി, പച്ചമുളക് എന്നിവ ചേർക്കുക. ഇത് ഗോൾഡൻ ബ്രൗൺ ആകുന്നത് വരെ വറുത്ത് മാറ്റി വയ്ക്കുക. ഒരു പാനിൽ ബാക്കിയുള്ള എണ്ണ ചൂടാക്കി അരിഞ്ഞ ഈത്തപ്പഴം ചേർക്കുക. മൃദുവാകുന്നത് വരെ വേവിച്ച് മാറ്റി വയ്ക്കുക.
പാനിൽ അതേ എണ്ണയിൽ കാശ്മീരി മുളകുപൊടിയും മഞ്ഞൾപ്പൊടിയും ചേർത്ത് ഗ്രേവി കടും ചുവപ്പ് ആകുന്നത് വരെ നന്നായി ഇളക്കുക. ഇതിലേക്ക് വിനാഗിരി ചേർത്ത് തിളപ്പിക്കുക. വിനാഗിരി തിളച്ചുകഴിഞ്ഞാൽ, അതിലേക്ക് വേവിച്ച ഇഞ്ചി, വെളുത്തുള്ളി, പച്ചമുളക്, ഈന്തപ്പഴം എന്നിവ ചേർത്ത് നന്നായി ഇളക്കുക. ശേഷം നാരങ്ങ കഷ്ണങ്ങളും ഉപ്പും ചേർത്ത് വീണ്ടും നന്നായി ഇളക്കുക. തീ ഓഫ് ചെയ്യുക. രുചികരമായ നാരങ്ങയും ഈന്തപ്പഴവും അച്ചാർ തയ്യാർ.