അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മുംബൈ: മഹാരാഷ്ട്രയിൽ 12 മാവോയിസ്റ്റുകളെ വധിച്ചു. ഗഡ്‌ചിരോളി ജില്ലയിലാണ് സംഭവം. പൊലീസുമായുണ്ടായ ഏറ്റുമുട്ടലിനെ തുടർന്നാണ് മാവോയിസ്റ്റുകൾ കൊല്ലപ്പെട്ടത്.
ഗഡ്ചിരോളിയില്‍ മാവോയിസ്റ്റുകളെ നേരിടാനായി രൂപവത്കരിച്ച സി-60 എന്ന പ്രത്യേക പോലീസ് സംഘവുമായാണ് മാവോയിസ്റ്റുകള്‍ ഏറ്റുമുട്ടിയത്. ഏറ്റുമുട്ടലിൽ ഒരു പൊലീസ് സബ് ഇൻസ്‌പെക്ടർക്കും ഒരു ജവാനും വെടിയേറ്റു. നിരവധി ആയുധങ്ങളും പിടിച്ചെടുത്തു.
പ്രദേശത്ത് മാവോയിസ്റ്റുകള്‍ക്കായി ശക്തമായ തിരച്ചില്‍ തുടരുകയാണ്. സ്ഥിതിഗതികള്‍ സൂക്ഷ്മമായി നിരീക്ഷിക്കുകയാണെന്ന് ഉന്നത പോലീസ് വൃത്തങ്ങള്‍ അറിയിച്ചു.
