അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.കഴുത്തിന്റെ മുന്‍ഭാഗത്തായി ചിത്രശലരത്തിന്റെ ആകൃതിയിലുള്ള ഒരു ഗ്രന്ഥിയാണ് തൈറോയ്ഡ്. ഉപാപചയ പ്രവര്‍ത്തനങ്ങള്‍, വളര്‍ച്ച, വികാസം ഇവയെ എല്ലാം നിയന്ത്രിക്കുന്ന ഹോര്‍മോണുകള്‍ ഉല്‍പാദിപ്പിക്കുന്ന ഗ്രന്ഥിയാണിത്. ആരോഗ്യമുള്ള തൈറോയ്ഡിന് സമീകൃതാഹാരം ശീലമാക്കേണ്ടതുണ്ട്. അനാരോഗ്യകരമായ ഭക്ഷണരീതികള്‍ തൈറോയ്ഡിന്റെ പ്രവര്‍ത്തനത്തെ ബാധിച്ചേക്കാം. തൈറോയ്ഡ് രോഗികള്‍ ഒരു കാരണവശാലും കഴിക്കാന്‍ പാടില്ലാത്ത ചില ഭക്ഷണങ്ങളുണ്ട്, അതുപോലെ തന്നെ നിര്‍ബന്ധമായും കഴിച്ചിരിക്കേണ്ട ഭക്ഷണവും ഉണ്ട്. അവ എതൊക്കെയാണെന്ന് നോക്കാം..
തൈറോയിഡ് രോഗികള്‍ കഴിക്കേണ്ട ഭക്ഷണ പദാര്‍ത്ഥങ്ങള്‍;
ഹൈപ്പോ തൈറോയിഡിസം തടയാന്‍ ഏറ്റവും നല്ലതാണ് പഴങ്ങളും പച്ചക്കറികളും. പച്ചക്കറികളില്‍ ധാരാളം അയഡിന്‍ അടങ്ങിയിട്ടുണ്ട്. അതുപോലെ തന്നെ നാരുകള്‍ ധാരാളമടങ്ങിയ ഇലക്കറികളും പഴവര്‍ഗങ്ങളും പച്ചക്കറികളും കഴിക്കുന്നതും തൈറോയ്ഡ് രോഗികള്‍ക്ക് നല്ലതാണ്.
ഹോര്‍മോണിന്റെ ഉല്‍പാദനം കൂടുന്നതാണ് ഹൈപ്പര്‍ തൈറോയിഡിസത്തിന് കാരണം. ഹോര്‍മോണിന്റെ ഉല്‍പാദനം കുറയ്ക്കാന്‍ സഹായിക്കുന്നതാണ് വെളിച്ചെണ്ണ. അതിനാല്‍ ഹൈപ്പര്‍ തൈറോയിഡിസമുളളവര്‍ വെളിച്ചെണ്ണ ഭക്ഷണത്തില്‍ ഉള്‍പ്പെടുത്തുക.
അയഡിന്‍ അടങ്ങിയ ഭക്ഷണമാണ് തൈറോയിഡ് രോഗികള്‍ പ്രധാനമായും കഴിക്കേണ്ടത്. അയഡിന്‍ ധാരാളം അടങ്ങിയ കടല്‍ ഭക്ഷണം, മത്സ്യം എന്നിവ കഴിക്കുക. അതുപോലെ തന്നെ, പച്ചക്കറികളും അയഡിന്റെ ഉത്തമസ്രോതസ്സാണ്.
അയണ്‍ അടങ്ങിയ ഭക്ഷണങ്ങള്‍: അയണ്‍ തൈറോയ്ഡ് ഹോര്‍മോണുകളുടെ ഉത്പാദനത്തിനും പ്രവര്‍ത്തനത്തിനും ആവശ്യമാണ്. അയണ്‍ അടങ്ങിയ ഇറച്ചി, കോഴി, മത്സ്യം, മുട്ട, പച്ചക്കറികള്‍ എന്നിവ കഴിക്കേണ്ടതാണ്.
കാല്‍സ്യം അടങ്ങിയ ഭക്ഷണങ്ങള്‍: കാല്‍സ്യം തൈറോയ്ഡ് ഹോര്‍മോണുകളുടെ ഉത്പാദനത്തിന് ആവശ്യമാണ്. കാല്‍സ്യം അടങ്ങിയ പാല്‍, തൈര്, ചീസ്, കടല്‍ മത്സ്യം, പച്ചക്കറികള്‍ എന്നിവ കഴിക്കണം.
ഫോളിക് അമിനോ ആസിഡ് അടങ്ങിയ ഭക്ഷണങ്ങള്‍: ഫോളിക് അമിനോ ആസിഡ് തൈറോയ്ഡ് ഹോര്‍മോണുകളുടെ പ്രവര്‍ത്തനത്തിന് ആവശ്യമാണ്. ഫോളിക് അമിനോ ആസിഡ് അടങ്ങിയ ഭക്ഷണങ്ങളില്‍ ഇലക്കറികള്‍, സോയ അധിഷ്ഠിത ഉല്‍പ്പന്നങ്ങള്‍, ബ്രൗണ്‍ റൈസ്, പയറുകള്‍ എന്നിവ ഉള്‍പ്പെടുന്നു.
തൈറോയ്ഡ് രോഗികള്‍ വെള്ളം ധാരാളം കുടിക്കണം. ദിവസവും എട്ട് ഗ്ലാസ് എങ്കിലും വെള്ളം കുടിക്കണം. തൈറോയ്ഡ് രോഗികള്‍ ഗ്രീന്‍ ടീ കുടിക്കുന്നത് ഏറെ നല്ലതാണ്. രോഗപ്രതിരോധ ശക്തി കൂട്ടാന്‍ ഇത് സഹായിക്കും.
തൈറോയ്ഡ് ഉള്ളവര്‍ ഒഴിവാക്കേണ്ട ചില ആഹാരങ്ങള്‍
ഗോതമ്പ് ഉല്‍പ്പന്നങ്ങള്‍: ഗോതമ്പില്‍ ഗ്ലൂട്ടന്‍ അടങ്ങിയിട്ടുണ്ട്. ഇത് തൈറോയ്ഡ് ഹോര്‍മോണുകളുടെ ഉത്പാദനത്തെ തടയാം.
സോയാബീന്‍: ഇതിലും ഗ്ലൂട്ടന്‍ അടങ്ങിയിട്ടുള്ളതിനാല്‍ ഇത് തൈറോയ്ഡ് ഹോര്‍മോണുകളുടെ ഉത്പാദനത്തെ തടയാം.
പാല്‍ ഉല്‍പ്പന്നങ്ങള്‍: പാല്‍ അല്ലെങ്കില്‍ പാല്‍ ഉല്‍പന്നങ്ങള്‍ അമിതമായി കഴിക്കുന്നത് ഹോര്‍മോണ്‍ വ്യതിയാനത്തിന് കാരണമാകുന്നുണ്ട. അതുപോലെ തന്നെ അമിതമായി കോഫി, ചായ, അല്‍ക്കഹോള്‍ എന്നിവ കുടിക്കുന്നത് തൈറോയ്ഡ് ഹോര്‍മോണുകളുടെ ഉത്പാദനത്തെ തടയാം.
കാബേജ്, കോളിഫ്‌ലവര്‍, വറുത്തതും പൊരിച്ചതുമായ ഭക്ഷണങ്ങള്‍, ധാരാളം പഞ്ചസാര അടങ്ങിയ മധുരപലഹാരങ്ങള്‍, ബേക്കറി പലഹാരങ്ങള്‍, ടിന്നിലടച്ച ഭക്ഷണപദാര്‍ഥങ്ങള്‍, മൈദ കൊണ്ടുള്ള പലഹാരങ്ങള്‍ എന്നിവയും പൂര്‍ണമായി ഒഴിവാക്കേണ്ടതാണ്.
നാരുകള്‍ അടങ്ങിയ ഭക്ഷണം ശരീരത്തിന് നല്ലതാണ്. എന്നാല്‍ തൈറോയ്ഡ് രോഗികള്‍ക്ക് 25 മുതല്‍ 38 ഗ്രാം വരെ ഫൈബര്‍ അടങ്ങിയ ഭക്ഷണമേ ഒരു ദിവസം ആവശ്യമുള്ളൂ എന്ന് അമേരിക്കയില്‍ നടന്ന ഒരു പഠനത്തില്‍ തെളിഞ്ഞിട്ടുണ്ട്. നാരുകള്‍ ധാരാളമായി അടങ്ങിയ ധാന്യങ്ങള്‍, പച്ചക്കറികള്‍, പഴങ്ങള്‍, ബീന്‍സ് എന്നിവയെല്ലാം കഴിക്കുമ്പോള്‍ ഇക്കാര്യം കൂടി ശ്രദ്ധിക്കണം.
[ഒരു ഡോക്ടറുടെ അഭിപ്രായം കൂടി പരിഗണിച്ച ശേഷം മാത്രം മേല്‍ പറഞ്ഞ ഭക്ഷണ ക്രമീകരണം തൈറോയിഡ് രോഗികള്‍ക്ക് സ്വീകരിക്കാവുന്നതാണ്.]
