അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.തിരുവനന്തപുരം: വെഞ്ഞാറമൂട് ട്രാഫിക് ഡ്യൂട്ടിയില്‍ ഉണ്ടായിരുന്ന പോലീസ് ഉദ്യോഗസ്ഥനുനേരെ കാറിലെത്തിയ സി.ഐയുടെ തെറിയഭിഷേകവും ശകാരവും. വെഞ്ഞാറമൂട് സ്റ്റേഷനിലെ സിവില്‍ പോലീസ് ഓഫീസര്‍ അശോകന് നേരെയാണ് സ്റ്റേറ്റ് ക്രൈം റെക്കോര്‍ഡ് ബ്യൂറോയിലെ സി.ഐ. യഹിയ തെറിയഭിഷേകം നടത്തിയത്.
ആറ്റിങ്ങല്‍ കോടതിയില്‍ പോയി തിരികെ വെഞ്ഞാറമൂട് എത്തിയപ്പോള്‍ ട്രാഫിക് കുരിക്കില്‍ പെട്ടതാണ് സി.ഐയെ ചൊടിപ്പിച്ചത്. പോലീസ് ഉദ്യോഗസ്ഥന്‍ ഉടന്‍തന്നെ വെഞ്ഞാറമൂട് പോലീസില്‍ റിപ്പോര്‍ട്ട് നല്‍കി.
തുടർന്ന് പൊലീസ് ഉദ്യോഗസ്ഥന്റെ പരാതിയിൽ ജി ഡി യിൽ പരാതി രജിസ്റ്റർ ചെയ്തു. വെഞ്ഞാറമൂട് സിഐ ആറ്റിങ്ങൽ ഡിവൈഎസ്പിയെ വിവരം അറിയിച്ചതിനെ തുടർന്ന് നാളെ ഡിവൈഎസ്പി ഓഫീസിൽ ഹാജരാകാൻ ഡിവൈഎസ്പി ഇരുവർക്കും നിർദ്ദേശം നൽകിയിട്ടുണ്ട്. എന്നാൽ ട്രാഫിക്കിൽ നിൽക്കുന്ന പോലീസ് ഉദ്യോഗസ്ഥൻ തന്നെ തെറി വിളിച്ചതായി ചൂണ്ടിക്കാട്ടി സി ഐ യഹിയയും വെഞ്ഞാറമൂട് പോലീസിൽ പരാതി നൽകിയിരിക്കുകയാണ്.
