അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ഒരു ബസിന്റെ മുകളില്‍ വളരെ സുഖകരമായി യാത്ര ചെയ്യുന്ന കുറെ കാക്കകളുടെ വീഡിയോ ഇപ്പോള്‍ സോഷ്യല്‍ മീഡിയയില്‍ വൈറലാണ്. സംഭവം നടന്നിരിക്കുന്ന് രാജ്യത്തിന്റെ വാണിജ്യ തലസ്ഥാനമായ മുബൈയിലാണ്. വളരെ പ്രശസ്തമായ മുബൈയിലെ ബെസ്റ്റ് ബസുകളുടെ മുകളില്‍ ഒരു കൂട്ടം കാക്കകള്‍ യാത്ര ചെയ്യുന്ന ചെറു വീഡിയോ ദശലക്ഷത്തിലധികം കാഴ്ചക്കാരുമായി വൈറാലായി മുന്നേറിക്കൊണ്ടിരിക്കുകയാണ്. ബസിന്റെ മുകളില്‍ കാക്കകള്‍ ക്ഷമയോടെ ഇരിക്കുന്നതാണ് നാല് സെക്കന്‍ഡ് ദൈര്‍ഘ്യമുള്ള വീഡിയോ നിരവധി പേര്‍ ഷെയര്‍ ചെയ്യുകയും അതു പോലെ വീഡിയോയ്ക്ക് താഴെ കമന്റുകള്‍ ഇടുകയും ചെയ്യുന്നു. മുംബൈയിലെ ബെസ്റ്റ് (ബ്രിഹന്‍മുംബൈ ഇലക്ട്രിക് സപ്ലൈ ആന്‍ഡ് ട്രാന്‍സ്പോര്‍ട്ട്) ബസിന്റെ മേല്‍ക്കൂരയില്‍ കാക്കകള്‍ യാത്ര ചെയ്യുന്നതാണ് വീഡിയോയില്‍ കാണിക്കുന്നത്. വീഡിയോ കാണാം,
where are they going pic.twitter.com/cqe1YqkOT3
— k (@krownnist) July 16, 2024
@krownnist’ എന്ന എക്സ് അക്കൗണ്ടാണ് ഈ വീഡിയോ പോസ്റ്റ് ചെയ്തിരിക്കുന്നത്, അതില്‍ ‘അവര്‍ എവിടെ പോകുന്നു?’ എന്ന അടിക്കുറിപ്പോടെ വീഡിയോ പങ്കിട്ടു. വീഡിയോ ഇപ്പോള്‍ തന്നെ 1.4 ദശലക്ഷത്തിലധികം കാഴ്ചകളോടെ വൈറലായി, എണ്ണം ഇപ്പോഴും വര്‍ദ്ധിച്ചുകൊണ്ടിരിക്കുകയാണ്. ചില വിരുതന്മാര്‍ മികച്ച കമന്റുകള്‍ നല്‍കാനും മറന്നില്ല. ഒരു ഉപയോക്താവിന്‍രെ കമന്റ് ‘പറന്ന് മടുത്തു’ അവര്‍ പൊതുഗതാഗതം പോലും ഉപയോഗിക്കുന്നുവെന്നായിരുന്നു. ‘എല്ലാ പക്ഷികളിലും കാക്കകള്‍ ഏറ്റവും മിടുക്കനും എന്റെ പ്രിയപ്പെട്ടവയുമാണ്!”കാക്കകള്‍ പോലും ഇവിടെ പൊതുഗതാഗതം ഉപയോഗിക്കുന്നതായി മറ്റൊരാള്‍ കമന്റിട്ടു. പക്ഷികള്‍ ‘ടിക്കറ്റില്ലാതെ യാത്ര ചെയ്യുന്നതിനാല്‍’ ‘സര്‍ക്കാര്‍ പിഴ നല്‍കണം’ എന്ന് ഒരു ഉപയോക്താവ് നിര്‍ദ്ദേശിച്ചു. ഇന്ത്യയുടെ സാമ്പത്തിക തലസ്ഥാനത്തെ ഉയര്‍ന്ന വാടകയെ പരാമര്‍ശിച്ച് മറ്റൊരാള്‍ തമാശ പറഞ്ഞു, ”മൈഗ്രേറ്റിംഗ് കോഴ്സിന് വാടക താങ്ങാന്‍ കഴിയില്ല’. കാക്കകള്‍ എവിടേക്കാണ് പോകുന്നതെന്ന എക്സ് ഉപയോക്താവിന്റെ ചോദ്യത്തിന് ‘മുംബൈ ദര്‍ശനത്തിന്’പോകുകയാണെന്ന് ചിലര്‍ പറഞ്ഞു. മറ്റുചിലര്‍ പറഞ്ഞു, അവര്‍ ‘ക്രോസന്റ്‌സ് കഴിക്കാന്‍’ ഒരു ഭക്ഷണശാലയിലേക്ക് പോകുകയാണെന്ന്. അവര്‍ ‘ക്രോ-ഫോര്‍ഡ് മാര്‍ക്കറ്റിലേക്ക്’ പോകുകയാണെന്ന് ഒരാള്‍ പറഞ്ഞു. അംബാനിയുടെ മകന്റെ വിവാഹത്തില്‍ പങ്കെടുക്കാന്‍ പോകുന്നുവെന്ന് പലരും പറഞ്ഞു. അങ്ങനെ വീഡിയോയ്‌ക്കൊപ്പം കമന്റുകളും വൈറലായി.
