അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മനുഷ്യന്റെ ആശയങ്ങളെ യാഥാർഥ്യമാക്കുന്ന മറ്റൊരു സംവിധാനമാണ് ‘സുനോ എ ഐ’ . നിങ്ങളുടെ വരികള്‍ക്ക് ഈണം കൊടുക്കാന്‍ ഈ പുതിയ നിര്‍മ്മിതബുദ്ധി സംവിധാനനത്തിന് (AI) സാധിക്കുന്നു. സംഗീതം സൃഷ്ടിക്കാനുള്ള മനുഷ്യന്റെ കഴിവിന് വലിയ വെല്ലുവിളിയോ ഭീഷണിയോ ആണിത് സൃഷ്ടിക്കുന്നത്.
നമ്മുടെ ഉള്ളിലൊരു ഗായകൻ ഉണ്ടെന്ന് പറയാറുണ്ട്. പക്ഷേ എല്ലാവർക്കും സംഗീതം സൃഷ്ടിക്കാനുള്ള കഴിവ് ഉണ്ടാവണമെന്നില്ല. ഇവിടെയാണ് സുനോ ആപ്പിന്റെ സഹായം.
സുനോ എ ഐ എങ്ങനെ പ്രവര്‍ത്തിക്കുന്നു?
ഉപയോഗിക്കാന്‍ വളരെ എളുപ്പമാണ്. നിങ്ങളുടെ വരികള്‍ ടൈപ്പ് ചെയ്യുക, ഏത് തരത്തിലുള്ള സംഗീതം നിങ്ങള്‍ ആഗ്രഹിക്കുന്നു എന്ന് തിരഞ്ഞെടുക്കുക, സുനോ എ ഐ നിങ്ങള്‍ക്ക് അനുയോജ്യമായ ഒരു ഈണം സൃഷ്ടിക്കും. പോപ്പ്, റോക്ക്, ക്ലാസിക്കല്‍ – നിങ്ങളുടെ ഇഷ്ടത്തിന് അനുയോജ്യമായ ഏത് ശൈലിയിലും സംഗീതം സൃഷ്ടിക്കാന്‍ സുനോ എഐക്ക് കഴിയും.
സംഗീതജ്ഞര്‍ക്ക് ഭീഷണിയാണോ സുനോ എഐ?
എല്ലായ്‌പ്പോഴും പുതിയ സാങ്കേതികവിദ്യകള്‍ പുതിയ വെല്ലുവിളികള്‍ ഉയര്‍ത്താറുണ്ട്. സുനോ എഐ സംഗീതജ്ഞര്‍ക്ക് ഒരു ഭീഷണിയാണോ എന്ന് ചോദിക്കുന്നവരുണ്ട്. എന്നാല്‍ സുനോ എഐ ഒരു ഉപകരണമാണെന്ന് ഓര്‍ക്കേണ്ടതാണ്. ഏത് ഉപകരണത്തെയും പോലെ, അത് നല്ലതിനോ ചീത്തയ്‌ക്കോ ഉപയോഗിക്കാം. സംഗീതജ്ഞര്‍ക്ക് അവരുടെ സര്‍ഗ്ഗാത്മകത വികസിപ്പിക്കാനും പുതിയ സംഗീതം സൃഷ്ടിക്കാനും സുനോ എഐ ഉപയോഗിക്കാം.
സുനോ എഐ ഇപ്പോള്‍ പ്രാരംഭഘട്ടത്തിലാണ്. എന്നാല്‍ സംഗീത ലോകം മാറ്റാനുള്ള സാധ്യത ഇതിനുണ്ട്. ഭാവിയില്‍, നമ്മള്‍ കേള്‍ക്കുന്ന എല്ലാ സംഗീതവും നിര്‍മ്മിതബുദ്ധി സംവിധാനങ്ങള്‍ സൃഷ്ടിച്ചതാകുമോ?
content highlight: suno-ai-creating-music
