അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.പൂക്കളുടെ നാട് എന്നറിയപ്പെടുന്ന ഹിൽ സ്റ്റേഷൻ. ജമ്മു കാശ്മീരിലെ ബാരാമുള്ള ജില്ലയിൽ സ്ഥിതി ചെയ്യുന്ന ഗുൽമർഗ്. കാശ്മീരിന്‍റെ ഈ മനോഹരമായ താഴ്‌വര ഒരിക്കലെങ്കിലും ആസ്വദിക്കുക എന്നത് ഏതൊരു സഞ്ചാരിയുടെയും സ്വപ്നമാണ്. ഭൂമിയിലൊരു സ്വർഗ്ഗം ഉണ്ടെങ്കിൽ, അത് ഇതാണ് എന്ന് പറയാൻ കഴിയുന്ന സ്ഥലം ആണ് ഗുൽമർഗ്.
ഗൗരിമാർഗ് എന്നായിരുന്നു നേരത്തെ ഇത് അറിയപ്പെട്ടിരുന്നത്. 1927ൽ ബ്രിട്ടീഷുകാരാണ് ഏകദേശം 2730 മീറ്റർ ഉയരത്തിൽ സ്ഥിതി ചെയ്യുന്ന ഗുൽമർഗ് കണ്ടെത്തിയത്. പതിനാറാം നൂറ്റാണ്ടിൽ സുൽത്താൻ യൂസഫ് ഷാ ആണ് ഇതിന് ഗുൽമർഗ് എന്ന പേര് നൽകുന്നത്.
ഇവിടെയുള്ള പച്ചപ്പ് നിറഞ്ഞ താഴ്‌വാരങ്ങൾ വർഷം മുഴുവനും സഞ്ചാരികളെ ആകർഷിക്കുന്നു. ഗുൽമർഗ് മഞ്ഞുമൂടിയ മലനിരകളുടെ നഗരം മാത്രമല്ല, ലോകത്തിലെ ഏറ്റവും വലിയ ഗോൾഫ് കോഴ്‌സും രാജ്യത്തെ പ്രധാന സ്കീ റിസോർട്ടും കൂടിയാണിത്. ബോളിവുഡിലെ ഏറ്റവും പ്രിയപ്പെട്ട ഷൂട്ടിംഗ് ലൊക്കേഷനുകളിലൊന്നാണ് ഗുൽമർഗ്.
ബാബ രേഷി ക്ഷേത്രം
1480ൽ സ്ഥാപിതമായ ബാബ രേഷിക്ക് സമർപ്പിച്ചിരിക്കുന്ന ഒരു ദർഗയാണ് ബാബ രേഷി മന്ദിർ.
ഖിലൻമാർഗ്
ശൈത്യകാലത്ത് ഗുൽമർഗിലെ സ്കീയിംഗിന് ഏറ്റവും അനുയോജ്യമായ സ്ഥലമാണ് ഖിലൻമാർഗ്. ഗുൽമർഗിൽ സ്ഥിതി ചെയ്യുന്ന ഒരു ചെറിയ താഴ്‌വരയാണത്. ഈ താഴ്‌വരയുടെ കാഴ്ച വസന്തകാലത്ത് കാണേണ്ടതാണ്. താഴ്‌വര മുഴുവൻ പച്ചപ്പ് നിറഞ്ഞ പുല്ലുകൾ കൊണ്ട് നിറഞ്ഞിരിക്കുന്നു, പച്ചപ്പുല്ലിന് ചുറ്റുമുള്ള പർവ്വതനിരകളുടെ മനോഹരമായ കാഴ്ച കാശ്മീർ താഴ്‌വരയുടെ ഏറ്റവും അത്ഭുതകരമായ കാഴ്ചയാണ്.
താങ് മാർഗ്
ബാരാമുള്ള ജില്ലയിൽ സ്ഥിതി ചെയ്യുന്ന താങ്മാർഗ് ഗുൽമർഗിൽ നിന്ന് ഏകദേശം 13 കിലോമീറ്റർ അകലെയാണ്. കരകൗശല സൃഷ്ടികൾക്ക് ഇവിടം വളരെ പ്രശസ്തമാണ്.
ഗുൽമർഗ് ബയോസ്ഫിയർ റിസർവ്
വംശനാശഭീഷണി നേരിടുന്ന നിരവധി ജീവജാലങ്ങളുടെ ആവാസകേന്ദ്രമാണ് ഗുൽമർഗ് ബയോസ്ഫിയർ റിസർവ്. അറിയപ്പെടാത്ത പലതരം മരങ്ങളും ചെടികളും ഇവിടെ കാണാം.
വെരിനാഗ്
പിർ പഞ്ചാലിലെ ബാനിബാൽ ചുരത്തിന്‍റെ അടിത്തട്ടിൽ സ്ഥിതി ചെയ്യുന്ന ഒരു ജലപ്രവാഹമാണ് വെരിനാഗ്. ഝലം നദിയുടെ തന്നെ ഉറവിടമാണ് വെരിനാഗ് അരുവി.
ഗൊണ്ടോള ലിഫ്റ്റ്
നിങ്ങൾ ഗുൽമർഗിലേക്കുള്ള യാത്രയിലാണെങ്കിൽ, ആദ്യം തന്നെ ഗൊണ്ടോള ലിഫ്റ്റ് സന്ദർശിക്കാൻ മറക്കരുത്, ഇത് സമുദ്രനിരപ്പിൽ നിന്ന് 13500 അടി ഉയരത്തിൽ ഏഷ്യയിലെ ഏക കേബിൾ കാർ സംവിധാനമാണ്.
ഗുൽമർഗ് സ്കീ ഏരിയ
ശ്രീനഗറിൽ നിന്ന് 35 കിലോമീറ്റർ അകലെയുള്ള ഗുൽമർഗിലെ ഹിൽ റിസോർട്ട് ഹിമാലയത്തിലെ പിർ പഞ്ജൽ പർവതനിരയുടെ ഭാഗമാണ്. ഇവിടെ കനത്ത മഞ്ഞുവീഴ്ച കാരണം, ഈ സ്ഥലം വിനോദസഞ്ചാരികളുടെ പ്രിയപ്പെട്ട സ്കീ ഏരിയയായി മാറി.
ഗോൾഫ് കോഴ്സ്
സമുദ്രനിരപ്പിൽ നിന്ന് ഏകദേശം 2650 മീറ്റർ ഉയരത്തിൽ സ്ഥിതി ചെയ്യുന്ന ഗുൽമർഗിലെ ഗോൾഫ് കോഴ്സ് ലോകത്തിലെ ഏറ്റവും ഉയരം കൂടിയ ഗ്രീൻ ഗോൾഫ് കോഴ്‌സാണ്.
അഫ്രാവത് കൊടുമുടി
വിനോദസഞ്ചാരികളുടെ ഏറ്റവും പ്രിയപ്പെട്ട വിനോദസഞ്ചാര കേന്ദ്രമായ അഫ്രാവത് കൊടുമുടി ഗുൽമർഗിൽ നിന്ന് ഏകദേശം 13 കിലോമീറ്റർ അകലെയാണ് സ്ഥിതി ചെയ്യുന്നത്. ഈ മഞ്ഞുമൂടിയ മലനിരകൾ പാകിസ്ഥാനുമായുള്ള നിയന്ത്രണ രേഖയ്ക്ക് (LOC) വളരെ അടുത്താണ്.
അൽപതാർ തടാകം
പൈൻ, ദേവദാരു മരങ്ങളാൽ ചുറ്റപ്പെട്ട ഈ തടാകം അഫർവത് കൊടുമുടിക്ക് താഴെയാണ് സ്ഥിതി ചെയ്യുന്നത്. ഈ മനോഹരമായ തടാകത്തിലെ ജലം ജൂൺ പകുതി വരെ ഐസ് ആയി തുടരും.
സ്ട്രോബെറിപ്പാടം
വേനൽക്കാലത്ത്, ഇവിടെ വന്നാൽ ധാരാളം സ്ട്രോബെറി ആസ്വദിക്കാം.
ഫിറോസ്പുര
തങ്‌മാർഗിൽ സ്ഥിതി ചെയ്യുന്ന ഫിറോസ്പുര ഗ്രാമത്തിന്‍റെ ദൃശ്യം മഞ്ഞുകാലത്ത് അതിമനോഹരമാണ്. സ്വിറ്റ്സർലൻഡിലെ ഏതോ പ്രദേശത്ത് എത്തിയതുപോലെ നിങ്ങൾക്ക് അനുഭവപ്പെടും.
content highlight: hidden-villages-around-gulmarg
