അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ലഖ്നൗ: സമൂഹമാധ്യമങ്ങളില്‍ തല്ലു വീഡിയോകള്‍ക്ക് ഒരു പഞ്ഞവുമില്ല. ദിവസേന 100 കണക്കിന് അടിപിടി വീഡിയോകള്‍ ആണ് വന്നുകൊണ്ടിരിക്കുന്നത്. ഇപ്പോള്‍ ഇതാ അതില്‍നിന്നെല്ലാം വ്യത്യസ്തമായ ഒരു തല്ലുകൂടല്‍ ആണ് സോഷ്യല്‍ മീഡിയയില്‍ വൈറല്‍ ആകുന്നത്. പലപ്പോഴും അടിപിടികളില്‍ ആയുധങ്ങള്‍ ഒരുപാടുണ്ടാകും… വടികള്‍, കല്ലുകള്‍ ചൂലുകള്‍ ഹെല്‍മറ്റുകള്‍ പാത്രങ്ങള്‍ ഇവയെല്ലാം ഒരുപക്ഷേ മിക്ക തല്ലുകളിലും ആയുധമായി നമ്മള്‍ കണ്ടിട്ടുണ്ടാകാം.
എന്നാല്‍ അതില്‍ നിന്നെല്ലാം വ്യത്യസ്തമായി ചെരുപ്പ് ഒരു ആയുധം ആയാലോ?. അത്തരത്തില്‍ ചെരുപ്പ് കൊണ്ടുള്ള ഒരു തല്ലുകൂടല്‍ ആണ് ഇപ്പോള്‍ വൈറല്‍ ആയിരിക്കുന്നത്. ഉത്തര്‍പ്രദേശിലെ ലഖ്നൗവില്‍ ആണ് സംഭവം. എന്നാണ് നടന്നതെന്നുള്ളതിനെപ്പറ്റി തീയതികള്‍ ഒന്നും പുറത്തുവന്നിട്ടില്ല. എന്തായാലും വലിയ ബഹളം തന്നെയാണ് വീഡിയോയില്‍ കാണാന്‍ കഴിയുന്നത്. ഒരു റോഡിന് സമീപത്തായി നിന്ന് കുറെ ആളുകള്‍ ചേര്‍ന്ന് വഴക്കു കൂടുന്നു. വഴക്ക് കൂടുമ്പോള്‍ തല്ലുന്നതിനായി ഉപയോഗിക്കുന്ന ആയുധമാണ് ഏറെ ചര്‍ച്ച ചെയ്യപ്പെടുന്നത്, ചെരുപ്പ് ഉപയോഗിച്ചാണ് ഇവര്‍ അടി കൂടുന്നത്.
कोई बता सकता है कि लखनऊ में हुई इस चप्पल वॉर में “मारे देओ” और “मारो” कुल कितनी बार बोला गया? pic.twitter.com/nytbTGE9DT
— SANJAY TRIPATHI (@sanjayjourno) July 25, 2024
റോഡിലൂടെ പോകുന്ന യാത്രക്കാര്‍ക്ക് ഇവര്‍ ബുദ്ധിമുട്ടുണ്ടാക്കുന്നില്ല എന്ന് മാത്രമല്ല യാത്രക്കാരെ ഇവര്‍ മൈന്‍ഡ് കൂടി ചെയ്യുന്നില്ല എന്നതാണ് മറ്റൊരു പ്രത്യേകത. വീഡിയോ സോഷ്യല്‍ മീഡിയയില്‍ മിനിറ്റുകള്‍ക്കുള്ളില്‍ തന്നെ വൈറല്‍ ആവുകയായിരുന്നു. 24,000 ഓളം പേര്‍ ഈ വീഡിയോ ഇതിനോടകം കണ്ടുകഴിഞ്ഞു. ചിലര്‍ ഈ തല്ലിനെ ‘ബാഗ്പത് യുദ്ധ’വുമായി താരതമ്യം ചെയ്യുന്നതും കമന്റ് ബോക്‌സുകളില്‍ കാണാം.
