അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.നിങ്ങൾ സുസുക്കി സ്കൂട്ടർ ആണോ ഉപയോഗിക്കുന്നത് ? എങ്കിൽ ഇത് നിങ്ങൾ അറിയാതെ പോകരുത്. സുസുക്കി ഇന്ത്യ ജനപ്രിയ സുസുക്കി ആക്‌സസ് 125 സ്‌കൂട്ടറിൻ്റെ യൂണിറ്റുകൾ തിരിച്ചു വിളിക്കുകയാണ്. 64,000 യൂണിറ്റുകളാണ് മടക്കി വിളിക്കുന്നത്. ചില സാങ്കേതിക തകരാറുകൾ കണ്ടെത്തിയതിനെ തുടർന്നാണ് നടപടി. 2022 ഏപ്രിൽ 30 നും 2022 ഡിസംബർ 3 നും ഇടയിൽ നിർമ്മിച്ച സുസുക്കി ആക്‌സസ് 125-ൻ്റെ 263,788 യൂണിറ്റുകൾക്കാണ് ഇത് ബാധകം.
ഈ സ്‍കൂട്ടറുകളിലെ ഇഗ്നിഷൻ കോയിലുമായി ബന്ധിപ്പിച്ച ഹൈ ടെൻഷൻ കോർഡിന്റെ തകരാറ് പരിശോധിച്ച് പരിഹരിക്കുകയാണ് ലക്ഷ്യം. തകരാറ് കാരണം എൻജിന്റെ പ്രവർത്തനം നിൽക്കാനും സ്റ്റാർട്ടാവാനുള്ള പ്രശ്നവുമുണ്ട്. 2022 ഏപ്രിൽ 30നും 2022 ഡിസംബർ മൂന്നിനും ഇടയിൽ നിർമിച്ച വാഹനങ്ങളിലാണ് തകരാറ് കണ്ടെത്തിയത്. ഈ കാലയളവിലുള്ള വാഹനങ്ങളുടെ ഉടമകളെ കമ്പനി അധികൃതർ വിവരം അറിയിക്കും. തുടർന്ന് അടുത്തുള്ള സർവീസ് സെന്ററിൽ വാഹനമെത്തിക്കണം. പ്രശ്നമുണ്ടെങ്കിൽ അത് സൗജന്യമായി പരിഹരിക്കുമെന്ന് സുസുക്കി അറിയിച്ചു.
സുസുക്കി ആക്‌സസ് 125-ന് പുറമെ, സുസുക്കി അവെനിസിൻ്റെ 52,578 യൂണിറ്റുകളും സുസുക്കി ബർഗ്മാൻ്റെ 72,045 യൂണിറ്റുകളും ഇതേ കാരണത്താൽ തിരിച്ചുവിളിച്ചിട്ടുണ്ടെന്നാണ് റിപ്പോര‍ട്ടുകൾ. ഇവയും 2022 ഏപ്രിൽ 30 നും 2022 ഡിസംബർ 3 നും ഇടയിൽ നിർമ്മിച്ചവയാണ്. മൊത്തത്തിൽ സുസുക്കി ആക്‌സസ് 125, സുസുക്കി അവെനിസ്, സുസുക്കി ബർഗ്മാൻ എന്നിവയുടെ 388,411 യൂണിറ്റുകൾ തിരിച്ചുവിളിക്കുന്നു. ഇന്ത്യൻ വിപണിയിൽ സുസുക്കി ആക്‌സസ് 125-ൻ്റെ പ്രാരംഭ എക്‌സ്-ഷോറൂം വില മുൻനിര മോഡലിന് 79,400 മുതൽ 89,500 രൂപ വരെയാണ്.
content highlight: suzuki-recalls-access-scooters
