അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ചേരാനല്ലൂര്‍(എറണാകുളം): സൈക്കിള്‍ യാത്രികന്‍ കണ്ടെയ്നര്‍ ലോറിയിടിച്ചുമരിച്ച സംഭവത്തില്‍ ലോറി ഡ്രൈവർ അറസ്റ്റിൽ. തമിഴ്നാട് സേലം മുടിയന്നൂര്‍ സ്വദേശി മുരുക (54) നാണ് റോഡിലൂടെ സൈക്കിള്‍തള്ളി പോകുന്നതിനിടെ കണ്ടെയ്നര്‍ ലോറിയിടിച്ച് മരിച്ചത്. മുരുകന്റെ മൃതദേഹം ബന്ധുക്കള്‍ക്ക് വിട്ടുനല്‍കി. കണ്ടെയ്നര്‍ റോഡില്‍ ചേരാനല്ലൂര്‍ സിഗ്‌നല്‍ ജങ്ഷനില്‍ വച്ചായിരുന്നു സംഭവം.
ചേരാനല്ലൂര്‍ ചിറ്റൂര്‍ കോളരിക്കല്‍ റോഡിനുസമീപം വാടകയ്ക്കുതാമസിക്കുന്ന ഇടുക്കി സ്വദേശി നേരുവീട്ടില്‍ അക്ഷയ് സന്തോഷി (24) നെയാണ് ചേരാനല്ലൂര്‍ പോലീസ് അറസ്റ്റ് ചെയ്തത്. ഏതാനും ദിവസം മുന്‍പ് ഓടുന്ന കാറില്‍ രണ്ടുപേരെ വലിച്ചിഴച്ചുകൊണ്ടുപോയ സംഭവത്തിലെ പരാതിക്കാരനാണ് അക്ഷയ്. എന്നാല്‍ തൊട്ടടുത്തദിവസം കാറിലുണ്ടായിരുന്നവര്‍ വീഡിയോ ദൃശ്യങ്ങളുമായി രംഗത്തുവന്നതോടെ അക്ഷയിന്റെ പേരിലും പോലീസ് കേസെടുക്കുകയായിരുന്നു.
content highlights: kochi-cheranelloor-lorry-accident-death-case
