അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.സോഷ്യല്‍ മീഡിയയില്‍ വിനോദ വാര്‍ത്തകള്‍ മാത്രമല്ല ഉള്ളത്, ചിലപ്പോള്‍ മനുഷ്യത്വത്തെ ചോദ്യം ചെയ്യാന്‍ നമ്മെ പ്രേരിപ്പിക്കുന്ന ഞെട്ടിക്കുന്ന സംഭവങ്ങളും നാം കാണാറുണ്ട്. ഏവരെയും അമ്പരിപ്പിക്കുന്ന തരത്തിലുള്ള ഒരു സംഭവം ഈയിടെ ഉണ്ടായി. ഇതിന്റെ വീഡിയോ സോഷ്യല്‍ മീഡിയയില്‍ വൈറലായിട്ടുമുണ്ട്.
ഗാസിയാബാദിലാണ് സംഭവം. ഗാസിയാബാദിലെ ലാല്‍ കുവാന്‍ ഹൈവേയില്‍ ഒരു ട്രക്ക് അപകടത്തില്‍പ്പെട്ടിരിക്കുന്നതായി വീഡിയോയില്‍ കാണാം. അപകടത്തെ തുടര്‍ന്ന് ട്രക്കില്‍ ഉണ്ടായിരുന്ന ശീതളപാനീയങ്ങള്‍ റോഡില്‍ ചിതറിവീണു. പെട്ടെന്ന് തന്നെ കയ്യില്‍ ഐ ഫോണുമായി കറുത്ത നിറമുള്ള ടീ ഷര്‍ട്ട് ധരിച്ച ഒരു വഴിയാത്രക്കാരന്‍ സംഭവ സ്ഥലത്തേക്ക് എത്തി. തുടര്‍ന്ന് അയാള്‍
ശീതളപാനീയങ്ങളുടെ ഒരു കെട്ട് എടുത്തുകൊണ്ട് പോകുന്നതായി കാണാം. ട്രക്കിലുണ്ടായിരുന്നവരെ സഹായിക്കുന്നതിന് പകരം സാധനങ്ങള്‍ മോഷ്ടിക്കുകയായിരുന്നു ആ യുവാവ്. ഈ വീഡിയോ ഇപ്പോള്‍ നിരവധി പേരാണ് സോഷ്യല്‍ മീഡിയയില്‍ ചെയര്‍ ചെയ്തിരിക്കുന്നത്.
हाथ में I-Phone ले रखा है, फिर भी मौक़ा देखके चौका लगाने से पीछे नहीं रहा ‼️
Tshirt पर लिखा है, “कर्म करो कांड नहीं” pic.twitter.com/ZtdZXnfPH7
— Rahul Tahiliani (@Rahultahiliani9) July 26, 2024
വീഡിയോ വൈറലായതോടെ നിരവധി പേരാണ് യുവാവിനെ വിമര്‍ശിച്ചുകൊണ്ട് രംഗത്തെത്തിയത്. ‘ഇത്രയും നാണംകെട്ട മനുഷ്യന്‍’ എന്ന അടിക്കുറിപ്പാടെയായിരുന്നു മിക്കവരും പോസ്റ്റ് ഷെയര്‍ ചെയ്തത്. ഈ വീഡിയോ ഇതുവരെ രണ്ട് ലക്ഷത്തോളം പേര്‍ കണ്ടുകഴിഞ്ഞു. 3.1 ആയിരം ലൈക്കുകളും ലഭിച്ചു. നിരവധി പേരാണ് പോസ്റ്റിന് കമന്റായി തങ്ങളുടെ അഭിപ്രായം പങ്കുവെച്ചിരിക്കുന്നത്.
