പ​ശ്ചി​മേ​ഷ്യ​യി​ൽ സം​ഘ​ർ​ഷാ​വ​സ്ഥ; ഇസ്രായേലിലുള്ള പൗരന്മാർക്ക് ഇന്ത്യയുടെ ജാഗ്രത നിർദേശം

ന്യൂ​ഡ​ൽ​ഹി: ഹ​മാ​സ് ത​ല​വ​ൻ ഇ​സ്മാ​ഈ​ൽ ഹ​നി​യ്യ​യു​ടെ വ​ധ​​ത്തോ​ടെ പ​ശ്ചി​മേ​ഷ്യ​യി​ൽ രൂ​പ​പ്പെ​ട്ട സം​ഘ​ർ​ഷാ​വ​സ്ഥ ക​ണ​ക്കി​ലെ​ടു​ത്ത് ഇ​സ്രാ​യേ​ലി​ലു​ള്ള ഇ​ന്ത്യ​ക്കാ​ർ ജാ​ഗ്ര​ത പാ​ലി​ക്ക​ണ​മെ​ന്ന് നി​ർ​ദേ​ശം നല്‍കി ഇ​ന്ത്യ​. ഇ​​സ്രാ​യേ​ലി​ന​ക​ത്ത് യാ​ത്ര ഒ​ഴി​വാ​ക്കാ​നും അ​ട​ച്ചി​ട്ട ഷെ​ൽ​ട്ട​റു​ക​ളി​ൽ ക​ഴി​യാ​നും ഇ​സ്രാ​യേ​ൽ അ​ധി​കൃ​​ത​രു​മാ​യി നി​ര​ന്ത​ര സ​മ്പ​ർ​ക്കം പു​ല​ർ​ത്താ​നു​മാ​ണ് ഇ​ന്ത്യ​ൻ എം​ബ​സി മു​ഖേ​ന വി​ദേ​ശ മ​ന്ത്രാ​ല​യം ന​ൽ​കി​യ സ​ന്ദേ​ശം.

ഇ​നി​യൊ​രു അ​റി​യി​പ്പു​ണ്ടാ​കു​ന്ന​തു​വ​രെ ല​ബ​നാ​നി​ലേ​ക്ക് യാ​ത്ര ന​ട​ത്ത​രു​തെ​ന്ന് ബൈ​റൂ​ത്തി​ലെ ഇ​ന്ത്യ​ൻ എം​ബ​സി ഇ​ന്ത്യ​ക്കാ​ർ​ക്ക് മു​ന്ന​റി​യി​പ്പ് ന​ൽ​കി​യ​തി​ന്റെ പി​റ്റേ​ന്നാ​ണ് ഇ​സ്രാ​യേ​ലി​ലും സ​മാ​ന നി​ർ​ദേ​ശം.

ഇ​സ്രാ​യേ​ലി​ലേ​ക്കു​ള്ള വി​മാ​ന സ​ർ​വി​സ് ആ​ഗ​സ്റ്റ് എ​ട്ടു​വ​രെ എ​യ​ർ ഇ​ന്ത്യ റ​ദ്ദാ​ക്കി​യി​ട്ടു​ണ്ട്. ത​ങ്ങ​ളു​ടെ വ്യോ​മ​പാ​ത തീ​ർ​ത്തും സു​ര​ക്ഷി​ത​മാ​ണെ​ന്ന് ഇ​സ്രാ​​യേ​ൽ അ​വ​കാ​ശ​പ്പെ​ട്ടു​കൊ​ണ്ടി​രി​ക്കേ എ​യ​ർ ഇ​ന്ത്യ കൂ​ടാ​തെ പ​ത്തോ​ളം അ​ന്ത​ർ​ദേ​ശീ​യ ക​മ്പ​നി​ക​ളും വി​മാ​ന​ങ്ങ​ൾ റ​ദ്ദാ​ക്കി.

അതേസമയം, ഇസ്രയേൽ-ഹിസ്ബുള്ള സംഘർഷത്തിന്റെ പശ്ചാത്തലത്തിൽ പൗരന്മാരോട് ലെബനൻ വിടാൻ യുഎസും യുകെയും നിർദേശിച്ചു. ടിക്കറ്റ് ലഭ്യമാകുന്ന മുറയ്ക്ക് ലെബനൻ വിടാനാണ് നിർദേശം. ചില വിമാനക്കമ്പനികൾ സർവീസുകൾ റദ്ദാക്കിയിട്ടുണ്ടെങ്കിലും വിമാനങ്ങൾ ഇപ്പോഴും ലഭ്യമാണെന്നും പൗരന്മാർ ലഭ്യമായ ഏത് വിമാനവും ബുക്ക് ചെയ്യണമെന്നും ലെബനനിലെ യുഎസ് എംബസി അറിയിച്ചു.

ജൂലായ് 31-നായിരുന്നു ഹമാസിന്റെ രാഷ്ട്രീയകാര്യമേധാവി ഇസ്മയിൽ ഹനിയെ ഇറാന്റെ തലസ്ഥാനമായ ടെഹ്റാനിൽ കൊല്ലപ്പെട്ടത്. ലെബനീസ് സായുധസംഘടനയായ ഹിസ്ബുള്ളയുടെ ഉന്നത കമാൻഡർ ഫുആദ് ഷുക്കൂറിനെ ഇസ്രയേൽ വധിച്ച് 24 മണിക്കൂറിനകമായിരുന്നു ഹനിയെയുടെ കൊലപാതകം.