അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മുഖത്ത് കൊഴുപ്പ് അടിഞ്ഞുകൂടുന്നത് മൂലം മുഖത്തിന്റെ വണ്ണം കൂടുന്നു. കൂടാതെ ഇത് കാരണം കഴുത്ത് ഭാഗം വലുതായി കാണപ്പെടുകയും ചെയ്യുന്നു. ശരീരത്തിലെ വണ്ണം കുറയുന്നതിനേക്കാള്‍ ബുദ്ധിമുട്ടാണ് മുഖത്തെ വണ്ണം കുറയുന്നത്. എന്നാല്‍, ഇത് കുറയ്ക്കുന്നതിനായി നിരവധി ലളിതമായ വഴികളുണ്ട്. ചില ഭക്ഷണ പദാര്‍ത്ഥങ്ങള്‍ ഒഴിവാക്കിയാല്‍ തന്നെ മുഖത്തെ വീര്‍പ്പ് കുറയ്ക്കാനാകും.
മുഖത്തിന്റെ വണ്ണം കുറയ്ക്കുന്നതിന് ഒഴുവാക്കേണ്ട ഭക്ഷണ പദാര്‍ത്ഥങ്ങള്‍;
സോയാ സോസ്
സോയ സോസില്‍ സോഡിയം കൂടുതലാണ്, ഉയര്‍ന്ന ഉപ്പ് ഉപഭോഗം മുഖത്ത് വീക്കം വര്‍ദ്ധിപ്പിക്കും. ഉപ്പ് അമിതമായി കഴിക്കുന്നത് നമ്മുടെ ശരീരത്തിന് വീര്‍പ്പുമുട്ടല്‍ ഉണ്ടാക്കുന്നു. സോയ സോസില്‍ കലോറി കുറവാണെങ്കിലും, ഇത് ഒഴിവാക്കണം, കാരണം ഇത് നിങ്ങളുടെ മുഖം വീര്‍ക്കുന്നതാക്കുകയും രക്തസമ്മര്‍ദ്ദത്തിന്റെ അപകടസാധ്യത വര്‍ദ്ധിപ്പിക്കുകയും ചെയ്യും.
മദ്യം
മദ്യപാനം കുറയ്ക്കുക. കാരണം ഇത് ശരീരഭാരം വര്‍ദ്ധിപ്പിക്കുന്നതിനും മുഖം വീര്‍ക്കുന്നതിനുമുള്ള ഏറ്റവും വലിയ കാരണങ്ങളിലൊന്നാണ്. മദ്യത്തില്‍ ധാരാളം കലോറികള്‍ അടങ്ങിയിട്ടുണ്ട്, ഇത് നിങ്ങളുടെ ഭാരം വര്‍ദ്ധിപ്പിക്കും, പ്രത്യേകിച്ച് മുഖത്തിന് ചുറ്റും.
ജങ്ക് ഫുഡ്
ജങ്ക് ഫുഡില്‍ ധാരാളം സോഡിയം അടങ്ങിയിട്ടുണ്ട്. ഇത് മുഖവും ശരീരത്തിലെ കൊഴുപ്പും വര്‍ദ്ധിപ്പിക്കുന്നു. അതുകൊണ്ടുതന്നെ മുഖത്തെ കൊഴുപ്പ് തടയാന്‍ ജങ്ക് ഫുഡ് കഴിക്കുന്നത് ഒഴിവാക്കണം.
ബ്രെഡ്
നമ്മളില്‍ പലരും ബ്രെഡ് ടോസ്റ്റുകളെയും സാന്‍ഡ്വിച്ചുകളെയും ദൈനംദിന പ്രഭാതഭക്ഷണത്തിനും ബ്രഞ്ചുകള്‍ക്കുമായി ആശ്രയിക്കുന്നു. ബ്രെഡ് കഴിക്കുന്നത് പരമാവധി ഒഴിവാക്കണം. ബ്രെഡുകളില്‍ കാര്‍ബോഹൈഡ്രേറ്റ് അടങ്ങിയിട്ടുണ്ട്, ഇത് നിങ്ങളുടെ മുഖത്തെ കൊഴുപ്പ് വര്‍ദ്ധിപ്പിക്കുന്നു.
ശുദ്ധീകരിച്ച ഉല്‍പ്പന്നങ്ങള്‍
ശുദ്ധീകരിച്ച ഉല്‍പ്പന്നങ്ങള്‍ കഴിക്കുന്നത് നിങ്ങള്‍ക്ക് ദോഷകരമാണ്. ശുദ്ധീകരിച്ച പഞ്ചസാരയോ ശുദ്ധീകരിച്ച എണ്ണയോ ആകട്ടെ, അത് നിങ്ങളുടെ ആരോഗ്യത്തിന് ഹാനികരമാണ്. ഈ ഉല്‍പ്പന്നങ്ങള്‍ നിങ്ങളുടെ മുഖത്തെ വീക്കത്തിന് കാരണമാകും.
റെഡ് മീറ്റ്
റെഡ് മീറ്റ് നിങ്ങളുടെ മുഖത്തിന് വളരെയധികം വീര്‍പ്പ് നല്‍കും. ഇത് ധാരാളം കലോറികള്‍ നിറഞ്ഞതാണ്. മുഖത്തെ കൊഴുപ്പ് കുറയ്ക്കാന്‍ നിങ്ങള്‍ ആഗ്രഹിക്കുന്നുവെങ്കില്‍, കഴിയുന്നതും റെഡ് മീറ്റ് കഴിക്കുന്നത് ഒഴിവാക്കുക.
മുഖത്തെ കൊഴുപ്പ് കുറയ്ക്കാന്‍ മറ്റ് ഫലപ്രദമായ ടിപ്പുകള്‍
- കൂടുതല്‍ വെള്ളം കുടിക്കുക
- നല്ല ഉറക്കം
- നാരുകള്‍ അടങ്ങിയ ഭക്ഷണങ്ങള്‍ കഴിക്കുക
