അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ജമുനാപ്യാരി എന്ന എന്ന ചിത്രത്തിലൂടെ മലയാള സിനിമയിലേക്ക് കടന്നു വന്ന നടിയാണ് ഗായത്രി സുരേഷ്. വളരെ പെട്ടെന്ന് നിരവധി ആരാധകരെ സ്വന്തമാക്കാൻ താരത്തിന് സാധിച്ചിരുന്നു. എന്നാൽ നടൻ പ്രണവ് മോഹൻലാലിനെ ഇഷ്ടമാണ് എന്ന് താരം പറഞ്ഞതോടെ നിരവധി ട്രോളുകൾ താരത്തിനെതിരെ വന്നു. ഈ ഒരു കാര്യത്തിൽ നിരവധി ആളുകൾ ആയിരുന്നു താരത്തെ വിമർശിച്ച് എത്തിയത്. തുടർന്ന് അങ്ങോട്ട് സിനിമയിൽ താരത്തിന് അവസരങ്ങൾക്ക് കുറഞ്ഞു വരുന്ന കാഴ്ചയാണ് കാണാൻ സാധിച്ചത്.
എന്നാൽ ഇത്തരം വിമർശനങ്ങൾ ഒന്നും തന്നെ തന്നെ തളർത്തുന്നില്ല എന്നായിരുന്നു താരം അറിയിച്ചത്.. ഇപ്പോഴിതാ ഒരു അഭിമുഖത്തിൽ താരം ഇക്കാര്യത്തെക്കുറിച്ച് പറയുന്നതാണ് ശ്രദ്ധ നേടുന്നത്. വിമർശനങ്ങൾ വരുമ്പോഴോ അല്ലെങ്കിൽ ഓഡിഷനുകളിൽ അവസരം ലഭിക്കാതിരിക്കുകയോ ചെയ്യുമ്പോൾ എന്തെങ്കിലും തോന്നിയിട്ടുണ്ടോ എന്നാണ് താരത്തിനോട് അവതാരകൻ ചോദിച്ചത്..ഇതിന് താരം മറുപടി നൽകുകയും ചെയ്തിട്ടുണ്ട്.
”എന്തുകൊണ്ടോ ജീവിതത്തിൽ അത്തരത്തിലുള്ള അവസരങ്ങൾ വരുമ്പോൾ എനിക്ക് വിഷമം തോന്നിയിട്ടില്ല. വലിയൊരു കോൺഫിഡൻസ് തോന്നുകയും ചെയ്തിട്ടുണ്ട്. സിനിമ തന്നെ വേണമെന്നൊന്നും വിചാരിച്ചിട്ടില്ല ഇതല്ലെങ്കിൽ മറ്റൊന്ന് എന്നാണ് കരുതിയിട്ടുള്ളത്. അതുകൊണ്ട് അവസരങ്ങൾ നഷ്ടപ്പെടുമ്പോഴും ഓഡിഷനുകൾ ലഭിക്കാതിരിക്കുമ്പോഴും യാതൊരു വിഷമവും തോന്നിയിട്ടില്ല അതു തന്റെ കോൺഫിഡൻസ് ലെവൽ ഉയർത്തുകയാണ് ചെയ്തിട്ടുള്ളത്.
വിമർശനങ്ങളെയും ട്രോളുകളെയും എങ്ങനെയാണ് വിലയിരുത്തുന്നത് എന്നതിനും താരം മറുപടി നൽകുന്നുണ്ട്. അത്തരത്തിൽ ട്രോളുകളും വിമർശനങ്ങളും വരുമ്പോൾ ഞാനത് നല്ല രീതിയിലാണ് ചിന്തിക്കാറുള്ളത് ഞാൻ വലിയ ആളാണെന്ന് അല്ല പറയുന്നത്, പക്ഷേ വലിയ വലിയ ആളുകൾക്ക് മാത്രമാണ് ഇത്തരത്തിൽ ട്രോളുകൾ ഒക്കെ വരാറുള്ളത്. മോഹൻലാൽ ആലിയ ഭട്ട് അങ്ങനെ.. ഇവരൊക്കെ എക്സ്ട്രാ ഓർഡിനറി ആയതുകൊണ്ടാണ് ഇവരെ ട്രോൾ ചെയ്യുന്നത്. അതുകൊണ്ട് അത്തരം ട്രോളുകളിൽ ഒന്നും തനിക്ക് വിഷമം തോന്നാറില്ല. സാധാരണ ഒരു മനുഷ്യനെ ആരും ട്രോള് ചെയ്യാൻ വരില്ല ഇവരൊക്കെ എക്സ്ട്രാ ഓർഡിനറി ആയതുകൊണ്ടാണ് ഇങ്ങനെ ട്രോള് ചെയ്യുന്നത്. സാധാരണക്കാരിൽ നിന്നും അവർ വ്യത്യസ്തരാണ്. അതുകൊണ്ടാണ് അവർക്ക് ട്രോളുകൾ വരുന്നത്. അതുകൊണ്ടുതന്നെ ട്രോളുകൾ വരുന്നതിൽ തനിക്ക് വിഷമമൊന്നുമില്ല ” എന്നും ഗായത്രി സുരേഷ് പറയുന്നു.
