യു.എ.ഇയിൽ കൃ​ഷി ശ​ക്തി​പ്പെ​ടു​ത്താ​ൻ പ​ദ്ധ​തി​യു​മാ​യി മ​ന്ത്രാ​ല​യം | gulf-news/uae/ministry-plans-to-strengthen-agriculture-in-uae

കാ​ർ​ഷി​ക മേ​ഖ​ല​യെ ശ​ക്തി​പ്പെ​ടു​ത്തി രാ​ജ്യ​ത്തെ ഭ​ക്ഷ്യ​സു​ര​ക്ഷ​ ഉ​റ​പ്പു​വ​രു​ത്താ​ൻ പ​ദ്ധ​തി​യു​മാ​യി കാ​ലാ​വ​സ്ഥ വ്യ​തി​യാ​ന, പ​രി​സ്ഥി​തി മ​ന്ത്രാ​ല​യം.
ഇ​തി​നാ​യി കാ​ർ​ഷി​ക വി​ക​സ​ന ഏ​ജ​ന്‍റു​മാ​രു​ടെ​യും കൃ​ഷി​ക്ക്​ മാ​ർ​ഗ​നി​ർ​ദേ​ശം ന​ൽ​കു​ന്ന ജീ​വ​ന​ക്കാ​രു​ടെ​യും കാ​ര്യ​ക്ഷ​മ​ത വ​ർ​ധി​പ്പി​ക്കു​ന്ന പ​ദ്ധ​തി​യാ​ണ്​ മ​ന്ത്രാ​ല​യം രൂ​പ​പ്പെ​ടു​ത്തി​യി​രി​ക്കു​ന്ന​ത്.

ജീ​വ​ന​ക്കാ​രു​ടെ പ്ര​ഫ​ഷ​ന​ൽ ക​ഴി​വു​ക​ൾ വി​ക​സി​പ്പി​ക്കു​ന്ന​തി​നു പു​റ​മേ, ആ​ശ​യ​വി​നി​മ​യ ക​ഴി​വു​ക​ൾ മെ​ച്ച​പ്പെ​ടു​ത്തു​ന്ന​തി​നും ഉ​ൽ​പാ​ദ​നം വ​ർ​ധി​പ്പി​ക്കു​ന്ന​തി​ന് ആ​ധു​നി​ക കാ​ർ​ഷി​ക സാ​ങ്കേ​തി​ക​വി​ദ്യ​ക​ൾ പ​രി​ച​യ​പ്പെ​ടു​ത്തു​ന്ന​തി​ന്​ പ്രാ​പ്ത​രാ​ക്കു​ന്ന​തി​നും പ​ദ്ധ​തി ല​ക്ഷ്യ​മി​ടു​ന്നു​ണ്ട്. ഇ​തി​ന്റെ ഭാ​ഗ​മാ​യി മ​ണ്ണ്, ജ​ല​സേ​ച​നം, വി​ള, പ​ച്ച​ക്ക​റി ഉ​ൽ​പാ​ദ​നം, പ​ഴ​വ​ർ​ഗ​ങ്ങ​ളു​ടെ ഉ​ൽ​പാ​ദ​നം, കീ​ട​നി​യ​ന്ത്ര​ണം, തേ​നീ​ച്ച വ​ള​ർ​ത്ത​ൽ, തേ​ൻ ഉ​ൽ​പാ​ദ​നം എ​ന്നി​വ​യെ​ക്കു​റി​ച്ചു​ള്ള പ്ര​ത്യേ​ക പ​രി​ശീ​ല​ന കോ​ഴ്‌​സു​ക​ൾ ഈ ​പ​ദ്ധ​തി​യി​ൽ ഉ​ൾ​പ്പെ​ടും.

കാ​ർ​ഷി​ക വി​ക​സ​ന ഏ​ജ​ൻ​റു​മാ​രു​ടെ സാ​ങ്കേ​തി​ക വൈ​ദ​ഗ്ധ്യ​വും ക​ഴി​വു​ക​ളും വ​ർ​ധി​പ്പി​ക്കു​ന്ന​തി​നു​ള്ള പ്ര​ഭാ​ഷ​ണ​ങ്ങ​ളും ശി​ൽ​പ​ശാ​ല​ക​ളും ന​ട​പ്പാ​ക്കും. കൂ​ടാ​തെ, കാ​ർ​ഷി​ക ത​ത്ത്വ​ങ്ങ​ൾ പ്ര​യോ​ഗ​ത്തി​ൽ കൊ​ണ്ടു​വ​രു​ന്ന​തി​നും ആ​ശ​യ​വി​നി​മ​യ ക​ഴി​വു​ക​ൾ വി​ക​സി​പ്പി​ക്കു​ന്ന​തി​നും ഫീ​ൽ​ഡ് കോ​ഴ്‌​സു​ക​ളും പ്രോ​ഗ്രാ​മി​ൽ ഉ​ൾ​പ്പെ​ടു​ത്തും.