അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.പാരിസ്: തുടർച്ചയായ രണ്ടാം ഒളിംപിക്സിലും സ്വർണ്ണം നേടി ഡെൻമാർക്ക്‌ സൂപ്പർ താരം വിക്ടർ ആക്സൽസെൻ. ഫൈനലിൽ തായ്‌ലാൻഡിന്റെ വിറ്റിസാർനെയെയാണ് ആക്സൽസെൻ തോൽപ്പിച്ചത്. 21-11,21-11 എന്നിങ്ങനെ ഏകപക്ഷീയമായ സെറ്റ് വിജയമാണ് താരം നേടിയത്.
ഈ ഒളിമ്പിക്സിൽ സെമിഫൈനലിൽ ലക്ഷ്യ സെൻ മാത്രമാണ് ആക്സൽസെന്നിനു അൽപ്പം എങ്കിലും വെല്ലുവിളി ഉയർത്തിയത്. 2016 റിയോ ഒളിമ്പിക്സിൽ വെങ്കലം നേടിയ ആക്സൽസെൻ ടോക്കിയോ ഒളിമ്പിക്സിലും പാരീസ് ഒളിമ്പിക്സിലും സ്വർണം നേടി ഇതിഹാസ പദവിയിലേക്ക് ആണ് ഉയരുന്നത്.
ഇന്നലെ നടന്ന സെമിഫൈനലിൽ ഇന്ത്യയുടെ ലക്ഷ്യ സെന്നിനെ പരാജയപ്പെടുത്തിയാണ് ആക്സൽസെൻ ഫൈനലിലേക്ക് മുന്നേറിയിരുന്നത്. അതേ സമയം പുരുഷ ബാഡ്മിന്റണ്‍ സിംഗിള്‍സ് വെങ്കല പോരാട്ടത്തിൽ ലക്ഷ്യ സെൻ മലേഷ്യയുടെ ലീ സി ജിയയോട് തോറ്റു. ഒന്നിനെതിരെ രണ്ട് സെറ്റുകൾക്കാണ് മലേഷ്യൻ താരം വെങ്കല മെഡൽ സ്വന്തമാക്കിയത്.
