അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ബിഗ് ബോസ് തമിഴിന്റെ അവതാരക സ്ഥാനത്തുനിന്ന് ഇടവേളയെടുത്ത് കമല്‍ ഹാസന്‍. സോഷ്യല്‍ മീഡിയയിലൂടെ പുറക്കിറക്കിയ കത്തിലൂടെയാണ് ആരാധകരെ കമല്‍ ഇക്കാര്യം അറിയിച്ചിരിക്കുന്നത്. എടുക്കുന്നത് താല്‍ക്കാലിക ഇടവേളയാണെന്നും പിന്മാറുന്നത് എട്ടാം സീസണില്‍ നിന്ന് ആണെന്നുമാണ് കുറിപ്പില്‍ പറയുന്നത്. 2017 മുതല്‍ ഈ വര്‍ഷം ജനുവരിയില്‍ അവസാനിച്ച ഏഴാം സീസണ്‍ വരെ ബിഗ് ബോസ് തമിഴ് പതിപ്പില്‍ കമല്‍ ഹാസന്‍ മാത്രമാണ് അവതാരകനായി എത്തിയിട്ടുള്ളത്.
‘ഏഴ് വര്‍ഷങ്ങള്‍ക്ക് മുന്‍പ് ആരംഭിച്ച നമ്മുടെ യാത്രയില്‍ നിന്ന് ഞാന്‍ ഒരു ചെറിയ ഇടവേള എടുക്കുന്ന കാര്യം ഹൃദയഭാരത്തോടെ നിങ്ങളെ അറിയിക്കുകയാണ്. സിനിമാ തിരക്കുകള്‍ കാരണം ബിഗ് ബോസ് തമിഴിന്റെ വരാനിരിക്കുന്ന സീസണില്‍ അവതാരകനായി എത്താന്‍ എനിക്ക് സാധിക്കില്ല. ബിഗ് ബോസ് അവതാരകനെന്ന നിലയില്‍ എനിക്ക് ലഭിച്ച സ്‌നേഹത്തിന് പ്രേക്ഷകര്‍ക്ക് നന്ദി. ബിഗ് ബോസ് എനിക്ക് വലിയ പഠനാവസരമായിരുന്നു’, കമല്‍ ഹാസന്‍ കുറിച്ചു
അതേസമയം ഈ സ്ഥാനത്തേക്ക് തമിഴ് സിനിമയില്‍ നിന്ന് ആര് എത്തുമെന്ന് അറിയാനുള്ള കാത്തിരിപ്പിലാണ് ബിഗ് ബോസ് പ്രേമികള്‍. അഭിനേതാവ് എന്ന നിലയില്‍ വലിയ തിരക്കുകളിലാണ് കമല്‍ ഹാസന്‍. ഇന്ത്യന്‍ 2 ന് പിന്നാലെ ഇന്ത്യന്‍ 3, മണി രത്‌നം സംവിധാനം ചെയ്യുന്ന തഗ് ലൈഫ് എന്നീ ചിത്രങ്ങള്‍ അദ്ദേഹത്തിന്റേതായി പുറത്തിറങ്ങാനുണ്ട്.
STORY HIGHLIGHT: Kamal Haasan withdraws from Bigg Boss Tamil
