അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മുലയൂട്ടലിന്റെ ആവശ്യകതയും ഗുണങ്ങളും ബോധവൽക്കരിക്കാനും മുലയൂട്ടൽ പ്രോത്സാഹിപ്പിക്കുവാനുമായി ആഗസ്റ്റ് 1മുതൽ 7വരെ എല്ലാ വർഷവും ലോക മുലയൂട്ടൽ വാരം (World Breastfeeding Week) ആയി ആചരിച്ചു വരുന്നു.1991ൽ WHO മുലയൂട്ടലിന്റെ പ്രാധാന്യം കണക്കിലെടുത്ത്‌ ആവിഷ്കരിച്ച “Baby Friendly Hospital Initiative”ന്റെ തുടർച്ചയായി ആണ് ഇത് നടത്തി വരുന്നത്.”തൊഴിലിടങ്ങള്‍ മുലയൂട്ടല്‍ സൗഹൃദപരമാക്കുക” എന്നതാണ് ഈ വർഷത്തെ പ്രമേയം.
അമ്മയും കുഞ്ഞും തമ്മിൽ ഒരു പ്രത്യേക ബന്ധം സൃഷ്ടിക്കുന്ന മനോഹരമായ യാത്രയാണ് മുലയൂട്ടൽ. എന്നിരുന്നാലും, അതിന് അതിൻ്റേതായ വെല്ലുവിളികളും ആവശ്യങ്ങളും ഉണ്ടാകാം. ഈ യാത്ര സുഗമവും കൂടുതൽ ആസ്വാദ്യകരവുമാക്കാൻ നിങ്ങൾക്ക് ശരിയായ പിന്തുണയുണ്ടെന്ന് ഉറപ്പാക്കുക.
ആദ്യമായ് മുലയൂട്ടുന്ന അമ്മമാരിൽ ചിലർക്ക് തുടക്കത്തിൽ പ്രയാസങ്ങൾ അനുഭവപ്പെട്ടേക്കാം. ഇങ്ങനെ സംഭവിക്കുമ്പോൾ അവർ പലപ്പോഴും നിരാശരാകും. ആദ്യ ദിവസങ്ങളിൽ അവർക്ക് കടുത്ത വേദനയും ആർദ്രതയും അനുഭവപ്പെടാം,ഈ അസ്വസ്ഥത പിന്നീട് അപ്രത്യക്ഷമാകുകയും ചെയ്യും. ചിലരുടെ കാര്യത്തിൽ അമ്മയ്ക്ക്അ പ്രയാസങ്ങൾ ഇല്ലെങ്കിലും കുഞ്ഞിന് ശരിയായ വിധം നിപ്പിൾ വായിൽ വെയ്ക്കാൻ കഴിയാത്ത അവസ്ഥയുണ്ടായേക്കാം. എന്നാൽ രണ്ടോ മൂന്നോ ദിവസത്തിനുള്ളിൽ ഈ പ്രയാസം പരിഹരിക്കപ്പെടും.
മുലയൂട്ടുമ്പോൾ ശ്രദ്ധിക്കേണ്ട കാര്യങ്ങൾ
മ്മയുടെ ഭക്ഷണത്തിലെ പോഷകങ്ങൾ മുലപ്പാൽ വഴി നേരിട്ട് കുട്ടിയുടെ ശരീരത്തിലേക്ക് കൈമാറും. അതിനാൽ, കുഞ്ഞിന് ആരോഗ്യകരമായ പാൽ ഉറപ്പാക്കുന്നതിന് അമ്മ ഭക്ഷണക്രമത്തിൽ നന്നായി ശ്രദ്ധിക്കണം.മുലയൂട്ടൽ കാലയളവിലും ആരോഗ്യകരമായ ഭക്ഷണം കഴിക്കേണ്ടത് അത്യാവശ്യമാണ്. സമീകൃത ആഹാരത്തിൽ ആവശ്യമായ അളവിൽ പോഷകങ്ങൾ ഉപയോഗിക്കുന്നത് സ്ഥിരമായതും പോഷകസമൃദ്ധവുമായ മുലപ്പാൽ ഉദ്പാദിപ്പിക്കാൻ സഹായിക്കും. കൊഴുപ്പുള്ള മത്സ്യം, ഓട്സ്, വാൽനട്ട്, പ്രോട്ടീൻ അടങ്ങിയ ഭക്ഷണങ്ങൾ എന്നിവ പാലിന്റെ പോഷകഗുണം വർദ്ധിപ്പിക്കാൻ സഹായിക്കുന്നു.
പ്രസവ ശേഷം ഉറക്കക്കുറവും ക്രമരഹിതമായ ഭക്ഷണരീതികളുമാണ് സാധാരണയായി സ്ത്രീകളിൽ കണ്ടുവരുന്നത്‌. ഒരു കുഞ്ഞിന്, ശരാശരി 20-30 മിനിറ്റെങ്കിലും ഓരോ രണ്ട് മണിക്കൂറിലും ഭക്ഷണം നൽകേണ്ടതുണ്ട്. കുഞ്ഞിന് നന്നായി പാൽ കൊടുക്കുന്നുണ്ടെന്ന് ഉറപ്പുവരുത്തുന്നതും പ്രധാനമാണ്, കൂടാതെ മുലയൂട്ടൽ സമയത്ത് ഒരു സ്തനമെങ്കിലും വറ്റിയിട്ടുണ്ടോ എന്ന് പരിശോധിച്ചുകൊണ്ട് ഇത് ഉറപ്പാക്കാനാകും.
ആദ്യം മുലപ്പാലിൽ നിന്ന് പുറത്തുവരുന്ന പാലിനെ ‘ഫോർമിൽക്ക്’ എന്ന് വിളിക്കുന്നു, താരതമ്യേനെ ഇതിൽ പോഷകങ്ങൾ കുറവാണ്. ശേഷം കുഞ്ഞിന് ലഭിക്കുന്ന ‘ഹിൻഡ് മിൽക്ക്’ ആണ് ആരോഗ്യകരമായ എല്ലാ കൊഴുപ്പും പോഷകങ്ങളും കൊണ്ട് നിറഞ്ഞിരിക്കുന്നത്.
ഇടയ്ക്കിടെ കുഞ്ഞിന് മുലപ്പാൽ നൽകേണ്ടത് അനിവാര്യമാണ്. ഓരോ സെഷനും കുറഞ്ഞത് 10 മിനിറ്റ് സമയമെടുക്കും. പ്രയാസകരമായ രീതിയിൽ വശം തിരിഞ്ഞു കിടന്നോ ഇരുന്നോ മുലയൂട്ടുന്നത് തികച്ചും അനാരോഗ്യകരമാണ്. പ്രസവശേഷം ശാരീരിക വിഷമതകൾ അനുഭവിക്കുന്ന അമ്മമാർ ഇക്കാര്യത്തിൽ വളരെയധികം ശ്രദ്ധ പുലർത്തണം. ഇടയ്ക്കിടെ ഇടയ്ക്കിടെ കുഞ്ഞിന് ഭക്ഷണം നൽകേണ്ടിവരുന്നതിനാൽ അത് അമ്മയുടെ ശരീരത്തെയും ബാധിക്കും.
സ്വന്തമായി കുഞ്ഞിനെ ചേർത്തുപിടിച്ച് പാലൂട്ടാൻ കഴിയുന്നില്ലെങ്കിൽ തീർച്ചയായും വീട്ടിൽ ഒരാളുടെ സഹായം തേടണം. ചിലർക്ക് നെഞ്ചിൽ കഠിനമായ വേദന അനുഭവപ്പെടാം, ഇത് പാൽ നാളത്തിന്റെ തടസ്സം മൂലമുണ്ടാകുന്ന ‘മാസ്റ്റൈറ്റിസ്’ എന്ന അവസ്ഥയുടെ ലക്ഷണമാണ്. ചില അമ്മമാർക്ക് കുഞ്ഞിനെ കൈകളിൽ എടുത്തു മുലപ്പാൽ നൽകാൻ കഴിയില്ല. ഈ സമയങ്ങളിൽ മറ്റൊരാളെ ആശ്രയിക്കാം.
വിവരങ്ങൾ നൽകിയത് : Dr. Roshith j kumar, Neonatologist, Sk hospital
content highlight: breastfeeding
