അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.സോഷ്യല്‍ മീഡിയയില്‍ വൈറലാകുന്നതിന് വേണ്ടി എന്ത് റിസ്‌കും ഏറ്റെടുക്കാന്‍ തയ്യാറാണ് ചിലര്‍. പാട്ടും ഡാന്‍സും അടികൂടലും കളിയാക്കലും ഒക്കെ ഇതില്‍പ്പെടുന്നു. ഓടുന്ന വാഹനത്തില്‍ അപകടകരമായ രീതിയില്‍ ഇരുന്നുകൊണ്ട് തല്ലു കൂടുന്നതും നൃത്തം ചെയ്യുന്നതും ആയുള്ള സാഹസികമായ വീഡിയോകള്‍ വരെ സോഷ്യല്‍ മീഡിയയില്‍ വൈറല്‍ ആകാറുണ്ട്. ഇപ്പോള്‍ ഇതാ അത്തരത്തിലുള്ള ഒരു വീഡിയോ ആണ് സോഷ്യല്‍ മീഡിയയില്‍ വലിയ വിമര്‍ശനങ്ങള്‍ക്ക് വഴി വെയ്ക്കുന്നത്.
View this post on Instagram
ഒരു ആഢംബര കാറിന്റെ എക്‌സ്‌ഹോസ്റ്റില്‍ നിന്നും ഒരാള്‍ സിഗരറ്റ് കത്തിക്കാന്‍ ശ്രമിക്കുന്ന ഒരു വീഡിയോ ആണ് ഇത്. ഇന്‍സ്റ്റഗ്രാമില്‍ ആണ് ഈ വീഡിയോ പോസ്റ്റ് ചെയ്തിരിക്കുന്നത്. ഒരു മഞ്ഞ പോര്‍ഷേയുടെ എക്‌സ്‌ഹോസ്റ്റിന് സമീപത്തു നിന്നുകൊണ്ട് ഒരാള്‍ സിഗരറ്റ് കത്തിക്കാന്‍ ശ്രമിക്കുന്നതാണ് വീഡിയോയില്‍ കാണാന്‍ സാധിക്കുന്നത്. കാറിന്റെ എന്‍ജിന്‍ ഓണാക്കുമ്പോള്‍ എക്‌സ്‌ഹോസ്റ്റ് പൈപ്പില്‍ നിന്നും ഒരു തീജ്വാല പുറത്തേക്ക് വരുന്നതും ഇതില്‍ നിന്ന് സിഗരറ്റിന് തീപിടിക്കുന്നതും കാണാം. എന്നാല്‍ തീ പിടിച്ചത് സിഗരറ്റിന് മാത്രമല്ല, ആ സിഗരറ്റ് പിടിച്ചുകൊണ്ട് നിന്ന വ്യക്തിയുടെ കൈകള്‍ക്കും പൊള്ളല്‍ ഏറ്റിട്ടുണ്ട്. ‘ഒരു സിഗരറ്റ് കത്തിക്കാനുള്ള ഏറ്റവും മികച്ച മാര്‍ഗം ഏതാണ്’ എന്ന അടിക്കുറിപ്പോടുകൂടിയാണ് വീഡിയോ സോഷ്യല്‍ മീഡിയയില്‍ പങ്കുവെച്ചിരിക്കുന്നത്.
ഇതിനോടകം തന്നെ വൈറലായ വീഡിയോ ഒരു മില്ല്യണില്‍ അധികം ആളുകള്‍ കണ്ടുകഴിഞ്ഞു. എന്നാല്‍ സമ്മിശ്ര പ്രതികരണങ്ങളാണ് വീഡിയോയ്ക്ക് ലഭിക്കുന്നത്. പ്രതികരണങ്ങളില്‍ ഏറെയും വിമര്‍ശനം തന്നെയാണ്. ‘മണ്ടത്തരങ്ങളാണ് ഇതൊക്കെ’ എന്ന് ഒരാള്‍ കുറിച്ചു. ‘സിഗരറ്റ് മാത്രമല്ല നിങ്ങളുടെ കൈ കത്തിക്കാനും ഇതൊരു മികച്ച മാര്‍ഗ്ഗമാണ്’ എന്ന് മറ്റൊരാള്‍ സോഷ്യല്‍ മീഡിയയില്‍ കമന്റ് ആയി രേഖപ്പെടുത്തി.
STORY HIGHLIGHTS: Man Tries To Light Cigarette With Porsche’s Exhaust
