അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.വ്യത്യസ്ഥ വേഷങ്ങളിലൂടെയും, ഭാവങ്ങളിലൂടെയും മെഗാ സ്റ്റാര്‍ മമ്മൂട്ടി പ്രേക്ഷകരെ വിസ്മയിപ്പിക്കുവാന്‍ എത്തുന്ന ചിത്രമായ ബസൂക്കയുടെ ഒഫീഷ്യല്‍ ടീസര്‍ പ്രകാശനം ചെയ്തിരിക്കുന്നു. സ്വാതന്ത്ര്യ ദിനമായ ആഗസ്റ്റ് പതിനഞ്ചിനാണ് ടീസര്‍ പ്രകാശനം നടത്തിയിരിക്കുന്നത്. നവാഗതനായ ഡിനോഡെന്നിസ് തിരക്കഥ രചിച്ച് സംവിധാനം ചെയ്യുന്ന ഈ ചിത്രം മലയാളത്തിലെ ആദ്യത്തെ ഗയിം ത്രില്ലര്‍ സിനിമയാണ്.
തീയേറ്റര്‍ ഓഫ് ഡ്രീംസ് ഇന്‍ അസ്സോസ്സിയേഷന്‍ വിത്ത് സരിഗമയുടെ ബാനറില്‍ പ്രശസ്ത തിരക്കഥാകൃത്ത് ജിനു.വി. ഏബ്രഹാം, ഡോള്‍വിന്‍ കുര്യാക്കോസ് എന്നിവരാണ് ഈ ചിത്രം നിര്‍മ്മിക്കുന്നത്. ബുദ്ധിയും, കൗശലവും കോര്‍ത്തിണക്കിയ മമ്മൂട്ടിയുടെ കഥാപാത്രം ഏറെ കൗതുകം നിറഞ്ഞതായിരിക്കും..പാന്‍ ഇന്‍ഡ്യന്‍ വിഭാഗത്തില്‍പ്പെടുത്താവുന്ന ഈ ചിത്രത്തിന്റെ ഓരോ ഘട്ടത്തിലും സസ്‌പെന്‍സും, ഉദ്വേഗവും നിലനിര്‍ത്തിക്കൊണ്ടാണ് അവതരണം.
വ്യത്യസ്ഥമായ പ്രമേയവുമായി വരുന്ന ഈ ചിത്രം പുതിയൊരു ദൃശ്യാനുഭവം തന്നെ സമ്മാനിക്കുമെന്നതില്‍ സംശയമില്ല. മമ്മൂട്ടിക്കു പുറമേ ഗൗതം വാസുദേവ മേനോന്‍ ഈ ചിത്രത്തില്‍ മറ്റൊരു മുഖ്യമായ കഥാപാത്രത്തെ അവതരിപ്പിക്കുന്നു. സിദ്ധാര്‍ത്ഭരതന്‍, ഷൈന്‍ ടോം ചാക്കോ,, ഡീന്‍ ഡെന്നിസ് സുമിത് നേവല്‍ (ബ്രിഗ് ബി ഫെയിം) ദിവ്യാപിള്ള ഐശ്യര്യാ മേനോന്‍, സ്ഫടികം ജോര്‍ജ്ജ് എന്നിവരും പ്രധാന വേഷങ്ങളിലെത്തുന്നു. ഇവര്‍ക്കൊപ്പം നിരവധി പുതുമുഖങ്ങളും ഈ ചിത്രത്തില്‍ അഭിനയിക്കുന്നുണ്ട്.
സംഗീതം – മിഥുന്‍ മുകുന്ദ്. ഛായാഗ്രഹണം.. നിമേഷ് രവി. എഡിറ്റിംഗ് – നൗഫല്‍ അബ്ദുള്ള. കലാസംവിധാനം – അനീസ് നാടോടി. മേക്കപ്പ്- ജിതേഷ് പൊയ്യ. കോസ്റ്റ്യും ഡിസൈന്‍-സമീരാ സനീഷ്. ചീഫ് അസ്സോസ്സിയേറ്റ് ഡയറക്ടര്‍ – സുജിത്. പ്രൊഡക്ഷന്‍ എക്‌സിക്കുട്ടീവ്‌സ് – ഷെറിന്‍ സ്റ്റാന്‍ലി,, പ്രതാപന്‍ കല്ലിയൂര്‍. പ്രൊഡക്ഷന്‍ കണ്‍ട്രോളര്‍ – സഞ്ജു ജെ. കൊച്ചി, പാലക്കാട്, കോയമ്പത്തൂര്‍, ബാംഗ്‌ളൂര്‍ എന്നിവിടങ്ങളിലായി ചിത്രീകരണം പൂര്‍ത്തിയായ ഈ ചിത്രം ഓണക്കാലത്ത് പ്രദര്‍ശനത്തിനെത്തുന്നു.
STORY HIGHLIGHTS: The official teaser of Bazooka
