ജാവ 42 ന്റെ പുതുക്കിയ മോഡല്‍ പഴയതിലും കുറഞ്ഞ വിലയില്‍ അവതരിപ്പിച്ച് കമ്പനി. പുതിയ ജാവ 42 ബൈക്ക് ഇപ്പോള്‍ നിലവിലെ മോഡലിനെക്കാള്‍ 17,000 രൂപ കുറഞ്ഞ വിലയില്‍ ലഭിക്കും. 1.73 ലക്ഷം മുതല്‍ 1.98 ലക്ഷം വരെയാണ് പുതിയ ജാവ 42 ന്റെ എക്സ് ഷോറൂം വില. ജാവയുടെ എഞ്ചിന്‍, എന്‍വിഎച്ച് ലെവല്‍, ഭാരം വിതരണം തുടങ്ങിയ കാര്യങ്ങളില്‍ വലിയ മാറ്റമാണ് കമ്പനി വരുത്തിയിരിക്കുന്നത്. 294.7 സിസി ലിക്വിഡ് കൂള്‍ഡ് എഞ്ചിനായിരിക്കും പുതിയ ജാവ 42 ന് കരുത്ത് പകരുക. മെച്ചപ്പെട്ട ക്രാങ്ഷാഫ്റ്റ് കോര്‍ഡിനേഷന്‍, മെച്ചപ്പെട്ട എന്‍വിഎച്ച് ലെവലുകള്‍ക്ക് ബ്ലോ-ബൈ കുറയ്ക്കല്‍ എന്നിവ പുതിയ തലമുറ എഞ്ചിന്‍ വാഗ്ദാനം ചെയ്യുന്നു.
ഡിസ്‌ക് ബ്രേക്കിനൊപ്പം സിംഗിള്‍, ഡ്യുവല്‍ ചാനല്‍ എബിഎസ് ഓപ്ഷനുകളും ഇതില്‍ ലഭ്യമാകും. 2024 ജാവ 42-ന്റെ ഇരട്ട എക്സ്ഹോസ്റ്റ് പൈപ്പുകളുടെ രൂപകല്‍പ്പനയിലും മാറ്റങ്ങള്‍ വരുത്തിയിട്ടുണ്ട്. ഗ്രൗണ്ട് ക്ലിയറന്‍സും വര്‍ദ്ധിപ്പിച്ചിട്ടുണ്ട്. പുതിയ നിറത്തിലും പുതുക്കിയ ഡിസൈനിലും പുതിയ ജാവ ബൈക്ക് കമ്പനി അവതരിപ്പിച്ചിട്ടുണ്ട്. 2024 പതിപ്പിനൊപ്പം അവതരിപ്പിച്ച ആറ് പുതിയ നിറങ്ങള്‍ ഉള്‍പ്പെടെ മൊത്തം 14 ഓപ്ഷനുകളില്‍ പുതിയ ജാവ 42 ഇപ്പോള്‍ ലഭ്യമാകും.
പൂര്‍ണ്ണമായി ഡിജിറ്റല്‍ എല്‍സിഡി ഡിസ്‌പ്ലേ കൂടാതെ, പുതിയ ജാവ 42 ന് 18 ഇഞ്ച് ഫ്രണ്ട്, 17 ഇഞ്ച് അലോയ് വീലുകള്‍ എന്നിവ പിന്നില്‍ ഉണ്ട്. പവര്‍ ട്രാന്‍സ്മിഷനായി പുതിയ ജാവ 42 ന് 6 സ്പീഡ് ഗിയര്ബോക്സ് സംവിധാനമുണ്ട്. ഇതിന് അസിസ്റ്റ് ആന്‍ഡ് സ്ലിപ്പര്‍ ക്ലച്ച് ലഭിക്കും, ഇത് ക്ലച്ചിന്റെ പ്രയത്‌നം 50 ശതമാനം കുറയ്ക്കുന്നു. പുതിയ ഗിയര്ബോക്സ് ഗിയര്‍ മാറ്റുന്നത് എളുപ്പമാക്കും.
STORY HIGHLIGHTS: Jawa 42 new features