ലോക്‌സഭ പ്രതിപക്ഷ നേതാവ് രാഹുല്‍ ഗാന്ധിക്ക് മുന്നില്‍ ശിവസേന യുബിടി നേതാവ് ഉദ്ധവ് താക്കറെ കുമ്പിട്ട് നില്‍ക്കുന്ന ചിത്രം സോഷ്യല്‍ മീഡിയയില്‍ വൈറലാണ്. ഇന്ത്യ മുന്നണിയുടെ ഭാഗമായ രണ്ടു വ്യത്യസ്ത പാര്‍ട്ടികളുടെ നേതാക്കള്‍ ഇത്തരത്തില്‍ പ്രവര്‍ത്തി ചെയ്യുമോയെന്ന് സോഷ്യല്‍ മീഡിയയില്‍ ഉയര്‍ന്ന ചോദ്യം. എക്സ്, ഫേസ്ബുക്ക് തുടങ്ങിയ സോഷ്യല്‍ പ്ലാറ്റ്ഫോമുകളിലും ചിത്രം വൈറലായിരിക്കുകയാണ്.
എന്നാല്‍, വൈറലായ ചിത്രത്തെക്കുറിച്ച് നിരവധി സംശയം പ്രകടിപ്പിക്കുകയും ചെയ്തിരുന്നു. എന്താണ് ഈ ചിത്രവുമായി ബന്ധപ്പെട്ട സത്യാവസ്ഥ. കെ.ആർ. ദിലീപ് സിംഗ് പിണ്ടാരൻ എന്ന എക്സ് അക്കൌണ്ടിൽ ഉൾപ്പടെ വൈറൽ ചിത്രം പോസ്റ്റ് ചെയ്തിരുന്നു.
ഗൂഗിള്‍ റിവേഴ്‌സ് ഇമേജില്‍ സെര്‍ച്ച് ചെയ്തപ്പോള്‍ 2024 ഓഗസ്റ്റ് 8-ന് അഹമ്മദാബാദ് മിറര്‍ വെബ്സൈറ്റില്‍ പ്രസിദ്ധീകരിച്ച റിപ്പോര്‍ട്ടില്‍ വൈറലായ ചിത്രത്തിന് സമാനമായ ഒരു ചിത്രം ഞങ്ങള്‍ കണ്ടെത്തി. ആ ചിത്രത്തില്‍, ഉദ്ധവ് താക്കറെ രാഹുലിനൊപ്പം നില്‍ക്കുന്നതായി കാണാം. എന്നാല്‍ രാഹുല്‍ ഗാന്ധിയുടെ കാലുകളില്‍ കുമ്പിടുന്ന ചിത്രം വ്യത്യസ്തമാണെന്ന് കണ്ടെത്തി.
ഒക്ടോബറില്‍ നടക്കാന്‍ സാധ്യതയുള്ള മഹാരാഷ്ട്ര നിയമസഭാ തെരഞ്ഞെടുപ്പില്‍ മുഖ്യമന്ത്രി സ്ഥാനാര്‍ത്ഥിയാകാന്‍ താന്‍ തയ്യാറാണെന്ന് ശിവസേന-യുബിടി മേധാവി ഉദ്ധവ് താക്കറെ കഴിഞ്ഞ ബുധനാഴ്ച സൂചന നല്‍കിയിരുന്നു. കോണ്‍ഗ്രസ് അധ്യക്ഷന്‍ മല്ലികാര്‍ജുന്‍ ഖാര്‍ഗെ, ലോക്സഭയിലെ പ്രതിപക്ഷ നേതാവ് രാഹുല്‍ ഗാന്ധി, എഐസിസി ജനറല്‍ സെക്രട്ടറി കെസി വേണുഗോപാല്‍, മറ്റ് ഇന്ത്യ മുന്നണി പ്രതിനിധികള്‍ എന്നിവരുമായി കൂടിക്കാഴ്ച നടത്തിയ ദിവസമായിരുന്നു താക്കറെയുടെ പരാമര്‍ശം. താക്കറെയ്ക്കൊപ്പം മകന്‍ ആദിത്യയും രാജ്യസഭാംഗം സഞ്ജയ് റാവുത്തും ഉണ്ടായിരുന്നു. ”മഹാരാഷ്ട്രയിലെ കര്‍ഷകരും യുവാക്കളും ബിജെപിയുടെ നേതൃത്വത്തിലുള്ള അവസരവാദ സഖ്യത്തില്‍ മടുത്തിരിക്കുകയാണ്. മഹാരാഷ്ട്രയിലെ 13 കോടി ജനങ്ങളും മാറ്റത്തിലേക്കാണ് ഉറ്റുനോക്കുന്നത്,” യോഗത്തിന് ശേഷം ഖാര്‍ഗെ പറഞ്ഞു. മഹാരാഷ്ട്രയില്‍ വരാനിരിക്കുന്ന നിയമസഭാ തിരഞ്ഞെടുപ്പിന്റെ പശ്ചാത്തലത്തിലാണ് താക്കറെയുമായി കൂടിക്കാഴ്ച നടത്തിയതെന്ന് രാഹുല്‍ ഗാന്ധി പറഞ്ഞു. ”ഞാന്‍ മികച്ച ജോലി ചെയ്തുവെന്ന് എന്റെ സഹപ്രവര്‍ത്തകര്‍ക്ക് (എംവിഎയില്‍) തോന്നുന്നുണ്ടെങ്കില്‍, എന്നെ മുഖ്യമന്ത്രിയാക്കണോ എന്ന് അവരോട് ചോദിക്കുക. ജനങ്ങള്‍ തീരുമാനിക്കും,” കോണ്‍ഗ്രസ് നേതൃത്വത്തെ കാണുന്നതിന് മുമ്പ് താക്കറെ മാധ്യമപ്രവര്‍ത്തകരോട് പറഞ്ഞിരുന്നു.
ഇതേ ചിത്രം ഇന്ത്യന്‍ നാഷണല്‍ കോണ്‍ഗ്രസിന്റെ ഔദ്യോഗിക വെബ്സൈറ്റില്‍ മറ്റ് ചിത്രങ്ങള്‍ക്കൊപ്പം ഒരു ചിത്രം കണ്ടെത്തി. ചിത്രങ്ങളുടെ വിവരണമനുസരിച്ച്, ശിവസേന യുബിടി ചെയര്‍മാന്‍ ഉദ്ധവ് താക്കറെയും ആദിത്യ താക്കറെയും കോണ്‍ഗ്രസ് അധ്യക്ഷന്‍ മല്ലികാര്‍ജുന്‍ ഖാര്‍ഗെയെയും പ്രതിപക്ഷ നേതാവ് (എല്‍എസ്) രാഹുല്‍ ഗാന്ധിയെയും കണ്ടു. ഈ ചിത്രങ്ങളില്‍, ഉദ്ധവ് താക്കറെ മറ്റൊരു നിറത്തിലുള്ള കുര്‍ത്ത ധരിച്ചിരുന്നു, വൈറലായ ചിത്രത്തില്‍, അദ്ദേഹത്തിന്റെ കുര്‍ത്തയുടെ നിറം വ്യത്യസ്തമായിരുന്നു.
മുന്നോട്ട് നീങ്ങുമ്പോള്‍, വൈറല്‍ ചിത്രം എഡിറ്റ് ചെയ്തതാണെന്ന് ശിവസേന യുബിടിയുടെ ഔദ്യോഗിക എക്സ് ഹാന്‍ഡില്‍ നിന്ന് ഒരു ട്വീറ്റ് ഞങ്ങള്‍ കണ്ടെത്തി. കൂടാതെ, ടൈംസ് ഓഫ് ഇന്ത്യയുടെ ഫേസ്ബുക്ക് പേജില്‍ , രാഹുല്‍ ഗാന്ധിയുടെ മുമ്പിലല്ല, മറിച്ച് ഡല്‍ഹി മുഖ്യമന്ത്രി അരവിന്ദ് കെജ്രിവാളിന്റെ മാതാപിതാക്കളെ കാണുന്നതിനിടയില്‍ ഉദ്ധവ് താക്കറെ കൂപ്പുകൈകളോടെ വണങ്ങുന്ന ചിത്രം ഞങ്ങള്‍ കണ്ടെത്തി.
ശിവസേന (യുബിടി) നേതാക്കളായ ഉദ്ധവ് താക്കറെ, ആദിത്യ താക്കറെ, സഞ്ജയ് റാവത്ത് എന്നിവര്‍ ഡല്‍ഹി മുഖ്യമന്ത്രി അരവിന്ദ് കെജ്രിവാളിന്റെ മാതാപിതാക്കളെയും മകളെയും ഭാര്യ സുനിത കെജ്രിവാളിനെയും കണ്ടതായി പോസ്റ്റില്‍ പറയുന്നു. എഎപി രാജ്യസഭാ എംപിമാരായ സഞ്ജയ് സിംഗ്, രാഘവ് ഛദ്ദ എന്നിവരും പങ്കെടുത്തു. 2024 ഓഗസ്റ്റ് 8-ന് അപ്ലോഡ് ചെയ്ത അതേ ചിത്രങ്ങള്‍ NDTV-യുടെ എക്സ് അക്കൗണ്ടില്‍ ഞങ്ങള്‍ കണ്ടെത്തി. വൈറലായ ചിത്രവും യഥാര്‍ത്ഥ ചിത്രവും തമ്മിലുള്ള താരതമ്യം താഴെ കാണാം.
ഇതോടെ വൈറലായ ചിത്രം എഡിറ്റ് ചെയ്തതാണെന്നാണ് ഇത് വ്യക്തമാക്കുന്നത്. രാഹുല്‍ ഗാന്ധിക്ക് മുന്നില്‍ ഉദ്ധവ് താക്കറെ കൂപ്പുകൈകളോടെ കുമ്പിടുന്നത് പോലെ രണ്ട് വ്യത്യസ്ത ചിത്രങ്ങള്‍ ചേര്‍ത്താണ് വൈറലായ ചിത്രം എഡിറ്റ് ചെയ്തത്.