ജ​മ്മു കാ​ഷ്മീ​രി​ൽ ഭീ​ക​രാ​ക്ര​മ​ണം; സി​ആ​ർ​പി​എ​ഫ് ഇ​ന്‍​സ്‌​പെ​ക്ട​ര്‍​ക്ക് വീ​ര​മൃ​ത്യു

ശ്രീ​ന​ഗ​ര്‍: ജ​മ്മു കാ​ഷ്മീ​രി​ലു​ണ്ടാ​യ ഭീ​ക​രാ​ക്ര​മ​ണ​ത്തി​ൽ സി​ആ​ർ​പി​എ​ഫ് ഇ​ന്‍​സ്‌​പെ​ക്ട​ര്‍ വീ​ര​മൃ​ത്യു​വ​രി​ച്ചു. പ​ട്രോ​ളിം​ഗ് ന​ട​ത്തു​വാ​യി​രു​ന്ന സം​ഘ​ത്തി​നു നേ​രെ​യു​ണ്ടാ​യ ആ​ക്ര​മ​ണ​ത്തി​ൽ 187-ാം ബ​റ്റാ​ലി​യ​നി​ലെ ഇ​ൻ​സ്പെ​ക്ട​റാ​യ കു​ൽ​ദീ​പ് സിം​ഗാ​ണ് വീ​ര​മൃ​ത്യു​വ​രി​ച്ച​ത്.

ഉധംപൂരിൽ ജില്ലയിലെ ദുദു ഗ്രാമത്തിലാണ് ഏറ്റുമുട്ടൽ നടക്കുന്നത്. ചീൽ, ദുദു എന്നിവിടങ്ങളിൽ സുരക്ഷാസേന നടത്തിയ പെട്രോളിങ്ങിനിടെയാണ് ഭീകരർ വെടിവെപ്പ് നടത്തിയത്. ഈ വെടിവെപ്പിലാണ് ജവാന് ഗുരുതര പരിക്കേറ്റത്.

ഉ​ധം​പൂ​രി​ലെ ഡു​ഡു ഏ​രി​യാ​യി​ലെ പോ​ലീ​സ് പോ​സ്റ്റി​ൽ നി​ന്ന് എ​ട്ട് കി​ലോ​മീ​റ്റ​ർ അ​ക​ലെ​യാ​ണ് സം​ഭ​വം. ആ​ക്ര​മ​ണ​ത്തെ തു​ട​ർ​ന്ന് പ്രദേശം വളഞ്ഞ് സി.ആർ.പി.എഫിന്‍റെയും ജമ്മു കശ്മീർ പൊലീസിന്‍റെയും സംയുക്ത പരിശോധന തുടരുകയാണ്.

ജമ്മുവിലെ കുന്നിൻപ്രദേശങ്ങളിലെ ഭീകരര പ്രവർത്തനങ്ങളെ പ്രതിരോധിക്കാൻ വേണ്ടിയാണ് ദുദുവിൽ പൊലീസ് പോസ്റ്റ് സ്ഥാപിച്ചത്. കഴിഞ്ഞ കുറേ മാസങ്ങളായി ജമ്മുവിൽ ഭീകരരുടെ പ്രവർത്തനങ്ങൾ വർധിച്ചു വരികയാണ്. കഴിഞ്ഞ ജൂലൈയിൽ ദോദ ജില്ലയിൽ ഭീകരർ നടത്തിയ വെടിവെപ്പിൽ ഓഫീസർ അടക്കം മൂന്ന് ജവാന്മാർ കൊല്ലപ്പെട്ടിരുന്നു.