അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കൂടരഞ്ഞി (കോഴിക്കോട്): സ്ഥിരം അപകടമേഖലയായ കക്കാടംപൊയിൽ റോഡിൽ വീണ്ടും അപകടമരണം. കക്കാടംപൊയിലിൽ നിന്നു മലയിറങ്ങി വന്ന കാർ ആനക്കല്ലുംപാറ ജംക്‌ഷനു സമീപം നിയന്ത്രണം വിട്ടു മറിഞ്ഞു കൊടുവള്ളി മുക്കിലങ്ങാടി കുന്നത്ത് പറമ്പ് ഷുക്കൂറിന്റെയും സലീനയുടെയും മകൾ ഫാത്തിമ മഖ്ബൂല (21) ആണു മരിച്ചത്. സഹോദരി: ശിഫ. തിങ്കളാഴ്ച വൈകിട്ടായിരുന്നു അപകടം. കാർ ഓടിച്ചിരുന്ന ഓമശ്ശേരി തറോൽ മുഹസിൻ (23) മഞ്ചേരി മെഡിക്കൽ കോളജ് ആശുപത്രിയിൽ ചികിത്സയിലാണ്. കലുങ്കിൽ ഇടിച്ചു തകർന്ന കാർ വെട്ടിപ്പൊളിച്ചാണ് അപകടത്തിൽപെട്ടവരെ പുറത്തെടുത്തത്. പരുക്കേറ്റവരെ അരീക്കോട് ആശുപത്രിയിൽ എത്തിച്ചെങ്കിലും യുവതിയെ രക്ഷിക്കാനായില്ല.
