അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ബണ്ണിനുള്ളില്‍ ഒളിപ്പിച്ച് കടത്തിക്കൊണ്ടുവന്ന മയക്കുമരുന്നുമായി രണ്ട് യുവാക്കള്‍ ചങ്ങനാശ്ശേരിയില്‍ പിടിയിലായി. ചങ്ങനാശ്ശേരി സ്വദേശികളായ രണ്ടു പേരാണ് 20 ഗ്രാം എം.ഡി.എം.എ.യുമായി പോലീസ് പിടികൂടിയത്. ചങ്ങനാശേരി പുഴവാത് സ്വദേശി അമ്പാടി ബിജു(24), ഹൗസിങ് ബോര്‍ഡ് കോളനി ടി.എസ്. അഖില്‍ (24) എന്നിവരാണ് പിടിയിലായത്. പ്രതികള്‍ ബെംഗളൂരുവില്‍നിന്ന് ബസില്‍ മയക്കുമരുന്ന് കടത്തിക്കൊണ്ടുവരുന്നതായി ജില്ലാ പോലീസ് മേധാവിയുടെ ലഹരിവിരുദ്ധ സ്‌ക്വാഡിന് രഹസ്യവിവരം ലഭിച്ചിരുന്നു. തുടര്‍ന്ന് ചങ്ങനാശ്ശേരി എന്‍.എസ്.എസ്. കോളേജിന് സമീപത്തുനിന്നാണ് ലഹരിവിരുദ്ധ സ്‌ക്വാഡും ചങ്ങനാശ്ശേരി പോലീസും പ്രതികളെ കസ്റ്റഡിയിലെടുത്തത്.
Content Highlights; Two youths were caught in Changanassery with smuggled drugs hidden inside buns.
