അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ചേർത്തല:ചൊവ്വാഴ്ച നറുക്കെടുത്ത കേരള ഭാഗ്യക്കുറി ലോട്ടറി ടിക്കറ്റ് സ്ത്രീശക്തിയുടെ ഒന്നാം സമ്മാനമായ 75 ലക്ഷം രൂപ തിരുനല്ലൂർ സ്വദേശിക്ക്. തിരുനല്ലൂർ കോപ്പറമ്പിൽ ടി എം രാജേഷിനെയാണ് ഇത്തവണ ഭാഗ്യം തേടിയെത്തിയത്. മാലിന്യംനീക്കുന്ന വാഹനത്തിൽ ജോലിചെയ്യുന്ന രാജേഷ് കുടുംബത്തോടൊപ്പം തകരഷീറ്റു മേഞ്ഞ വീട്ടിലാണു താമസം. പതിവായി ടിക്കറ്റ് എടുക്കാറുള്ള രാജേഷിന് ഇതിനു മുൻപ് 5,000 രൂപ വരെ സമ്മാനം ലഭിച്ചിട്ടുണ്ട്.
തിങ്കളാഴ്ച വൈകിട്ടോടെ ഏജൻസിയിൽ നിന്നും രാജേഷിനെ ഒന്നാം സമ്മാനം അടിച്ചതായി വിളിച്ച് പറഞ്ഞു. ഭാര്യ സജിനിയോട് 5000 രൂപ സമ്മാനം ലഭിച്ചിട്ടുണ്ടെന്നും അത് വാങ്ങാനയി പോകുന്നുവെന്ന് പറഞ്ഞാണ് ഏജൻസിയിൽ എത്തിയത്.അവിടെ എത്തിയതോടെയാണ് തനിയ്ക്കാണ് ഒന്നാം സമ്മാനം അടിച്ചിരിക്കുന്നതെന്ന വിവരം അറിയുന്നത്.അടിച്ച ടിക്കറ്റ് ബുധനാഴ്ച രാവിലെ തിരുനല്ലൂർ സഹകരണ ബാങ്കിൽ എത്തി പ്രസിഡന്റ് ഡി വി വിമൽ ദേവിനെ ഏൽപ്പിച്ചു.
ലോട്ടറി തുക വീടുവെക്കാനും മകളുടെ വിദ്യാഭ്യാസത്തിനും കൂടാതെ വീടില്ലാതെ കഴിയുന്ന സഹോദരന് ചെറിയൊരുവീട് നിർമിച്ച് നൽകണമെന്നാണ് ആഗ്രഹമെന്നാണെന്നും രാജേഷ് പറഞ്ഞു.
