അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ചെന്നൈ: മണ്ണിടിച്ചിൽ ഭീഷണി തുടരുന്നതിനാൽ മേട്ടുപാളയം- കൂനൂർ പർവ്വത ട്രെയിൻ സർവിസ് ആഗസ്റ്റ് 31 വരെ റദ്ദാക്കി. മോശമായ കാലാവസ്ഥ മൂലം ആഗസ്റ്റ് ഒൻപത് മുതൽ 25 വരെ ട്രെയിൻ സർവീസ് നേരത്തെ നിർത്തിലാക്കിയിരുന്നു.
റെയിൽവേ പാളത്തിന് സമീപം മണ്ണിടിച്ചിൽ അപകട ഭീഷണി തുടരുന്നതിനാലും റെയിൽവേ പാലങ്ങളിൽ അറ്റകുറ്റ പണികൾ നടക്കുന്നതിനാലുമാണ് സർവിസ് റദ്ദാക്കൽ നീട്ടിയത്.
കോയമ്പത്തൂരിനടുത്ത മേട്ടുപ്പാളയം മുതൽ ഊട്ടി (ഉദഗമണ്ഡലം റെയിൽവേ സ്റ്റേഷൻ) വരെയാണ് ഓട്ടം. 45.88 കിലോമീറ്റർ ദൂരമുള്ള ഈ യാത്ര പൂർത്തിയാക്കാൻ മൂന്നര മുതൽ നാലര മണിക്കൂർ വരെ സമയമെടുക്കും. വിനോദ സഞ്ചാരികളുടെ ഇഷ്ട യാത്രയായതിനാൽ ടിക്കറ്റുകൾ ലഭിക്കാൻ മാസങ്ങൾക്ക് മുൻപേ റിസർവ് ചെയ്യണം.
