അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ആവിശ്യമായ ചേരുവകൾ
1. ബസ്മതി അരി – 1 കപ്പ്
2. സൺഫ്ലവർ ഓയിൽ – 3 ടേബിൾ സ്പൂൺ
3. വെള്ളം – 4 കപ്പ്
4. നാരങ്ങാനീര് – 1 ടേബിൾസ്പൂൺ
5. വെളുത്തുള്ളി അരിഞ്ഞത് – 1 ടേബിൾ സ്പൂൺ
6. ബീൻസ് അരിഞ്ഞത് – 1/4 കപ്പ്
7. കാരറ്റ് അരിഞ്ഞത് – 11/4 കപ്പ്
8. കാബേജ് അരിഞ്ഞത് – 1/4 കപ്പ്
9. കാപ്സിക്കം അരിഞ്ഞത് – 1/4 കപ്പ്
10. ഉള്ളിത്തണ്ട് അരിഞ്ഞതത് – 1/4 കപ്പ്
11. സോയ സോസ് – 1 ടേബിൾ സ്പൂൺ
12. പഞ്ചസാര – 1/2 ടീസ്പൂൺ
13. ഉപ്പ് – ആവശ്യത്തിന്
തയ്യാറാക്കുന്ന വിധം
ഒരു കപ്പ് ബസ്മതി അരി നന്നായി കഴുകിയതിനു ശേഷം അര മണിക്കൂർ വെള്ളത്തിൽ കുതിർക്കാനായി മാറ്റിവയ്ക്കുക. ശേഷം ഒരു പാത്രത്തിലേക്ക് 4 കപ്പ് വെള്ളം ഒഴിച്ച് ചൂടാക്കുക. വെള്ളം തിളച്ചു വരുമ്പോൾ ആവശ്യത്തിന് ഉപ്പ് കൂടി ചേർത്ത് ഇളക്കിയതിനു ശേഷം അതിലേക്ക് കുതിർക്കാനായി മാറ്റി വച്ചിട്ടുള്ള അരി ചേർക്കുക. തിളക്കുന്നതു വരെ അടുപ്പിൽ തീ കൂട്ടി വയ്ക്കുക. തിള വന്നതിനു ശേഷം ചെറുതീയിൽ 4 മിനിറ്റ് മൂടി വച് വേവിക്കുക. അതിനു ശേഷം തീ ഓഫാക്കി വെള്ളം ഊറ്റിക്കളയുക. ശേഷം അരിപാത്രത്തിലായി നിരത്തി വച്ച് നന്നായി തണുക്കാൻ അനുവദിക്കുക. അതിനു ശേഷം ചുവട് കട്ടിയുള്ള ഒരു പാത്രം ചൂടാക്കുക. തീ നന്നായി കൂട്ടി വച്ചതിനു ശേഷം ഇതിലേക്ക് 2 ടേബിൾ സ്പൂൺ സൺഫ്ലവർ ഓയിൽ ചേർത്ത് കൊടുക്കുക. ഓയിൽ ചൂടാവുമ്പേൾ അതിലേക്ക് ഒരു ടേബിൾ സ്പൂൺ വെളുത്തുള്ളി ചെറുതായി അരിഞ്ഞത് ചേർത്ത് കുറച്ച് സമയം വഴറ്റി കൊടുക്കുക. എന്നിട്ട് ഇതിലേക്ക് കാൽ കപ്പ് ഗ്രീൻപീസ് അരിഞ്ഞത്, കാൽ കപ്പ് കാരറ്റ് അരിഞ്ഞത്, കാൽ കപ്പ് കാബേജ് അരിഞ്ഞത്, കാൽ കപ്പ് കാപ്സിക്കം എന്നിവ അരിഞ്ഞത് ഇടുക. കാൽ കപ്പ് ഉള്ളിത്തണ്ടിന്റെ വെളുത്ത ഭാഗം അരിഞ്ഞത് ഇതിലേക്ക് ആവശ്യത്തിനുള്ള ഉപ്പ് കൂടെ ചേർത്ത് ഒരുമിനിറ്റ് തീ കൂട്ടി വച്ച് ഇളക്കുക. ഒരു ടേബിൾ സ്പൂൺ സോയ സോസും അര ടീസ്പൂൺ
പഞ്ചസാരയും ഇതിലേക്ക് ചേർത്ത് ചെറുതായി ഇളക്കിയതിനു ശേഷം ചൂടാറിയ അരി കൂടെ ചേർത്ത് അരി പൊടിയാത്ത രീതിയിൽ നന്നായി യോജിപ്പിച്ചെടുക്കുക. കാൽ കപ്പ് സ്പ്രിങ്ങ് ഒണിയൻ ചെറുതാക്കി അരിഞ്ഞതും കൂടെ ചേർത്ത് ഇളക്കി തീ ഓഫാക്കുക.
Story Highlights ;Friedrice recipe
