വളരെ മികച്ച കഥാപാത്രങ്ങളിലൂടെ മലയാളി പ്രേക്ഷകരുടെ മനസ്സില്‍ വലിയൊരു സ്ഥാനം നേടിയ നടിയാണ് സംവൃത സുനില്‍. താരം ഇതിനോടകം തന്നെ മിക്ക സൂപ്പര്‍സ്റ്റാറുകളുടെയും ഹീറോയിന്‍ ആയിട്ട് അഭിനയിച്ചു കഴിഞ്ഞു. കൈ നിറയെ സിനിമകള്‍ ഉണ്ടായിരുന്ന സമയത്താണ് താരം സിനിമ ജീവിതത്തില്‍ നിന്നും ബ്രേക്ക് എടുക്കുന്നത്. വിവാഹത്തിന് ശേഷം ഭര്‍ത്താവിനോടൊപ്പം വിദേശത്തേക്ക് പോയ സംവൃത സുനില്‍ വലിയ ഒരു ഇടവേളയ്ക്ക് ശേഷമാണ് പിന്നീട് മലയാളത്തിലേക്ക് തിരിച്ചെത്തിയത്. ഇപ്പോള്‍ ഇതാ സിനിമയിലെ തന്റെ നിലപാടുകളെ കുറിച്ചുള്ള സംവൃതയുടെ ഒരു പഴയകാല അഭിമുഖത്തിലെ ചില രംഗങ്ങള്‍ ആണ് വൈറല്‍ ആയിക്കൊണ്ടിരിക്കുന്നത്.
‘ഇപ്പോള്‍ തന്നെ എന്റെ ഫാമിലിയിലെ ആളുകളും റിലേറ്റീവ്‌സും വളരെ അഭിമാനത്തോടുകൂടിയാണ് എന്റെ സിനിമയെക്കുറിച്ച് പറയുന്നതും എന്നെക്കുറിച്ച് എന്തെങ്കിലും കാര്യങ്ങള്‍ ടിവിയില്‍ വരുമ്പോള്‍ അവര്‍ അത്രയും എക്‌സൈറ്റഡ് ആയിട്ടാണ് ഇരിക്കുന്നത്. അപ്പോള്‍ അവരെല്ലാവരും എനിക്ക് തരുന്നൊരു റെസ്‌പെക്ട് ഉണ്ട്. എനിക്ക് ഇതുവരെ ഒരു മോശം എക്‌സ്പീരിയന്‍സ് ഈ ഫീല്‍ഡില്‍ ഉണ്ടായിട്ടില്ല. അപ്പോള്‍ അതെല്ലാം കിട്ടിയിട്ടുള്ളത് എനിക്ക് ഞാന്‍ ഉണ്ടാക്കിയെടുത്തിട്ടുള്ള അല്ലെങ്കില്‍ ഞാന്‍ ചെയ്ത സിനിമകളിലെ കഥാപാത്രങ്ങളിലൂടെയാണ്. അപ്പോള്‍ അത് നഷ്ടപ്പെടുത്തുന്നതിനോട് എനിക്ക് താല്‍പ്പര്യമില്ല.’, സംവൃത സുനില്‍ പറഞ്ഞു.
STORY HIGHLIGHTS: Samvrutha Sunil about cinema life